ଅବ୍ୟବସ୍ଥା ଭିତରେ ପ୍ରାଥମିକ ଶିକ୍ଷା

ଅବ୍ୟବସ୍ଥା ଭିତରେ ପ୍ରାଥମିକ ଶିକ୍ଷା

ଫୋକସ ପ୍ଲସ ୦୧/୦୬/୨୨(ବୋରିଗୁମ୍ମା): ନାହିଁ ନାହିଁରେ ଚାଲିଛି ବିଦ୍ୟାଳୟ ,ଅବ୍ୟବସ୍ଥା ଭିତରେ ଚାଲିଛି ପ୍ରାଥମିକ ଶିକ୍ଷା,ଗୋଟିଏ ଶ୍ରେଣୀରେ ପାଠ ପଢୁଛନ୍ତି ୩ଟି ଶ୍ରେଣୀର ଛାତ୍ରଛାତ୍ରୀ ।ସରକାର ବିଦ୍ୟାଳୟର ଭିତ୍ତିଭୂମିର ବିକାଶ ପାଇଁ କୋଟି କୋଟି ଟଙ୍କା ବ୍ୟବରାଦ କରୁଛନ୍ତି କିନ୍ତୁ ପ୍ରଶାସନିକ ଅବହେଳା କାରