୨ ଟି ଦେଶୀ ବନ୍ଧୁକ ସହ ଧନୁତୀର ଜବତ ,୩ ଜଣ ଗିରଫ I

ଫୋକସ ପ୍ଲସ 16/4 (ଢେଙ୍କାନାଳ):ଢେଙ୍କାନାଳ ବନଖଣ୍ଡ କାମାକ୍ଷାନଗର ପୂର୍ବାଞ୍ଚଳ ରେଞ୍ଜ କରଡାପାଳ ଗାଁ ପାଖ ରଞ୍ଜାଗଡ଼ ସଂରକ୍ଷିତ ଜଙ୍ଗଲରୁ ତିନି ଜଣ ଜନ୍ତୁ ଶିକାରୀଙ୍କ ସହ ଦୁଇଟି ଦେଶୀ ବନ୍ଧୁକ ଓ ଧନୁତୀର ଜବତ କରିଛି ବନବିଭାଗ । ଗିରଫ ତିନି ଜନ୍ତୁ ଶିକାରୀ ହେଉଛନ୍ତି କରଡ଼ାପାଳ ଗାଁର ସାଗର ଦେହୁରୀ, କାନ୍ତୋଲ ଗାଁର ବିକାଶ ମୁଣ୍ଡା ଓ ରଇଆ ମୁଣ୍ଡା । ଜନ୍ତୁ ଶିକାରୀ ମାନେ ଦୀର୍ଘଦିନ ହେବ ଏହି ଅଞ୍ଚଳରେ ଜନ୍ତୁ ଶିକାର କରିବାରେ ସକ୍ରିୟ ଥିବାର ସୂଚନା ରହିଥିଲା। ଆଜି ବିଶେଷ ସୂତ୍ରରୁ ଖବର ପାଇ କାମାକ୍ଷାନଗର ପୂର୍ବାଞ୍ଚଳ ରେଞ୍ଜର ସତ୍ୟନାରାୟଣ ସାହୁ ରଞ୍ଜାଗଡ଼ ଜଙ୍ଗଲରେ ଚଢ଼ାଉ କରିଥିବାର ଦେଖିବାକୁ ମିଳିଥିଲା । ତିନି ଅଭିଯୁକ୍ତକୁ ଗିରଫ କରିବା ସହ କୋଭିଡ ଟେଷ୍ଟ କରି କୋର୍ଟ ଚାଲାଣ କରିଛି ବନ ବିଭାଗ।

କଙ୍କଡ଼ାହାଡ଼ ରୁ ପ୍ରବୀଣ ନାଏକ ଙ୍କ ରିପୋର୍ଟ ଫୋକସ ପ୍ଲସ।