ଫୋକସ ପ୍ଲସ (ଜଗତପୁର)୦୨/୦୭/୨୦୨୨: ଜମିବାଡ଼ି ସଂକ୍ରାନ୍ତୀୟ ପୂର୍ବ ଶତ୍ରୁତାକୁ କେନ୍ଦ୍ରକରି ଜଗତପୁର ଅଞ୍ଚଳର ଗୋପିନାଥପୁର ଅଣ୍ଡେଇ ସାହିରେ ପୁତୁରାଙ୍କ ଖଣ୍ଡା ଚୋଟରେ ଦାଦା ଗୁରୁତର l ଗୁରୁତର ଅବସ୍ଥାରେ ଆହତଙ୍କୁ ସ୍ଥାନୀୟ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଏବେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି l ସୂଚନା ମୁତାବକ, ଚମ୍ପତି ପଞ୍ଚାୟତ ଗୋପିନାଥପୁର ଗାଁର ଉପେନ୍ଦ୍ର ସାହୁଙ୍କୁ ତାଙ୍କ ବଡଭାଇ ବନମାଳୀ ସାହୁ ନିଜ ଘରକୁ ଯିବାଆସିବା ପାଇଁ ୧୫ କଡି ରାସ୍ତା ମାଗିଥିଲେ। ଉପେନ୍ଦ୍ରଙ୍କ ପାଖରେ ଆବଶ୍ୟକୀୟ ପରିମାଣର ଜମି ନଥିବାରୁ ସେ ତାଙ୍କୁ ଜମି ଦେବାକୁ ସିଧାସଳଖ ମନା କରି ଦେଇଥିଲେ। ଏହି ଘଟଣାର ରାଗ ସୁଝାଇବାକୁ ଆକ୍ରଣକାରୀ ପ୍ରସ୍ତୁତି କରିଥଲେ ବ୍ଲୁ ପ୍ରିଣ୍ଟ l ଗୁରୁବାର ରାତି ସାଢେ଼ ଦଶଟା ସମୟରେ ଉପେନ୍ଦ୍ର ନିଜ ଘରୁ ପୁଅ ଏବଂ ଝିଅ ସିଲିକୁ ଧରି ଅନ୍ୟ ଏକ ଘରକୁ ଖାଇବା ନେଇ ଯାଉଥିଲେ । ଏହି ସମୟରେ ଅନ୍ଧାରର ସୁଯୋଗ ନେଇ ପୂର୍ବ ଯୋଜନା ମୁତାବକ ଭାଇ ବନମାଳୀ ସାହୁ ଓ ତାଙ୍କ ଦୁଇ ପୁଅ ମନୋଜ ସାହୁ ଏବଂ ଜଗନ ସାହୁ ହାତରେ ଖଣ୍ଡା ଓ ଫାର୍ଶା ଧରି ଅଚାନକ ମରଣାନ୍ତକ ଆକ୍ରମଣ କରିଥିଲେ। ଆକ୍ରଣକ ବେଳେ ପୁତୁରା ଜଗନର ଖଣ୍ଡା ଚୋଟରେ ଉପେନ୍ଦ୍ରଙ୍କ ମୁଣ୍ଡରେ ଗଭୀର ଆଘାତ ଲାଗି କାନ ଦୁଇ ଫାଳ ହୋଇଥଲା । ଅଭିଯୋଗ ପରେ ଜଗତପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରି ଅଭିଯୁକ୍ତ ମନୋଜ ଓ ଜଗନଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି।
