ଫୋକସ ପ୍ଲସ ୧୧/୬/୨୨ (କୋକସରା ): କୋକସରା ବ୍ଲକ କାଉଡୋଲା ପଞ୍ଚାୟତ କାର୍ଯ୍ୟାଳୟର ଗଲି ଭିତରେ ଫସିଥିବା ୨ ଟି ବଳଦ କୁ ଶୁକ୍ରବାର ଅଗ୍ନିଶମ କର୍ମଚାରୀମାନେ ଉଦ୍ଧାର କରିଛନ୍ତି।ସୂଚନା ମତେ, କାଉଡୋଲା ପଞ୍ଚାୟତ କାର୍ଯ୍ୟାଳୟ ଭିତରେ ରହିଥିବା ରାଜୀବଗାନ୍ଧୀ ସେବା କେନ୍ଦ୍ର ଓ ପାଚେରୀ ଗଲି ଭିତରେ ଚରିବାକୁ ଯାଇଥିବା କାଉଡୋଳା ଗ୍ରାମର ଫକୀର ମାଝୀ ଓ କମଲ ମାଝୀଙ୍କ ୨ଟି ବଳଦ ଦିର୍ଘ ୩ ଘଣ୍ଟା ଧରି ଫସି ରହିଥିଲା। ଏନେଇ ବଳଦ ମାଲିକ ଦ୍ବୟ କୋକସରା ଅଗ୍ନିଶମ ବିଭାଗ କୁ ଖବର ଦେଇଥିଲେ। ପରେ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ମାନେ ପହଞ୍ଚି ପାଚେରୀ ଭାଙ୍ଗି ୨ଟି ଗାଈ କୁ ସୁରକ୍ଷିତ ଭାବରେ ଉଦ୍ଧାର କରିଥିବା ଜଣାପଡିଛି।
