ଫୋକସ ପ୍ଲସ(ବ୍ୟୁରୋ)୨/୦୯/୨୦୨୨: ଝାଡ଼ଖଣ୍ଡ ଡୁମକାର ଦ୍ୱାଦଶ ଶ୍ରେଣୀର ଛାତ୍ରୀ ଅଙ୍କିତା ସିଂ |ଜୀବନର ଲକ୍ଷ ଥିଲା ଜଣେ ପୋଲିସ କର୍ମଚାରୀ ହେବା | ଏକତରଫା ପ୍ରେମ ଆଜି ତାଙ୍କର ସବୁ ସ୍ବପ୍ନ, ଆଶାକୁ ଶେଷ କରିଦେଇଛି | ଅଗଷ୍ଟ ୨୩ ରେ ଶାହାରୁଖ ନାମକ ଜଣେ ଯୁବକ ତାଙ୍କ ଉପରେ ପେଟ୍ରୋଲ ପକାଇ ପୋଡି ଦେବା ପରେ |ଅଗଷ୍ଟ ୨୮ ରବିବାର ଦିନ ସକାଳେ ଅଙ୍କିତାର ଚିକତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି | ଏକ ତରଫା ପ୍ରେମ ନେଇଗଲା ଯୁବତୀଙ୍କ ଜୀବନ |
ଅଙ୍କିତାଙ୍କର ଶେଷ କଥା |
ଅଙ୍କିତା କହିଛନ୍ତି ଯେ, ଅଭିଯୁକ୍ତ ତାଙ୍କୁ ପ୍ରାୟ 10 ଦିନ ପୂର୍ବରୁ ମୋବାଇଲରେ ଫୋନ କରି ତାଙ୍କ ସହ ବନ୍ଧୁତା କରିବାକୁ ଚେଷ୍ଟା କରିଥିଲା।”ସେ ସୋମବାର (ଅଗଷ୍ଟ ୨୨) ରାତି ପ୍ରାୟ 8 ଟା ବେଳେ ମୋତେ ଡାକି କହିଥିଲେ ଯେ ଯଦି ମୁଁ ତାଙ୍କ ସହ କଥା ନହୁଏ ତେବେ ସେ ମୋତେ ମାରିଦେବ। ମୁଁ ଧମକ ବିଷୟରେ ମୋ ବାପାଙ୍କୁ ଜଣାଇଥିଲି, ଏହା ପରେ ସେ ମୋତେ କହିଥିଲେ ଯେ ସେ ଉକ୍ତ ବ୍ୟକ୍ତିଙ୍କ ସହ କଥା ହେବେ। “ଆମର ରାତ୍ରୀ ଭୋଜନ ପରେ ଆମେ ଶୋଇବାକୁ ଗଲୁ। ମୁଁ ଅନ୍ୟ ଏକ କୋଠରୀରେ ଶୋଇଥିଲି। ମଙ୍ଗଳବାର ସକାଳେ ମୁଁ ମୋ ପିଠିରେ ଯନ୍ତ୍ରଣା ଅନୁଭବ କରିଥିଲି ଏବଂ କିଛି ଜାଳିବାର ଗନ୍ଧ ଅନୁଭବ କରିପାରିଲି। ମୁଁ ଆଖି ଖୋଲିବା ପରେ ସେ ଦୌଡ଼ି ପଳାଇଥିବାର ଦେଖିଲି। ମୁଁ ଯନ୍ତ୍ରଣାରେ ଚିତ୍କାର କରି ମୋ ବାପାଙ୍କ କୋଠରୀକୁ ଆଡକୁ ଗଲି । ମୋର ପିତାମାତା ନିଆଁକୁ ଆୟତ୍ତ କରି ମୋତେ ଡାକ୍ତରଖାନା ନେଇଥିଲେ। ମୃତ୍ୟୁର କିଛି ଘଣ୍ଟା ପୂର୍ବରୁ ପୋଲିସକୁ ଘଟଣା ସମ୍ପର୍କରେ ବର୍ଣ୍ଣନା କରିଥିଲେ ଅଙ୍କିତା |
୧୯ ବର୍ଷର ଅଙ୍କିତା ଏକ ବାଳିକା ବିଦ୍ୟାଳୟରେ ଛାତ୍ରୀ ଥିଲେ ଏବଂ ଲକ୍ଷ ଥିଲା ପୋଲିସ କର୍ମଚାରୀ ହେବ । ପିଲାଦିନେ କର୍କଟ ରୋଗରେ ନିଜ ମା’ଙ୍କୁ ହରାଇଥିଲେ ଅଙ୍କିତା | ମାଆଙ୍କ ଚିକିତ୍ସାରେ ଜମି ଏବଂ ସମ୍ପତ୍ତି ବିକ୍ରୟ କରିବାକୁ ବାଧ୍ୟ ହୋଇ ପରିବାର ଆର୍ଥିକ ସଙ୍କଟର ସମ୍ମୁଖୀନ ହୋଇଥିଲେ |ସୂତ୍ରରୁ ଜଣାପଡିଛି ଯେ, ତାଙ୍କ ପିତାଙ୍କ ପ୍ରତିଦିନର ମଜୁରୀ 200 ଟଙ୍କା ଥିଲା ଏବଂ ଆର୍ଥିକ ପରିସ୍ଥିତି ଯୋଗୁଁ ଅଙ୍କିତା ଟ୍ୟୁସନ କରି ପ୍ରତି ମାସରେ 1000 ଟଙ୍କା ରୋଜଗାର କରି ପରିବାରକୁ ସହାୟତା କରୁଥିଲେ |ଅଗଷ୍ଟ ୨୩ ରେ ଅଭିଯୁକ୍ତ ଅଙ୍କିତା ଘରେ ଶୋଇଥିବା ବେଳେ ଝରକା ବାଟେ ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଇ ଦୌଡ଼ି ପଳାଇଥିଲା | ଅର୍ଦ୍ଧଦଗ୍ଧ ଅବସ୍ଥାରେ ପରିବାର ଲୋକେ ତାଙ୍କୁ ହସ୍ପିଟାଲ୍ ରେ ଭର୍ତ୍ତି କରିଥିଲେ | ଅଗଷ୍ଟ 28 ରେ ତାଙ୍କର ମୃତ୍ୟୁ ହୋଇଥିଲା |
