ଫୋକସ ପ୍ଲସ 15/2/23( ନବରଙ୍ଗପୁର): ଭାଲେଣ୍ଟାଇନ ଡେ ର ପର ଦିନ ଟଳି ପଡିଲେ ଲଭ ବାର୍ଡ , ନବରଙ୍ଗପୁର ଜିଲ୍ଲାରୁ ଆସିଲା ଅଭାବନୀୟ ଦୃଶ୍ୟ । ଝୁଲନ୍ତା ଅବସ୍ଥାରେ ପ୍ରେମୀ ଯୁଗଳଙ୍କ ମୃତଦେହ ଉଦ୍ଧାର । ପାପଡାହାଣ୍ଡି ବ୍ଲକ ସୀମାନ୍ତ ମଇଦଲପୁର ଥାନା ଅନ୍ତର୍ଗତ ଆମପାଣି ଘାଟିର ଖଡ଼କା ଜଙ୍ଗଲରୁ ଆଜି ପ୍ରେମୀ ଯୁଗଳଙ୍କ ମୃତ ଦେହ ଉଦ୍ଧାର ହୋଇଛି । ଉଭୟ ଏକ ମହୁଲ ଗଛରେ ଝୁଲନ୍ତା ଅବସ୍ଥାରେ ଅଛନ୍ତି । ମୃତ ଦେହ ନିକଟରେ ପ୍ରବଳ ଭିଡ଼ ଜମିଥିବା ବେଳେ । ପ୍ରେମିକା ମାଝୀଗୁଡା ପଂଚାୟତ ଭାଲୁ ଝର ଗ୍ରାମର ବେଲ ମୁଦୁଲି ଓ ପ୍ରେମିକ ମଇଦଲପୁର ପଂଚାୟତ ନୀଳାଦ୍ରୀଗୁଡା ଗ୍ରାମର ତ୍ରିପତି ମାଝୀ ବୋଲି ଜଣାପଡିଛି । ଉଭୟ ଗତ କାଲି ସନ୍ଧ୍ୟାରୁ ଘରୁ ବାହାରିଥିବା ସୂଚନା ମିଳିଛି । ଆଜି ସକାଳୁ ସ୍ଥାନୀୟ ଅଞ୍ଚଳର ଲୋକ ମାନେ ଦେଖିବା ପରେ ପୋଲିସକୁ ଖବର ଦେଇଥିଲେ । ଗତକାଲି ଭାଲେଣ୍ଟାଇନ ଡେରେ ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ତେବେ ଉଭୟ ଆତ୍ମ ହତ୍ୟା କରିଥିବା ସନ୍ଦେହ କରାଯାଉଛି । କେଉଁ ପରିସ୍ଥିତିରେ ଏପରି ଘଟଣା ହେଲା ପୋଲିସ ତଦନ୍ତ ପରେ ଜଣାପଡିବ । ଗ୍ରାମର ମୂଖ୍ୟ ରାସ୍ତାର ୧୦୦ ମିଟର ଦୁରରେ ଏହି ଦୁଇ ଜଣକ ଝୁଲନ୍ତା ମୃତ ଦେହ ଦେଖିବାକୁ ମିଳିଛି ।
