ଦୁଇ ମିରିଗକୁ ଉଦ୍ଧାର କରି ବନବିଭାଗକୁ ଗାଁ ଲୋକ |
- Breaking newsଦେଶ ବିଦେଶରାଜ୍ୟ
- April 24, 2022
- No Comment
- 155
ଫୋକସ ପ୍ଲସ 24/4(ପୁରୀ):ଚିଲିକା ନୁଆପଡା ବନାଞ୍ଚଳ ବନ୍ୟପ୍ରାଣୀ ବନଖଣ୍ଡ ଅଧିନସ୍ଥ ସିପିଆ ଗାଁ ଲୋକଙ୍କ ଦ୍ବାରା ଆହତ ଅବସ୍ଥାରେ ଦୁଇ ମିରିଗକୁ ଉଦ୍ଧାର କରି ବନବିଭାଗକୁ ହସ୍ତାନ୍ତର କରିଛନ୍ତି | ରବିବାର ଭୋର ୭ ଘଣ୍ଟା ସମୟରେ ଦୁଇ ମିରିଗ ସିପିଆ ଗାଁ ମୁହାଁ ହୋଇଛନ୍ତି | ଦୁଇଟି ମିରିଗ ମଧ୍ୟରୁ ଗୋଟିଏ ମିରିଗ ଗୋଡରେ ଶକ୍ତ ଆଘାତ ଲାଗି ରକ୍ତଶ୍ରାବ ହେଉଥିବା ଦେଖିବାକୁ ମିଳିଥିଲା | ବନବିଭାଗର ବନପାଳ ମୀନା କୁମାରୀ ନାୟକ ସିପିଆ ଠାରେ ପହଞ୍ଚି ମିରିଗ ଦୁଇଟିକୁ ବନବିଭାଗ କାର୍ଯ୍ୟାଳୟକୁ ଆଣି ପଶୁ ଚିକିସ୍ଚା ଅଧିକାରୀଙ୍କୁ ଡାକି ତାହାର ଚିକିସ୍ଚା କରାଇଥିଲେ | ମିରିଗକୁ ଦେଖିବା ପାଇଁ ସ୍ଥାନୀୟ ଲୋକଙ୍କ ଭିଡ ଜମିଥିଲା | ଆହତ ମିରିଗକୁ ଚିକିସ୍ଚା ପରେ ନୁଆପଡା ଜଙ୍ଗଲରେ ଛାଡି ଦିଆଯିବ ବୋଲି ବନପାଳ କହିଛନ୍ତି |
