ଫୋକସ ପ୍ଲସ ୨/୨/୨୩(ବ୍ୟୁରୋ):ଏକ ସିନେମା ହଲରେ ଦାଦା ଗିରି ସହ ମାର ପିଟ କରିବା ବନ୍ଧୁକ ଦେଖାଇ ସିନେମା ହଲ ମାଲିକଙ୍କୁ ଗାଳିଗୁଲଜ କରିବା ଅଭିଯୋଗରେ ଗିରଫ ହୋଇଛନ୍ତି ବଲାଙ୍ଗୀର ଜିଲ୍ଲା କଣ୍ଟାବାଂଝି ବିଧାୟକ ସନ୍ତୋଷ ସିଂ ସାଲୁଜାଙ୍କ ପୁଏ ସେଜି ସିଂ | ଅନୁ ପକ୍ଷରେ ସେଜି ସିଂ ଦ୍ୱାରା ପରିଚାଳିତ ଜିମରେ ପୋଲିସ ଚଢ଼ାଉ କରିଛି | ସେଜିଙ୍କ ଜିମରୁ ବିପୁଳ ମଦ ଓ ନଗଦ ଟଙ୍କା ଜବତ କରିଛି ପୋଲିସ | ପୂର୍ବରୁ ମଧ୍ୟ ସିଂଙ୍କ ନାମରେ ବେଆଇନ ଦାଦା ବଟି ଦାବି କରିବା ଗଣ୍ଡଗୋଳ କରିବା ଅନ୍ୟକୁ ଧମକ ଚମକ ଦେବା ପରି ଅଭିଯୋଗ ରହିଥିଲା | ମାତ୍ର ଆଜି ସେଜି ସେସବୁକୁ ଅତିକ୍ରମ କରି ବନ୍ଧୁକ ଦେଖାଇ ସିନେମା ହଲ ମାଲିକଙ୍କୁ ଧମକ ଦେଇଥିବା ଅଭିଯୋଗ ହେଇଛି | ତେବେ ଏହି ମାମଲାରେ ତାଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି | ମିଳିଥିବା ସୂଚନା ଅନୁସାରେ କୋଣସି କାରଣରୁ ବିଧାୟକ ସାଲୁଜାଙ୍କ ପୁଅ ସେଜି ସିଂ ସହ ଆଲିଶାନ ସିନେମା ହଲ ମାଲିକଙ୍କ ପୁଅଙ୍କ ସହ ବିବାଦ ସୃଷ୍ଟି ହୋଇଥିଲା | ଗତ ବୁଧବାର ଦିନ ସେଜି ସିଂ ଏବଂ ତାଙ୍କ ସାଥିମାନେ ସିନେମା ହଲରେ ପହଂଚି ଗଣ୍ଡଗୋଳ ଆରମ୍ଭ କରିଥିଲେ | ବନ୍ଧୁକ ଦେଖାଇ ଘଟଣା ସ୍ଥଳରେ ଆତଙ୍କ ରାଜ ସୃଷ୍ଟି କରିଥିଲେ | ତେବେ ଏ ସମ୍ପର୍କରେ ସ୍ଥାନୀୟ ପୋଲିସକୁ ସିନେମା ହଲ କର୍ତ୍ତୃପକ୍ଷ ସୂଚନା ଦେଇଥିଲେ | ଖବର ପାଇ ବେଲପଡା ପୋଲିସ ଘଟଣା ସ୍ଥଳରେ ପହଂଚିଥିଲେ ମଧ୍ୟ ସେଜିଙ୍କ ଆତଙ୍କ ରାଜ ଥମି ନଥିଲା | ପୋଲିସ କର୍ମଚାରୀଙ୍କ ସହ ମଧ୍ୟ ସେଜି ଯୁକ୍ତିତର୍କ କରିଥିଲେ ଓ ତାଙ୍କର ସହଯୋଗୀ ମାନେ ସିନେମା ହଲରେ ଲାଗିଥିବା ସିସିଟିଭି ହାର୍ଡ ଡିସ୍କକୁ ଧରି ପଳାଇବାକୁ ଉଦ୍ୟମ କରିଥିଲେ | ମାତ୍ର ପୋଲିସ ତତ୍ପରତା ପ୍ରକାଶ କରି ସେଜି ସିଂ କୁ ଗିରଫ କରିବାକୁ ସକ୍ଷମ ହୋଇଥିଲେ |ଗିରଫ ସେଜି ସିଂଙ୍କୁ ପାଟଣାଗଡ଼ କୋର୍ଟ ଚାଲାଣ କରାଯାଇଛି | ତିବ ଏପରି ଘଟଣା କୁ ନେଇ ସନ୍ତୋଷ ସିଂ ସାଲୁଜା କୌଣସି ପ୍ରତିକ୍ରିୟା ଦେଇନାହାନ୍ତି | ତେବେ ପୂର୍ବରୁ କଣ୍ଟାବାଞ୍ଝି ବିଧାୟକ ସାଲୁଜା ବଲାଙ୍ଗୀର ଜିଲ୍ଲା ପରିଷଦ ବୈଠକରେ ଜିଲ୍ଲା ପଲଙ୍କ ସହ ମୁହାଁ ମୁହିଁ ହୋଇ ବିବାଦ ମଧ୍ୟରେ ଥିଲେ | ଯାହାକୁ ନେଇ ପ୍ରଶାସନିକ ସେବା ସଙ୍ଘ ଆନ୍ଦୋଳନ କରିଥିବା ବେଳେ ସାଲୁଜା ମଧ୍ୟ ତାଙ୍କ ସମର୍ଥକଙ୍କ ସହ ଆନ୍ଦୋଳନ କରିଥିଲେ | ତେବେ ଏବେ ତାଙ୍କ ପୁଅଙ୍କୁ ପୋଲିସ ଗିରଫ କରିବା ପରେ ସେ ପୁଣି ବିବାଦ ମଧ୍ୟକୁ ଠେଲି ହୋଇଯାଇଛନ୍ତି |
