ପାନୀୟ ଜଳ ଓ ଜଙ୍ଗଲ ଜମି ପଟା ପାଇଁ ଦାବି।

ପାନୀୟ ଜଳ ଓ ଜଙ୍ଗଲ ଜମି ପଟା ପାଇଁ ଦାବି।

ଫୋକସ ପ୍ଲସ ୨୯/୫/୨୨(ଦଶମନ୍ତପୁର): ଦଶମନ୍ତପୁର ବ୍ଲକ ଅନ୍ତର୍ଗତ ଗାଦିଆ ଗୁଡା ପଞ୍ଚାୟତ ଅଧିନସ୍ଥ ରାଣୀ ଗୁଡା ଗ୍ରାମ ବାସୀ ପାନୀୟ ଜଳ ଓ ଜଙ୍ଗଲ ଜମି ପଟା ରୁ ବଞ୍ଚିତ ହୋଇ ଆସୁଥିବା ଅଭିଯୋଗ କରିଛନ୍ତି। ଏହା ର ସମାଧାନ ପାଇଁ ବାରମ୍ବାର ପ୍ରଶାସନ ର ଦ୍ବାରସ୍ଥ ହୋଇ ଗ୍ରାମ ବାସୀ ଗୁହାରି କରି ଆସୁଥିଲେ ମଧ୍ୟ କୈାଣସି ସୁଫଳ ମିଳୁନାହିଁ। ଏହି ଗ୍ରାମ ରେ ୩୭ ପରିବାର ଆଦିବାସୀ କନ୍ଧ ସମ୍ପ୍ରଦାୟର ଲୋକମାନେ ବସବାସ କରନ୍ତି। ସେମାନଙ୍କ ମୁଖ୍ୟ ଜୀବିକା ହେଲା ପଡୁ ଚାଷ। ବିଶେଷ କରି ଗ୍ରାମ ରେ ପାନୀୟ ଜଳର ଅଭାବ ରହିଛି। ୩୭ ପରିବାର ଲୋକଙ୍କ ପାଇଁ ଗୋଟିଏ ନଳକୂଅ ରହିଛି। ହେଲେ ସେଠାରେ ଭଲଭାବରେ ପାଣି ବାହାରୁ ଥିବା ରୁ ଗ୍ରାମ ବାସୀ ପାଣି ପାଇଁ ଦୁର୍ଦ୍ଦଶା ଭୋଗୁ ଥିବା କୁହାଯାଇଛି। ଗାଁ ନିକଟସ୍ଥ ନାଳ ପାଣି କୁ ସଂଗ୍ରହ କରି ବର୍ଷ ତମାମ ଶୋଷ ମେଣ୍ଟାଇ ଆସୁଥିବା ଗାଁ ଲୋକେ କହିଛନ୍ତି।‌ଗ୍ରାମ ବାସୀ ପାଇଁ ଶୁଦ୍ଧ ପାନୀୟ ଜଳ ବ୍ୟବସ୍ଥା କରିବା ନେଇ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ହେଲେ ପ୍ରଶାସନିକ ଅବହେଳା ଯୋଗୁଁ ଆଜି ବି ଲୋକେ ସାମାନ୍ୟ ପାଣି ଟୋପାଏ ପାଇଁ ଡହଳ ବିକଳ ହେଉଥିବା ଦେଖିବାକୁ ମିଳୁଛି। ତେବେ ପ୍ରଶାସନ ଦୃଷ୍ଟି ଦେବାକୁ ଗାଁ ଲୋକେ ନିବେଦନ କରିଛନ୍ତି। କେବଳ ସେତିକି ନୁହେଁ ଜଙ୍ଗଲ ଜମି ପଟା ନଦେଇ ତହସିଲ ପକ୍ଷରୁ ଏହି ଗରିବ ଲୋକ ଠାରୁ ସିସ୍ତୁ ଟଙ୍କା ଆଦାୟ କରି ନେଉଥିବା କୁହାଯାଇଛି। ତେବେ ଜମି ପଟା ନଦେଇ ଆର୍ ଆଇ ତହସିଲଦାର କିଭଳି ଜମି କର ଆଦାୟ କରୁଛି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ସବୁ ସମସ୍ୟା ର ସମାଧାନ ନ ହେଲେ ଜିଲ୍ଲା ପାଳ ଙ୍କ ଦ୍ଵାରସ୍ଥ ହେବେ ବୋଲି ଚେତାବନୀ ଦେଇଛନ୍ତି।ଦଶମନ୍ତପୁର ବ୍ଲକ ରୁ ହାବିଲ ଡଙ୍ଗ୍ରି ଙ୍କ ରିପୋର୍ଟ ଫୋକସ ପ୍ଳୋସ।

Related post

ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ l

ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ l

ଫୋକସ ପ୍ଲସ 29/11/22 (ପାଲଲହଡା):ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ ଖମାର ହସ୍ପିଟାଲ ଭର୍ତ୍ତି lପାଲଲହଡା ଉପଖଣ୍ଡ ରଜଡ଼ଙ୍ଗ ପଞ୍ଚାୟତ ରଜଡଙ୍ଗ ପ୍ରାଥମିକ ବିଦ୍ୟାଳୟରେ ପ୍ରଥମରୁ ସପ୍ତମ…
ଯୁବକ ଙ୍କୁ ନିର୍ମମ ହତ୍ୟା

ଯୁବକ ଙ୍କୁ ନିର୍ମମ ହତ୍ୟା

ଫୋକସ ପ୍ଲସ 29/11/22 (କୋକସରା): କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ମହୁଳମୁଣ୍ଡା ଗାଁରେ ଜଣେ ଯୁବକ ଙ୍କୁ ନିର୍ମମ ହତ୍ୟା ଅଭିଯୋଗ ପରେ କୋକସରା ପୁଲିସ ଘଟଣା…
ଔଷଧ ପୋଡ଼ି ଦେଲେ ଶିକ୍ଷା ବିଭାଗ କର୍ମଚାରୀ।

ଔଷଧ ପୋଡ଼ି ଦେଲେ ଶିକ୍ଷା ବିଭାଗ କର୍ମଚାରୀ।

ଫୋକସ ପ୍ଲସ 29/11/22 ( ଜଗତସିଂହପୁର): ଛାତ୍ରଛାତ୍ରୀ ମାନଙ୍କ ଶାରୀରିକ ବିକାଶ ପାଇଁ ବିଦ୍ୟାଳୟ ମାନଙ୍କୁ ଭିଟାମିନ ଔଷଧ ପ୍ରଦାନ କରିଛନ୍ତି।ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଏହି ଔଷଧ…

Leave a Reply

Your email address will not be published.