ଧରମ ଝିଅ କୁ ଦୁଷ୍କର୍ମ କରି ଗିରଫ ହେଲେ ଧରମ ବାପା

ବସ୍ତା23/11/23; ଧରମ ଝିଅ କୁ ଦୁଷ୍କର୍ମ କରି ଗିରଫ ହେଲେ ଧରମ ବାପା , ବାଲେଶ୍ବର ଜିଲ୍ଲା ଜଳେଶ୍ବର ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା ,ଜଳେଶ୍ଵର ପୁଲିସ ଗତକାଲି ରାତିରେ ଧରମ ଝିଅକୁ ଦୁଷ୍କର୍ମ କରିଥିବା ଅଭିଯୋଗରେ ଭୋଗରାଇ ବ୍ଲକ ଉଲୁଡ଼ା ଅଞ୍ଚଳର ଅନନ୍ତ ପ୍ରଧାନ ନାମକ ଜଣେ ବ୍ୟକ୍ତିକୁ ଗିରଫ କରିଛି, ସୂଚନା ଅନୁଯାୟୀ ଜଳେଶ୍ବର ଅଞ୍ଚଳର ଜଣେ ଯୁବତୀ ଉଳୁଡ଼ା ଗ୍ରାମର ଜନୈକ ବ୍ୟକ୍ତି ଙ୍କ ଘରେ ରହି ମାସିକ ଦରମାରେ ରୋଷେଇବାସ କରୁଥିଲେ। ସେହି ଘରର ଜଗୁଆଳି ଭାବେ ଅନନ୍ତ ମଧ୍ଯ ନିୟୋଜିତ ଥିଲେ। ଅନନ୍ତ ଓ ଉକ୍ତ ଯୁବତୀ ଗୋଟିଏ ଜାଗା ରେ ରହୁଥିବାରୁ ଉଭୟଙ୍କ ମଧ୍ୟରେ ସମ୍ପର୍କ ଗଢ଼ି ଉଠିଥିଲା, ଅନନ୍ତ ଉକ୍ତ ଯୁବତୀ ଙ୍କୁ ନିଜର ଧରମ ଝିଅ କରିଥିଲେ, ହେଲେ ଏହି ପବିତ୍ର ସମ୍ପର୍କ ଆଡେଇ ଅନନ୍ତ ନିଜ ଯୌନ ଲାଳସା ଚରିତାର୍ଥ କରିବା ପାଇଁ ଯୁବତୀଙ୍କ ଉପରେ ପକାଇଥିଲେ ଲୋଲୁପ ଦୃଷ୍ଟି, ଯୁବତୀ ଙ୍କ ଇଚ୍ଛା ବିରୋଧରେ ଅନନ୍ତ ତାଙ୍କୁ ବାରମ୍ବାର ଦୁଷ୍କର୍ମ କରୁଥିଲେ,ଅନନ୍ତଙ୍କ ଏପରି ଆଚରଣରେ ଅତିଷ୍ଠ ହୋଇ ଯୁବତୀ ଜଣକ ଜଳେଶ୍ଵର ଥାନା ଅନ୍ତର୍ଗତ ନାମ୍ପୋ ଫାଣ୍ଡି ଇଲାକାରେ ଥିବା ନିଜ ଘରକୁ ଚାଲି ଆସିଥିଲେ, ଆଉ ଗତକାଲି ନିଜ ବାପାଙ୍କ ସହ ଜଳେଶ୍ଵର ଥାନାକୁ ଯାଇ ଲିଖିତ ଅଭିଯୋଗ କରିଥିଲେ, ଅଭିଯୋଗ ଆଧାରରେ ଜଳେଶ୍ଵର ପୁଲିସ ମାମଲା ରୁଜୁ କରିବା ସହ ଗତକାଲି ରାତିରେ କମର୍ଦ୍ଦା ଥାନା ଅଞ୍ଚଳରୁ ଅଭିଯୁକ୍ତ ଅନନ୍ତଙ୍କୁ ଗିରଫ କରିଛି, ଏନେଇ ପିଡୀତା ଙ୍କ ପରିବାର ନ୍ଯାୟ ପାଂଇ ପୋଲିସ କୁ ନିବେଦନ କରିଛନ୍ତି |