ବ୍ଲୁ ଲେକ ରେ ଗାଧେଇବା ହେଲା କାଳ I

ଫୋକସ ପ୍ଲସ 2/5/22(ନୀଳଗିରି): ବ୍ଲୁ ଲେକ ରେ ଗାଧେଇବା ହେଲା କାଳ, ଯୁବକ ପାଣିରେ ନିଖୋଜ, ଅଗ୍ନିଶମ ବାହିନୀର ଖୋଜାଖାଜି ଆରମ୍ଭ I
ଗାଧେଇବା ବେଳେ ଅଘଟଣ, ପାଣିରେ ବୁଡ଼ିଗଲେ ଯୁବକ, ପୋଲିସ ଏବଂ ଅଗ୍ନିଶମ ବାହିନୀର ଖଜାଖୋଜି ଆରମ୍ଭ, ଅଧଘଣ୍ଟା ବିତିଯାଇଥିଲେ ବି ଯୁବକଙ୍କ ମିଳୁନି ପତା, ନିଖୋଜ ଯୁବକ ହେଇଛନ୍ତି ବିଶ୍ୱଜିତ୍ କବାଟ, ମୟୂରଭଞ୍ଜ ଜିଲ୍ଲା ବେତନଟୀ ଅଞ୍ଚଳରୁ ୯ଜଣବନ୍ଧୁ ବ୍ଲୁ ଲେକ୍ ବୁଲିବା ପାଇଁ ଆସିଥିଲାବେଳେ ଅଘଟଣ I
ନୀଳଗିରି ମିତ୍ରପୁର ଅଞ୍ଚଳରେ ଥିବା ପୁରାତନ ଖାଦାନ ଗୁଡିକ ସମୟାନୁକ୍ରମେ ହ୍ରଦର ଭ୍ରମ ସୃଷ୍ଟି କରୁଥିବାରୁ ବହୁ ଦୂରଦୂରାନ୍ତ ରୁ ଅନେକ ପର୍ଯ୍ୟଟକ ସେଲ୍ଫି ନେବା ଏବଂ ଫୋଟଗ୍ରାଫି କରିବାକୁ ଛୁଟି ଆସନ୍ତି | କିନ୍ତୁ ଏଠାରେ ଏହି ହ୍ରଦର ଭ୍ରମ ସୃଷ୍ଟି କରୁଥିବା ବ୍ଲୁଲେକଟି ଆଶାତୀତ ଗଭୀର ଏବଂ ଏଠାରେ କୌଣସି ନିରାପତ୍ତା ବ୍ୟବସ୍ଥା ମଧ୍ୟ ନାହିଁ | ଫଳରେ ଅନେକ ସମୟରେ ଏଠାରେ ଅଘଟଣ ଘଟିଥାଏ, ଆଜି ମୟୁରଭଞ୍ଜ ବେତନଟୀ ଅଞ୍ଚଳ ରୁ ବୁଲାବୁଲି କରିବାକୁ ଆସିଥିବା ନଅଜଣ ଯୁବକଙ୍କ ମଧ୍ୟରୁ ବିଶ୍ୱଜିତ କବାଟ (19) ଗାଧୋଉ ଥିବାବେଳେ ଗୋଡଖସି ଯାଇ ନିଖୋଜ ଅଛନ୍ତି | ଖବର ପାଇ ରେମୁଣା ଅଗ୍ନିଶମ ବିଭାଗ ରୁ 7 ଜଣିଆ ଟିମ ଏବଂ ନୀଳଗିରି ପୋଲିସ ଘଟଣାସ୍ଥଳରେ ପହଞ୍ଚି ଖୋଜାଖୋଜି ରେ ନିୟୋଜିତ ଥିବା ବେଳେ ନିଖୋଜ ଥିବା ଯୁବକ କୁ ଖୋଜି ପାଇପାରିନାହାନ୍ତି | ତେବେ ଗୁରୁତ୍ୱପୂର୍ଣ କଥା 3 ମାସ ପୂର୍ବରୁ ଏହି ବ୍ଲୁ ଲେକ୍ ରେ ଜଣେ ପର୍ଯ୍ୟଟକ ଙ୍କର ମୃତ୍ୟୁ ଘଟିଥିଲା, ତଥାପି ସ୍ଥାନୀୟ ପ୍ରଶାସନ ପକ୍ଷରୁ ଏଠାରେ କୌଣସି ନିରାପତ୍ତା ବ୍ୟବସ୍ଥା କରା ନଯିବା ଦୁର୍ଭାଗ୍ୟଜନକ।