ତାଳଚେର ପୌରପରିଷଦ ପକ୍ଷରୁ ଜଳଛତ୍ର କେବେ?

ତାଳଚେର ପୌରପରିଷଦ ପକ୍ଷରୁ ଜଳଛତ୍ର କେବେ?

ତାଳଚେର : ଶିଳ୍ପନଗରୀ ତାଳଚେରରେ ତାପମାତ୍ରା ସର୍ବାଧିକ ହୋଇଥିବା ବେଳେ ତାଳଚେର ପୌରପରିଷଦ ପକ୍ଷରୁ ବିଗତ ବର୍ଷମାନଙ୍କ ଭଳି ଚଳିତ ବର୍ଷ ବର୍ତମାନ ସୁଦ୍ଧା ଜଳଛତ୍ର ବ୍ୟବସ୍ଥା କରାଯାଇନଥିବା ବାଟୋଇମାନଙ୍କ ପାଇଁ ଦୁର୍ଭାଗ୍ୟ ଜନକବିଷୟ ହୋଇଛି ।
ଘଟଣାରୁ ପ୍ରକାଶ, ପୌରପରିଷଦ ପକ୍ଷରୁ ସହରର ବିଭିନ୍ନ ସ୍ଥାନମାନଙ୍କରେ ସର୍ବସାଧାରଣଙ୍କ ନିମନ୍ତେ ଏକାଧିକ ଜଳଛତ୍ର ଖୋଲା ଯାଇଥାଏ । ତାଳଚେର ତାଳମାତ୍ରା ଆଜି ୩୯ଡ଼ିଗ୍ରୀ ଥିବା ବେଳେ ଗତକାଲି ୪୦.୨ ଓ ତା’ପୂର୍ବଦିନ ୪୦.୨ଡ଼ିଗ୍ରୀ ରହିଥିବା ସରକାରୀ ସୂତ୍ରରୁ ଜଣାପଡ଼ିଛି । ତାଳଚେର ଏକ ଶିଳ୍ପାଚଂଳ ହୋଇଥିବାରୁ ପ୍ରଚଣ୍ଡ ଗ୍ରୀଷ୍ମତାପ ସାଙ୍ଗକୁ ଅତ୍ୟଧିକ ଗରମ ଅନୁଭୂତ ଓ ଘୋର ଜଳସଙ୍କଟ ଦେଖାଦେଇଥାଏ । ଏପରିକି, କୋଇଲା ଖଣି ଯୋଗୁଁ ଜଳାଶୟ ଗୁଡ଼ିକ ଯଥା – ନଦୀ, ନାଳ, ପୋଖରୀ, କୂଅ, ପୁଷ୍କରିଣୀ, ନଳକୂପ ଇତ୍ୟାଦି ଜଳସ୍ତର ନିମ୍ନଗାମୀ ହୋଇଥାଏ । ଏହାକୁ ଆଖି ଆଗରେ ରଖି ଦୀର୍ଘବର୍ଷ ବ୍ୟାପି ଗ୍ରୀଷ୍ମଋତୁରେ ତାଳଚେର ପୌରପରିଷଦ ପକ୍ଷରୁ ବିଭିନ୍ନ ସ୍ଥାନମାନଙ୍କରେ ଜଳଛତ୍ର ବ୍ୟବସ୍ଥା କରାଯାଇଥାଏ । ଏପରିସ୍ଥଳେ ବର୍ତମାନ ସୁଦ୍ଧା ପୌରପରିଷଦ ପକ୍ଷରୁ ଜଳଛତ୍ର ବ୍ୟବସ୍ଥା କରାଯାଇନଥିବାରୁ ପାଣି ଟୋପାଏ ପାଇଁ ବାଟୋଇମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସେହିପରି ପୌରପରିଷଦ ମଧ୍ୟରେ ରହିଥିବା ୨୧ଟିି ୱାର୍ଡ଼କୁ ସିଏସଆର ପାଣ୍ଠି ଅର୍ଥରୁ ଗ୍ରୀଷ୍ମଋତୁରେ ଟ୍ୟାଙ୍କର ଯୋଗେ ପୌରପରିଷଦ ଜରିଆରେ ପାନୀୟ ଜଳ ଯୋଗାଇ ଦିଆଯାଇଥାଏ । ମାତ୍ର ତାଳଚେର ପୌରପରିଷଦର ଜଳକଷ୍ଟ ଉତ୍କଟରୂପ ଧାରଣ କରିଥିଲେ ମଧ୍ୟ ଏପର୍ଯ୍ୟନ୍ତ ପୌରପରିଷଦ ପକ୍ଷରୁ ନା କରାଯାଉଛି ଜଳଛତ୍ର ନା କରାଯାଉଛି ଟ୍ୟାଙ୍କର ଯୋଗେ ଜଳଯୋଗାଣ । ତେବେ ଏସମ୍ପର୍କରେ ପୌରପରିଷଦର କର୍ମଚାରଙ୍କୁ ଯୋଗଯୋଗ କରିବାରୁ ଏହାର ଟେଣ୍ଡର ହୋଇପାରି ନାହିଁ ବୋଲି ପ୍ରକାଶ କରିଥିଲେ । ଅପରପକ୍ଷେ ତାଳଚେର ସହରରେ ଜିଲ୍ଳାଖଣିଜ ପାଣ୍ଠି ଓ ପୌରିଷଦ ପକ୍ଷରୁ ଲୋକଙ୍କ ସୁବିଧା ନିମନ୍ତେ ରାସ୍ତା କଡ଼ର ବିଭିନ୍ନ ସ୍ଥାନରେ ଲକ୍ଷାଧିକ ଟଙ୍କା ବିନିମୟରେ ଥଣ୍ଡା ପାନୀୟ ପ୍ରକଳ୍ପ କରାଯାଇଥିଲେ ମଧ୍ୟ ତାହା ଆଜି ଅଚଳ ଅବସ୍ଥାରେ ପଡ଼ି ରହିଛି । ସେହିଭଳି ତାଳଚେର ପୌରପରିଷଦ ୪ନମ୍ବର ୱାର୍ଡ଼ରେ ଜୁବିଲିଟାଙ୍କି (ପୋଖରୀ) ଓ ୧୧ନମ୍ବର ୱାର୍ଡ଼ ଅନ୍ତର୍ଗତ ରାଣୀପାର୍କ ମଧ୍ୟରେ ଏମସିଏଲ ଦ୍ୱାରା ନିର୍ମାଣ କରାଯାଇଥିବା ପୋଖରୀରେ କୋଇଲା ଖଣିର ଭୂତଳ ଜଳକୁ ଏଠାରେ ବର୍ଷସାର ପାଇପ୍ ଯୋଗେ ପକାଯାଇଥାଏ । ମାତ୍ର ଚଳିତବର୍ଷ ଏପ୍ରିଲ୍ ମାସ ହୋଇଯାଇଥିଲେ ମଧ୍ୟ ଏମସିଏଲ ପକ୍ଷରୁ ଏହି ଦୁଇ ପୋଖରୀରେ ପାଣି ପକାଯାଉନଥିବାରୁ ଏବେ ମାଟିଫାଟି ଆଁ ହୋଇ ରହିଛି । ଏହି ପୋଖରୀ ଗୁଡ଼ିକରେ ବର୍ଷ ତମାମ୍ ପାଣି ଫୁଲ ହୋଇ ରହିବା ଫଳରେ ୫ଟି ୱାର୍ଡ଼ର କୂଅ ଗୁଡ଼ିକରେ ପାଣି ଭରପୁର ହୋଇ ରହିଥାଏ । ମାତ୍ର ଏହି ପୋଖରୀ ଗୁଡ଼ିକ ଶୁଖିଲା ପଡ଼ିଥିବା ଯୋଗୁଁ କୂଅ ଗୁଡ଼ିକରେ ମଧ୍ୟ ଜଳଶୂନ୍ୟ ହୋଇପଡ଼ିଛି । ଏହାଫଳରେ ୫ଟି ୱାର୍ଡ଼ବାସୀ ବର୍ତମାନ ନାହିଁ ନଥିବା ଅସୁଧାର ସମ୍ମୁଖୀନ ହେଉଛନ୍ତି । ତେଣୁ ତୁରନ୍ତ ଜିଲ୍ଳାପାଳ ଏଥିନେଇ ଦୃଷ୍ଟି ଦେବାପାଇଁ ସାଧାରଣରେ ଦାବି ହେଉଛି ।

