ବାଇକ ଡିକିରୁ ୨ ଲକ୍ଷ ଟଙ୍କା ଚୋରି

ବାଇକ ଡିକିରୁ ୨ ଲକ୍ଷ ଟଙ୍କା ଚୋରି

ତୁମୁଡିବନ୍ଧ ମୁଖ୍ୟ ବଜାରରୁ ସୋମବାର ଦିନ ସମୟ ପ୍ରାୟ ୧ ଘ. ୩0 ମି. ରେ ସ୍ପଷ୍ଟ ଦିବାଲୋକରେ ଜଣେ ପ୍ରତିଷ୍ଠିତ ବ୍ୟବସାୟୀଙ୍କ ବାଇକ ଡିକିରୁ ୨ ଲକ୍ଷ ଟଙ୍କା ଚୋରି ହୋଇଯାଇଥିବା ସ୍ଥାନୀୟ ଥାନାରେ ଅଭିଯୋଗ ହୋଇଛି l ଅଭିଯୋଗ ପ୍ରକାରେ ତୁମୁଡିବନ୍ଧ ର ଶାଳପତ୍ର ବ୍ୟବସାୟୀ ପୂର୍ଣ୍ଣ ଚନ୍ଦ୍ର ସାହୁ ଆଜି ସ୍ଥାନୀୟ ଭାରତୀୟ ଷ୍ଟେଟ ବ୍ୟାଙ୍କ ଶାଖାରୁ ଆବଶ୍ୟକ ଅନୁଯାଇ ୨ ଲକ୍ଷ ଟଙ୍କା ଉଠାଇଥିଲେ l ଟଙ୍କା ଉଠାଇ ସିଧାସଳଖ ତୁମୁଡିବନ୍ଧ ଲକ୍ଷ୍ମୀ ବଜାରରେ ରହୁଥିବା ନିଜ ସହଯୋଗୀ ବ୍ୟବସାୟୀ ସନ୍ତୋଷ ସାହୁଙ୍କ ବାସଗୃହକୁ ରାସ୍ତା ଉପରେ ବାଇକ ରଖି କୌଣସି କାର୍ଯ୍ୟରେ ଯାଇଥିଲେ l କିଛି ସମୟ ପରେ ଆସି ଦେଖିବା ବେଳେ ଡିକିରେ ରଖିଥିବା ୨ ଲକ୍ଷ ଟଙ୍କା ନଥିବା ଅଭିଯୋଗ କରିଛନ୍ତି l ତେବେ ଏ ସଂକ୍ରାନ୍ତରେ ସ୍ଥାନୀୟ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରି ବ୍ୟାଙ୍କର ସିସିଟିଭି ତଥା ଅନ୍ୟାନ୍ୟ ଦୋକାନରେ ଲାଗିଥିବା ସିସିଟିଭିରୁ ଦୃଶ୍ୟ ଯାଞ୍ଚ କରିଛି l ପୋଲିସ ସୂଚନା ମୁତାବକ ବର୍ତମାନ ସୁଦ୍ଧା ପ୍ରାଥମିକ ତଦନ୍ତରୁ ସେଭଳି କୌଣସି ସନ୍ଦିଗ୍ଧ ନଜରକୁ ଆସି ନାହାନ୍ତି l ଅନ୍ୟପଟେ ସ୍ପଷ୍ଟ ଦିବାଲୋକରେ ଜନଗହଳି ସ୍ଥାନରୁ ତଥା ଆଜି ସାପ୍ତାହିକ ହାଟ ଥିବାରୁ ଆମ ଗାଡ଼ି ବାରମ୍ବାର ପେଟ୍ରୋଲିଙ୍ଗ କରୁଥିବା ବେଳେ ଏଭଳି ଘଟଣା ଘଟିବା ଦୁର୍ଭାଗ୍ୟଜନକ ଓ ସନ୍ଦେହଜନକ ମଧ୍ୟ ବୋଲି ତୁମୁଡିବନ୍ଧ ଥାନା ଅଧିକାରୀ ଜୟନ୍ତ କୁମାର ସେଠି ପ୍ରତିକ୍ରିୟା ରଖିଛନ୍ତି l ତଥାପି ବିଭିନ୍ନ ଦିଗକୁ ନେଇ ତଦନ୍ତ ଜାରୀ ରହିଛି ଓ ଯଥାଶୀଘ୍ର ସତ୍ୟ ଉନ୍ମୋଚନ ହେବ ବୋଲି ପୋଲିସ କହିଛି l ତେବେ ତୁମୁଡିବନ୍ଧ ମୁଖ୍ୟ ବଜାରରୁ ସ୍ପଷ୍ଟ ଦିବାଲୋକରେ ଏଭଳି ୨ ଲକ୍ଷ ଟଙ୍କା ଚୋରି ଘଟଣା ପରେ ଅଞ୍ଚଳର ଅନ୍ୟ ବ୍ୟବସାୟୀ ଙ୍କ ମନରେ ଛନକା ପଶିଯାଇଛି l

Related post

ନିର୍ବାଚନୀ ମଇଦାନକୁ ଓହ୍ଲାଇଲେ ଭାଜପାର କଟକ ସାଂସଦ ପ୍ରାର୍ଥୀ ଭର୍ତୁହରୀ।

ନିର୍ବାଚନୀ ମଇଦାନକୁ ଓହ୍ଲାଇଲେ ଭାଜପାର କଟକ ସାଂସଦ ପ୍ରାର୍ଥୀ ଭର୍ତୁହରୀ।

କଟକ୦୮/୦୪/୨୦୨୪; ଏବେ ମଧ୍ୟ ବିଭିନ୍ନ ଦଳରେ ମିଶ୍ରଣ ପର୍ବ ଜାରି ରହିଥିବା ବେଳେ ଗତ କିଛି ଦିନ ତଳେ ଶଙ୍ଖ ଛାଡି ପଦ୍ମ ଧରିଥିବା ବିଜେପି ର କଟକ…
୧୭ ମିନିଟରେ ନିଆରା ବାହାଘର |

୧୭ ମିନିଟରେ ନିଆରା ବାହାଘର |

ସୁନ୍ଦରଗଡ଼୦୮/୦୪/୨୦୨୪; ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରାନିବନ୍ଧ ଠାରେ ଦେଖିବାକୁ ମିଳିଛି ନିଆରା ଢଙ୍ଗରେ ବାହାଘର, ସାଧାରଣତଃ ଆପଣମାନେ ଦେଖିଥିବେ ବରଯାତ୍ରୀ ନେଇ ବାଜା ବାଣ ରୋଷଣି ରେ ବର…
ଆସୁଛି କାଳବୈଶାଖୀ ଜବର,୪ ଦିନ ବର୍ଷିବ |

ଆସୁଛି କାଳବୈଶାଖୀ ଜବର,୪ ଦିନ ବର୍ଷିବ |

ପାଣିପାଗ ୦୮/୦୪/୨୦୨୪; ଆସୁଛି ବଡ ବର୍ଷା | ୪ ଦିନ ବର୍ଷିବ | ଏହି ସବୁ ରାଜ୍ୟରେ ତାଣ୍ଡବ ରଚିବ କାଳବୈଶାଖୀ | ପାଣିପାଗ ବିଭାଗ ଅନୁଯାୟୀ, ଅରୁଣାଚଳ…

Leave a Reply

Your email address will not be published. Required fields are marked *