ଫୋକସ ପ୍ଲସ(ପାଟଣାଗଡ)୧୯/୦୮/୨୦୨୨: ପାଟଣାଗଡ଼ ଅବକାରୀ ବିଭାଗ ଦ୍ୱାରା ଗୁରୁବାର ପେଟ୍ରୋଲିଂ କରୁଥିବା ସମୟରେ କୌଣସି ସୂତ୍ରରୁ ଖବର ପାଇ ହରିଶଙ୍କର ରାସ୍ତାରେ ଥିବା ବର୍ଥଲା ଛକରେ ଏକ ବାଇକ ଚାଳକକୁ ସନ୍ଦେହ କରି ତାକୁ ଅଟକାଇଥିଲେ !ଅବକାରୀ ବିଭାଗକୁ ଦେଖି ସେ ପଳାଇ ଯିବାକୁ ଉଦ୍ୟମ କରୁଥିବା ବେଳେ ଅବକାରୀ ବିଭାଗର କର୍ମଚାରୀ ମାନେ ତାକୁ କାବୁ କରିବାରେ ସଫଳ ହୋଇଥିଲେ। ଉକ୍ତ ବ୍ୟକ୍ତିକୁ ପଚରାଉଚରା କରିବାରୁ ତା ବାଇକ ଠାରୁ ପ୍ରାୟ 7 କେଜି ଗଞ୍ଜେଇ ଜବତ କରି ଥିବା ଜଣାପଡିଛି।ସୂଚନାନୁଯାୟୀ ଉକ୍ତ ଯୁବକ ଜଣକ ଶଙ୍କର ସାହୁ ବଲାଙ୍ଗିର ଜିଲ୍ଲା ଦେଓଗାଁ ଥାନା ଅନ୍ତର୍ଗତ ମହଲାଇ ଗ୍ରାମର ବୋଲି ଜଣାପଡିଛି। ସେ ତୁଷୁରା ଅଞ୍ଚଳରୁ ଆଣି ନୂଆପଡା ଜିଲ୍ଲାର ଜାମସେଟକୁ ନେଉଥିବା ବେଳେ ଧରାପଡିଥିଲା ! ଜବତ ହୋଇଥିବା ଗଞ୍ଜେଇର ଆନୁମାନିକ ମୁଲ୍ୟ ପ୍ରାୟ 40 ହଜାର ଟଙ୍କା ହେବ ବୋଲି ଅବକାରୀ ବିଭାଗ ଅଧିକାରୀ ଶ୍ରୀ ସତ୍ୟନାରାୟଣ ଦାସ ସୂଚନା ଦେଇଛନ୍ତି । ଏହାକୁ ଭିତ୍ତି କରି ଅବକାରୀ ବିଭାଗ ଆସାମୀ ବିରୁଦ୍ଧରେ ଏକ ପି ଆର କେଶ ୯୦/୨୨ ୨୩ ଏନ ଡ଼ି ପି ଏସ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଶ୍ରୀ ଦାସ ସୂଚନା ଦେଇଛନ୍ତି ! ଏହି ଚଢ଼ାଉ ସମୟରେ ବୁଲୁ ସେଠୀ, ଗୁଣମତି ମାଝୀ, ବଳରାମ ପ୍ରଧାନ, ଓ ଦୁଲେଶ୍ୱର କୁମୁରା ପ୍ରମୁଖ ସହଯୋଗ କରିଥିଲେ |
ପାଟଣାଗଡ ରୁ ଗଣେଶ ଦାସ ଙ୍କ ରିପୋର୍ଟ ଫୋକସ ପ୍ଳୋସ |
