ଫୋକସ ପ୍ଲସ 19/2/23( ବ୍ୟୁରୋ): ପୁଣିଥରେ ଡ୍ରୋନ ଗେମ ଖେଳୁଛି ପାକିସ୍ତାନ । ବାରମ୍ବାର ଭାରତ ଭିତରକୁ ଡ୍ରୋନ ପଠାଉଛି ପାକିସ୍ତାନ । ପୂର୍ବରୁ ଭାରତ ଭିତରକୁ ଖାଲି ଡ୍ରୋନ ପଠାଉଥିବା ବେଳେ ଏବେ କିନ୍ତୁ ସବୁ ସୀମା ଟପିଛି ପାକିସ୍ତାନ । ଏଥର କିନ୍ତୁ ଭାରତ ଭିତରକୁ ଡ୍ରୋନରେ ହେରୋଇନ ପଠାଇଛି ପାକିସ୍ତାନ ।
ପଞ୍ଜାବ ଗୁରଦାସ ପୁରରେ ବିଏସଏଫ ଯବାନ ମାନେ ଏକ ଡ୍ରୋନକୁ ମାରି ଖସାଇ ଦେଇଛନ୍ତି । ଏଥିସହିତ ଏଥିରେ ଥିବା ହେରୋଇନ ଜବତ କରିଛି । ଶନିବାର ରାତି ପ୍ରାୟ ୯ଟାରେ ଭାରତ-ପାକ ସୀମାରେ ଗୁରୁଦାସପୁରର ସୀମାରେ ବିଏସଏଫ ଯବାନମାନେ ଏକ ସନ୍ଦିଗ୍ଧ ଡ୍ରୋନକୁ ଉଡୁଥିବା ଦେଖିବାକୁ ପାଇଥିଲେ ।
ଡ୍ରୋନ ଭାରତୀୟ ସୀମାରେ ପ୍ରବେଶ କରିବା କ୍ଷଣି ଏହାକୁ ଫାୟାରିଂ କରି ଖସାଇ ଦିଆଯାଇଥିଲା । ଯେଉଁଠି ଡ୍ରୋନ ଖସାଇଥିଲେ ସେହିସ୍ଥାନର ତଲାସି ନେବା ପରେ ୪ ପ୍ୟାକେଟ ହେରୋଇନ ମିଳିଥିଲା ।
ଯାଞ୍ଚ ପରେ ଜଣାପଡିଛି, ପାକରୁ ଆସିଥିବା ଏହି ଡ୍ରୋନ ଚୀନରୁ ନିର୍ମିତ । ଏହା ୯ କିଲୋର ଜିନିଷ ଉଠାଇ ଉଡି ପାରିବ । ଏହି ଡ୍ରୋନ ସାହାଯ୍ୟରେ ପାକିସ୍ତାନ ନିଶା କାରବାର କରିବାକୁ ଚାହୁଁଥିଲା ଯାହାକୁ ବିଫଳ କରି ଦେଇଛନ୍ତି ଭାରତୀୟ ଯବାନମାନେ । ଏଠି କହି ରଖିବୁ, କିଛି ଦିନ ତଳେ ପଞ୍ଚାବ ଗୁରୁଦାସ ପୁର ଇଲାକା ଭାରତ-ପାକିସ୍ତାନ ଅନ୍ତର୍ଜାତୀୟ ସୀମାରେଖା ନିକଟରେ ପାକିସ୍ତାନୀ ତସ୍କରଙ୍କ ସହ ବିଏସଏଫ ଯବାନଙ୍କର ଗଣ୍ଡଗୋଳ ହୋଇଥିଲା ।ଏହି ଗଣ୍ଡଗୋଳବେଳେ ୨୦ ପ୍ୟାକେଟ ହେରୋଇନ ଜବତ ହୋଇଥିଲା । ଏଥସିହତ ମାରଣାସ୍ତ୍ର ମଧ୍ୟ ଜବତ ହୋଇଥିଲା।
ଅଧିକାରୀକ ସୂତ୍ରରୁ ଜଣାଯାଇଛି, ବିଏସଏଫର ୧୧୩ ବାଟାଲିୟନ ଆଜି ସକାଳେ କିଛି ସନ୍ଦଗ୍ଧ ବ୍ୟକ୍ତିଙ୍କୁ ଦେଖିଥିଲେ । ଏହାପରେ ଗଣ୍ଡଗୋଳ ଆରମ୍ଭ ହୋଇଥିଲା । ବିଏସଏଫ ଉପ ମହାନରୀକ୍ଷକ ପ୍ରଭାକର ଯୋଶୀ କହିଛନ୍ତି, ସକାଳ ସାଢେ ୫ଟାରେ ଏହି ଘଟଣା ଘଟିଥିଲା । ବିଏସଏଫ କନେଷ୍ଟବଲ ଏହି ସନ୍ଦଗ୍ଧ ବ୍ୟକ୍ତିଙ୍କୁ ଅଟକାଇବାରୁ ପାକିସ୍ତାନ ପଟୁ ଗୁଳିଚାଳନା ହୋଇଥିଲା । ଭାରତୀୟ ଯବାନ ମଧ୍ୟ ଏହାର କଡା ଜବାବ ଦେଇଥିଲେ ।
