ଭାଇ ଭଉଣୀର କରୁଣ କାହାଣୀ, 12 ବର୍ଷର କଁଅଳ ଭାଇର ମୁଣ୍ଡ ଉପରେ ଭଉଣୀର ବୋଝ।

ଭାଇ ଭଉଣୀର କରୁଣ କାହାଣୀ, 12 ବର୍ଷର କଁଅଳ ଭାଇର ମୁଣ୍ଡ ଉପରେ ଭଉଣୀର ବୋଝ।

ନିଜର ପିଲାଳିଆମୀ ଯାଇନଥିବା ବେଳେ ଜୀବନର ମାନେ କିନ୍ତୁ ବୁଝିଛି ଭାଇ , ଆଉ ବୁଝିଛି ଭାଇର ଭଉଣୀ ପ୍ରତି ଥିବା କର୍ତ୍ତବ୍ୟ।
ଯେଉଁ କାନ୍ଧରେ ଦିନେ ବହି ବସ୍ତାନୀ ପଡ଼ିଥାନ୍ତା ସେହି କାନ୍ଧରେ ଭାଇ ତା ଭଉଣୀକୁ ବୋହି ଚିକିତ୍ସା ପାଇଁ ସହାୟତା ମାଗୁଛି। ଆଉ କଣ ବା କରିପାରିଥାନ୍ତା ସେ, ଭଉଣୀ ତା ଆଖି ଆଗରେ ଏମିତି ଯତ୍ନଣା ରେ ଛଟ ପଟ ହୋଇଥାନ୍ତା ଆଉ କଉ ଭାଇ କଣ କେବେ ଧର୍ଯ୍ୟ ଧରି ରହିପାରିଥାନ୍ତା।କୁନି ଝିଅ ମାମା ମହାରଣା, ବୟସ ମାତ୍ର 6 ବର୍ଷ, ଘର ଢେଙ୍କାନାଳ ଜିଲ୍ଲା ଭୁବନ ଗ୍ରାମରେ । ମା ଅନେକ ଦିନରୁ ଆରପାରିକୁ ଚାଲିଯାଇଥିବା ବେଳେ ବାପାଙ୍କର ବି ଦୁର୍ଘଟଣାରେ ଗୋଡ଼ ଭାଙ୍ଗି ଯାଇଛି। ପରିବାରର ବୋଝ ବର୍ତ୍ତମାନ କୁନି ଭାଇ ବବଲୁ ଉପରେ। ଭଉଣୀର ମୁଣ୍ଡ ଅସ୍ୱାଭାବିକ ଭାବେ ବୃଦ୍ଧି ପାଇବାରେ ଲାଗିଛି ଆଉ ଏପରି ପରିସ୍ଥିତିରେ ଭାଇ ବବଲୁ ସହି ପାରୁନି ଭଉଣୀର ଯନ୍ତ୍ରଣା। ନିଜର କଅଳ ବୟସରେ ଭଉଣୀକୁ ଧରି ସହାୟତା ମାଗୁଥିବା ବେଳେ ରାସ୍ତା କଡରେ ଖଣ୍ଡେ ଚିରା ଫଟା ନାଲି ବେଡ଼ସିଟ ପକାଇ ଦେଇ ଭଉଣୀକୁ ଖେଳାଉଛି ଆଉ ଭଉଣୀ ମୁହଁରେ ଟିକେ ହସ ଫୁଟାଇବାକୁ ଅନେକ ପ୍ରକାର ହରକତ କରୁଛି।

 

