ଫୋକସ ପ୍ଲସ(ବୋରିଗୁମ୍ମା)୨୮/୦୮/୨୦୨୨:ଜୟନ୍ତୀଗିରି ଫୁଟବଲ ପଡିଆ ଠାରେ ସ୍ବର୍ଗତ କୃଷ୍ଣ ଅମନାତ୍ୟ ମେମରିଆଲ ଫୁଟବଲ କପର ଉଦଯାପନି ଦିବସ ମହା ଆଡମ୍ବରରେ ଅନୁଷ୍ଠିତ ହୋଇ ଯାଇଛି । ଉଦଯାପନି ଦିବସ ତଥା ଫାଇନେଲ ମ୍ୟାଚ ମିନାମୁଣ୍ଡା ଏବଂ ଜୟନ୍ତୀଗିରି ଗଣପତି କ୍ଲବ ମଧ୍ୟରେ ଖେଳା ଯାଇଥିଲା । ଜୟନ୍ତୀଗିରି କୁ ଗୋଟିଏ ଗୋଲ ରେ ହରାଇ ମିନାମୁଣ୍ଡା ସ୍ବର୍ଗତ କୃଷ୍ଣ ଅମନାତ୍ୟ ମେମରିଆଲ ଫୁଟବଲ କପର ବିଜୟ ମୁକଟ ପିନ୍ଧି ଥିବା ଜଣା ପଡ଼ିଛି । ଏହି ଅବସରରେ ବିସିଂହପୁର ଅଂଚଳର ଯୁବ ନେତା ଫିରୋଜ କୁମାର ମିଶ୍ର ମୁଖ୍ୟ ଅତିଥି ଏବଂ ସମ୍ମାନିତ ଅଥିତି ଭାବରେ ସୁମନ୍ତ କୁମାର ମିଶ୍ର ଯୋଗ ଦେଇ ବିଜୟୀ ମିନାମୁଣ୍ଡା ଦଳକୁ ଟ୍ରଫି ଏବଂ ମାନପତ୍ର ପ୍ରଦାନ କରିଥିଲେ । ଗତ ୨୪ ତାରିଖରୁ ଅନୁଷ୍ଠିତ ହୋଇ ଥିବା ଏହି ଚାରିଦିବସୀୟ ଫୁଟବଲ ଟୋର୍ଣ୍ଣାମେଣ୍ଟରେ ଚାରଗାଁ ,ମିନାମୁଣ୍ଡା, ହଡ଼ପା,ନୂଆଗୁଡା,ଅଞ୍ଚଳା,ବୋରିଗୁମ୍ମା ବିକେସି ବ୍ରଦର,ବଡପଡା, ଘରୋୟୀ ଗଣାପତି କ୍ଲବ ଜୟନ୍ତୀଗିରି ଦଳ ଭାଗ ନେଇଥିଲେ । ଏହି ଫୁଟବଲ କପ ଟିକୁ ହରୀବନ୍ଧୁ ନାୟକ,ଚନ୍ଦ୍ର ନାୟକ,ଚନ୍ଦନ ମହାନ୍ତି,ଦୀପକ ପଟନାୟକ,ସଦରକ ନାୟକ ଓ ଗ୍ରାମାବାସି ଆୟୋଜନ କରିଥିଲେ । ଫାଇନାଲ ମେଚ ଦେଖିବା ପାଇଁ ଆଖ ପାଖ ଅଞ୍ଚଳର ଶତାଧିକ ଦର୍ଶକ ଯୋଗଦେଇ ଖେଳର ମଜା ନେଇଥିଲେ ।
