ଯେଉଁ ହାତରେ ଥିଲା ଦିନେ କ୍ରୁର ବନ୍ଧୁକ, ସେ ହାତରେ ଆଜି କୋମଳ ବରଣମାଳ। ଯେଉଁ ଯୁବକ ଯୁବତୀ ଦିନେ ନିଜ ଜୀବନକୁ ବାଜି ଲଗାଇଥିଲେ, ଅନ୍ୟର ଜୀବନ ନେବାକୁ ବି ପଛାଉ ନଥିଲେ, ସେମାନେ ଆଜି ଏକ ନୂଆ ଜୀବନ ଆରମ୍ଭ କରିଛନ୍ତି। ଏ ହେଉଛନ୍ତି ରାମଦାସ ଓ କଲମଦେଇ। ଦିନେ ମାଓବାଦୀଙ୍କ ସହ ମିଶିଥିଲେ, ଆଜି ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ଆଗେଇ ଆସିଛନ୍ତି। ଦିନେ ପୋଲିସ ବିରୁଦ୍ଧରେ ରଣହୁଙ୍କାର ଦେଉଥିଲେ, ଆଜି ପୋଲିସ କନ୍ୟାଦାନ କରୁଛି। ଏଭଳି ଏକ ନିଆରା ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାରେ। ନିରେଖି ଦେଖନ୍ତୁ ଏହି ନବଦମ୍ପତିଙ୍କୁ। ନିରୀହ ଦିଶୁଥିବା ଏହି ପୁଅଝିଅ ଦିନେ ଲାଲ ବାହିନୀ ସହ ମିଶି ପ୍ରଶାସନକୁ ଲାଲ ଆଖି ଦେଖାଉଥିଲେ।

ଭବାନୀପାଟଣା ବ୍ଲକ ଅନ୍ତର୍ଗତ ପଞ୍ଚକୁଳ ଗାଁର କଲମଦେଇ ୫ ବର୍ଷ ତଳେ ମାଓ ସଂଗଠନ ରେ ସାମିଲ ହୋଇଥିଲେ ପରେ ସମାଜର ମୁଖ୍ୟ ସ୍ରୋତରେ ସାମିଲ ହୋଇ ବନ୍ଧୁକ ଛାଡି ପୋଲିସ ନିକଟରେ ଆତ୍ମସମର୍ପଣ କରିଥିଲେ।ସେହିଭଳି ମାଓ ସଂଗଠନ ଜଣେ ହାର୍ଡକୋର କର୍ମୀ ଛତିଶଗଡ଼ ରାଜ୍ୟର ରାମଦାସ।ଦୀର୍ଘ ୧୦ ବର୍ଷ ଧରି ମାଓ କାର୍ଯ୍ୟକଳାପ ରେ ସାମିଲ ହୋଇଥିଲେ ୨୦୧୯ ମହିସା ରେ ପୋଲିସ ନିକଟରେ ଆତ୍ମସମର୍ପଣ କରିଥିଲେ।

ଏକଦା ମାଓ ସଂଗଠନରେ ସାମିଲ ଥିବା ରାମଦାସ ଓ କଲମଦେଇ ସରକାରଙ୍କ ଆହ୍ୱାନ କ୍ରମେ ଭିନ୍ନ ଭିନ୍ନ ସମୟରେ ପୋଲିସ ନିକଟରେ ଆତ୍ମସମର୍ପଣ କରିଥିଲେ। ତେବେ ମାଓ ସଂଗଠନରେ ଥିଲା ବେଳେ ହିଁ ଦୁହିଁଙ୍କ ମନ ଭିତରେ ପ୍ରୀତିର ବାସ୍ନା ଚହଟି ଥିଲା। ତେବେ କେହି କାହାକୁ କହିପାରି ନଥିଲେ। ଏବେ ସମାଜର ମୁଖ୍ୟ ସ୍ରୋତକୁ ଆସିଲା ବେଳକୁ ଦୁହେଁ ଦୁହିଁଙ୍କୁ ମନକଥା କହିଛନ୍ତି। ଆଉ ସେମାନଙ୍କ ସ୍ୱପ୍ନ ସାକାର କରିଛନ୍ତି କଳାହାଣ୍ଡି ପୋଲିସ । ଦୁହିଁଙ୍କୁ ବିବାହ ବନ୍ଧନରେ ବାନ୍ଧି ଦେଇଛି କଳାହାଣ୍ଡି ପୋଲିସ। ସେମାନେ ବି ଖୁସି ପ୍ରକଟ କରିଛନ୍ତି। ଅନ୍ୟ ପକ୍ଷରେ କଳାହାଣ୍ଡି ଏସପି ମାଓ ସଂଗଠନ ଛାଡ଼ି ମୁଖ୍ୟ ସ୍ରୋତକୁ ଫେରି ଆସିବାକୁ ଲାଲ ବାହିନୀର ଯୁବକ ଯୁବତୀଙ୍କୁ ଆହ୍ୱାନ ଦେଇଛନ୍ତି।

