ମୁମ୍ବାଇ, ୨୫ /୦୭: ଦେଖନ୍ତୁ ଆତ୍ମହତ୍ୟାର ଚଳନ୍ତ ଦୃଶ୍ୟ | ମୁମ୍ବଇରେ ଅଟଳ ସେତୁରୁ ଡେଇଁ ଜଣେ ଯୁବ ଇଞ୍ଜିନିୟର ଆତ୍ମହତ୍ୟା କରିଛନ୍ତି। ଯାହାର ଭିଡିଓ ସିସିଟିଭି ଦ୍ୱାରା କଏଦ ହୋଇଛି | ମୃତକ ଜଣକ ହେଉଛନ୍ତି ଡୋମ୍ବିଭ୍ଲିର ୩୮ ବର୍ଷୀୟ ଶ୍ରୀନିବାସନ୍ କୁରୁତୁରୀ । ତେବେ ବିଳମ୍ବିତ ରାତି ପର୍ଯ୍ୟନ୍ତ ତାଙ୍କ ମୃତଦେହ ମିଳିପାରି ନାହିଁ। ଶ୍ରୀନିବାସନ୍ ଅଟଳ ସେତୁରେ ବୁଧବାର ଦିନ ୧୨ଟା ୨୪ରେ ମୁମ୍ବଇ-ନଭି ମୁମ୍ବଇ ଲେନ୍ରୁ ଡେଇଁ ଆତ୍ମହତ୍ୟା କରିଛନ୍ତି।
ଅଟଳ ସେତୁରେ ଲାଗିଥିବା ସିସିଟିଭି ଫୁଟେଜରୁ ଯେଉଁ ଦୃଶୃ ସାମ୍ନାକୁ ଆସିଛି, ସେଥିରେ ସ୍ପଷ୍ଟ ଦେଖାଯାଉଛି ଯେ, ଦ୍ଵିପ୍ରହର ସମୟରେ ସେତୁ ଉପରେ ଟାଟା ନେକ୍ସନ ଏମଏଚ ୦୫ ଇଭି ୦୮୪୯ କାର୍ ହଠାତ୍ ଆସି ଅଟକୁଛି । ଏହାପରେ କାର ଭିତରୁ ଜଣେ ବ୍ୟକ୍ତି ବାହାରି ତୁରନ୍ତ ପୋଲ ବାଡ଼ାରେ ଚଢୁଛନ୍ତି ଏବଂ ଏହାପରେ ସମୁଦ୍ରକୁ ଡେଇଁ ପଡିଛନ୍ତି | ମୃତ ଶ୍ରୀନିବାସନ ବିଦେଶରେ କାମ କରୁଥିଲେ। ୭-୮ ମାସ ପୂର୍ବରୁ ଘରକୁ ଫେରି ବ୍ୟବସାୟ ଆରମ୍ଭ କରିଥିଲେ ବୋଲି ସୂଚନା ମିଳୁଛି। ଆର୍ଥିକ ସମସ୍ୟା କାରଣରୁ ସେ ଆତ୍ମହତ୍ୟା କରିଥିବା ଜଣାପଡିଛି । ପୁଲିସ ସ୍ଥାନୀୟ ଲୋକଙ୍କ ସାହାଯ୍ୟରେ ସମୁଦ୍ରରେ ଖୋଜାଖୋଜି ଆରମ୍ଭ କରିଥିଲା, କିନ୍ତୁ ଦ୍ଵିପ୍ରହର ସମୟରେ ବର୍ଷା ଓ ଜୁଆର କାରଣରୁ ଏଥିରେ ସମସ୍ୟା ଦେଖାଦେଇଥିଲା।