ବୟସ ରେ ବବଲୁ ସିନା ଛୋଟ ହେଲେ ତା ଭଉଣୀ ପ୍ରତି ତାର ଭଲ ପାଇବା ସ୍ନେହ ମମତା ସମସ୍ତଙ୍କୁ ତାଯୁବ କରିଦେଉଛି। ସେପଟେ କୁନି ଝିଅ ଭାଇକୁ ସିନା ପାଟି କରି କିଛି କହି ପାରୁନି ହେଲେ ମନେ ମନେ ସେ ନିଶ୍ଚୟ କହୁଥିବ, ସତରେ ଭାଇ ତୁ ମହାନ। ତୁ ଅନେକଙ୍କ ପାଇଁ ପ୍ରେରଣା। ଏ ଦୁନିଆରେ ଅନେକ ଜଣ ଭାଇ, ଭଉଣୀର ମୂଲ୍ୟ ବୁଝିପାରୁ ନଥିବା ବେଳେ ତୁ ଅନେକଙ୍କ ପାଇଁ ଉଦାହରଣ ସାଜିବୁ । ଆଉ ତୁ କେବଳ ମୋ ଭାଇ ନୁହେଁ ମୋ ମା ବାପା ସବୁକିଛି ଆଉ ତୋ ପରି ଭାଇ ଭଗବାନ ସମସ୍ତଙ୍କୁ ଦିଅନ୍ତୁ। ସେପଟେ ବବଲୁ ବର୍ତ୍ତମାନ ଭଉଣୀର ଚିକିତ୍ସା ପାଇଁ ଚିନ୍ତାରେ ଅଛି ସୂଚନା ଅନୁଯାୟୀ ବବଲୁ ବର୍ତ୍ତମାନ ପାରାଦ୍ୱୀପ ବସଷ୍ଟାଣ୍ଡ ନିକଟ ପରିବା ମାର୍କେଟ ନିକଟରେ ରହୁଛି । ଯଦି ସରକାର  ବବଲୁ ଭଉଣୀ ମାମା ପାଇଁ ସାହାଯ୍ୟର ହାତ ବଢାନ୍ତେ ତେବେ ମାମା ଭାଇ କାନ୍ଧରେ ନ ବୁଲି ନିଜ କାନ୍ଧରେ ବହି ବସ୍ତାନୀ ପକାଇ ସ୍କୁଲ ଯାଆନ୍ତା ଆଉ ନିଜ କଅଳ ବୟସର ମଜା ନେଇ ପାରନ୍ତା ।

Related post

ପୂର୍ବ ବଚସାକୁ ନେଇ ଆକ୍ରମଣ

ପୂର୍ବ ବଚସାକୁ ନେଇ ଆକ୍ରମଣ

ଫୋକସ ପ୍ଲସ 31/3/23(ଆନନ୍ଦପୁର): ଆନନ୍ଦପୁର ଉପଖଣ୍ଡ ଘସିପୁରା ବ୍ଲକ ଅଧ୍ୟକ୍ଷା ସ୍ବାମୀ ଘରେ ପଶି ବୃଦ୍ଧାଙ୍କୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।…
ଗିରଫ ହେଲେ ରସିକିଆ ଶିକ୍ଷକ

ଗିରଫ ହେଲେ ରସିକିଆ ଶିକ୍ଷକ

ଫୋକସ ପ୍ଲସ 31/3/23(ଆନନ୍ଦପୁର): ଜଣେ ପ୍ରଧାନ ଶିକ୍ଷକ ଅଫିସକୁ ଡାକି ଛାତ୍ରୀଙ୍କୁ ଅସଦାଚରଣ କରିଥିବା ନେଇ ଗ୍ରାମବାସୀ ସଂପୃକ୍ତ ପ୍ରଧାନ ଶିକ୍ଷକ ଓ ସ୍କୁଲ ଘେରାଉ କରିଛନ୍ତି।ଏନେଇ ଶିକ୍ଷକ…
ମଲା ଲୋକଙ୍କ ନାଁରେ ଉଠୁଛି ରାସନ ସାମଗ୍ରୀ

ମଲା ଲୋକଙ୍କ ନାଁରେ ଉଠୁଛି ରାସନ ସାମଗ୍ରୀ

ଫୋକସ ପ୍ଲସ 31/3/23(ହାଟଡିହି): ଭୂତ ଖାଉଛି ପିଡ଼ିଏସ ସାମଗ୍ରୀ।ହିତାଧିକାରୀଙ୍କ ମୃତ୍ୟୁ ପରେ ବି ପରିବାର ଲୋକଙ୍କୁ ଅନ୍ଧାରରେ ରଖି ପିଡ଼ିଏସ ସାମଗ୍ରୀ ଉଠାଣ ହେଇଥିବା ଅଭିଯୋଗ ଆସିଛି।ପଦାରେ ପଡ଼ିଲା…

Leave a Reply

Your email address will not be published. Required fields are marked *