ଫୋକସ ପ୍ଲସ(ବ୍ରହ୍ମପୁର) ୧୩/୦୯/୨୦୨୨:ସୋମନାଥ ନଗରରେ ଏକ ବଡ଼ ଧରଣର ଚୋରି ଘଟଣାରେ ୩୫୦ ଗ୍ରାମ ସୁନା ଅଳଙ୍କାର ୯୪ ହଜାର ଟଙ୍କା ଜବତ ସହ ୮ ଜଣକୁ ଗିରଫ କଲା ଟାଉନ୍ ଥାନା ପୋଲିସ। ଏଥିରେ ଜଣେ ନାବାଳକ ସମେତ ୮ଜଣକୁ ଧରିଥିବା ନେଇ ଟାଉନ ଥାନାଧିକାରୀ ସୁରେଶ ତ୍ରୀପାଠୀ ସୂଚନା ଦେଇଛନ୍ତି। ସେମାନଙ୍କ ମଧ୍ୟରେ ଧରାପଡିଥିବା ନାବାଳକ ଜଣଙ୍କ ଏହି ଚୋରି ଘଟଣାର ମୁଖ୍ୟ ଷଡଯନ୍ତ୍ରକାରୀ ବୋଲି ପୋଲିସ କାହିଛି। ଉକ୍ତ ଘରୁ ସୁନା ଗହଣା ଓ ଟଙ୍କା ଚୋରି କରିବା ପରେ ଲୁଟିଆ ମାନେ ସେମାନଙ୍କ ମଧ୍ୟରେ ଭାଗ ବାଣ୍ଟି ନେଇଯାଇଥିଲେ। ଗିରଫ ଅଭିଯୁକ୍ତ ହେଲେ ପେଷାଦାର ଅପରାଧି ଶେଖ ସାକୀର (୨୪) , ଶେଖ ନୂର(୨୨), ଶେଖ ଗୋଚୁ ଓରଫ ସୋନୁ (୨୦), ଶେଖ ଇମ୍ରାନ (୧୯) ସେହିଭଳି ଚୋରି ସୁନା ଗହଣା କ୍ରୟ କରିଥିବା ଅଭିଯୋଗରେ କେ. ନାରାୟଣ ରାଓ ଆଚାରୀ(୪୬) , ଭି. ସାଇରାମ(୨୦) ଓ ଏନ. ଅରୁଣ କୁମାର (୨୮)। ପୋଲିସ ୩୫୫ ଗ୍ରାମ ସୁନା ଗହଣା ଓ ୯୪ ହଜାର ଟଙ୍କା ଜବତ କରିଛି। ସେହିଭଳି ଘଟଣାରେ ବ୍ୟବହାର କରାଯାଇଥିବା ଏକ ୟମହା ବାଇକ ଓ ଏକ ମୋବାଇଲ ଫୋନ ଜବତ କରିଥିବାବେଳେ ସେମାନଙ୍କୁ କୋର୍ଟ ଚାଲାଣ କରାଯାଇଛି। ଏହି ତଦନ୍ତରେ ଟାଉନ ଥାନା ଏସଆଇ ଜ୍ଞାନ ରଞ୍ଜନ ସେଠୀ ସାହାର୍ଯ୍ୟ କରିଛନ୍ତି। ଉକ୍ତ ଚୋରି ଘଟଣାର ଅଧିକ ତଦନ୍ତ ପାଇଁ ଲୁଟିଆଙ୍କୁ ରିମାଣ୍ଡରେ ଅଣାଯିବ ବୋଲି ଏସପି କହିଛନ୍ତି।