Related post

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ l

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ…

କୋରାପୁଟ୧୭/୦୩/୨୦୨୪; ଏହି ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲା ପ୍ରଶାସନର ପୂର୍ବ ପ୍ରସ୍ତୁତିକୁ ନେଇ ସାମ୍ବାଦିକ ସମ୍ବିଳନୀ l ଓଡ଼ିଶାରେ ଲୋକସଭା ନିର୍ବାଚନ ସମେତ ଓଡିଶା ବିଧାନସଭା…
ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ପାଟକୁରା୧୭/୦୩/୨୦୨୪; ପଦ୍ମପୁର ପଞ୍ଚାୟତର ବିଚଣା ଗ୍ରାମର ପାନୀୟ ଜଳର ଉତ୍କଟ ସମସ୍ୟାର ସମାଧାନ ପାଇଁ ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କ ପାଟକୁରା ଦାଇତ୍ୱ ତଥା ବେଦୁ ବାବୁଙ୍କର ଅଧୁରା ସ୍ୱପ୍ନକୁ…

ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି…

ଫୋକସ ପ୍ଲସ(breaking news୧୭/୦୩/୨୦୨୪); 1. ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି ସମାନ | ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଅବକାରୀ ଦୁର୍ନୀତି ମାମଲାରେ…

Leave a Reply

Your email address will not be published. Required fields are marked *