 

Related post

କାଳ ବୈଶାଖୀ ରେ ଭାଙ୍ଗିଲା ବାସଗୃହ

କାଳ ବୈଶାଖୀ ରେ ଭାଙ୍ଗିଲା ବାସଗୃହ

ଫୋକସ ପ୍ଲସ 25/5/22(ପାତ୍ରପୁର): ଗତ କାଲି ର ପ୍ରଚଣ୍ଡ କାଳବୈଶାଖୀ ରେ ପାତ୍ରପୁର ବ୍ଲକ ଜରଡ଼ା ପଞ୍ଚାୟତ ଅନ୍ତର୍ଗତ ବଂଶୀ ଗାଁ ରାଧା ଶବର ଙ୍କ ଘର ସମ୍ପୂର୍ଣ୍ଣ…
ଅସହାୟ ବିକୃତ ମାନସିକ ଯୁବକ ର ଯତ୍ନ କଲେ ମାତୃଭୂମି ଫାଉଣ୍ଡେସନ

ଅସହାୟ ବିକୃତ ମାନସିକ ଯୁବକ ର ଯତ୍ନ କଲେ ମାତୃଭୂମି ଫାଉଣ୍ଡେସନ

ଫୋକସ ପ୍ଲସ 25/5/22(ଡେରା): ତାଳଚେର ହାଣ୍ଡିଧୂଆଁ ଗ୍ରାମର ଅସହାୟ ବିକୃତ ମାନସିକ ଯୁବକ ଟୁକୁନା ବେହେରାର ଯତ୍ନ ନେଲା ମାତୃଭୂମି ଫାଉଣ୍ଡେସନ।ସୂଚନା ଥାଉକି ଦୀର୍ଘ ପାଞ୍ଚ ବର୍ଷ ହେବ…
ବଢୁଛି ଡ୍ରପ ଆଉଟ ଛାତ୍ରଛାତ୍ରୀଙ୍କ ସଂଖ୍ୟା, ଚିନ୍ତାରେ ଶିକ୍ଷା ବିଭାଗ

ବଢୁଛି ଡ୍ରପ ଆଉଟ ଛାତ୍ରଛାତ୍ରୀଙ୍କ ସଂଖ୍ୟା, ଚିନ୍ତାରେ ଶିକ୍ଷା ବିଭାଗ

ଫୋକସ ପ୍ଲସ 25/5/22(ଅନଗୁଳ):ଚଳିତ ବର୍ଷ ଅନୁଗୋଳ ଜିଲ୍ଲାରେ ୮୮୪ ଜଣ ଛାତ୍ରଛାତ୍ରୀ ୧୦ମ ପରୀକ୍ଷା ଦେଇନାହାନ୍ତି । ସେହିପରି ପ୍ରାୟ ୨ହଜାରରୁୁ ଅଧିକ ୯ମ ଶ୍ରେଣୀ ଛାତ୍ରଛାତ୍ରୀ ସ୍କୁଲକୁ…

Leave a Reply

Your email address will not be published.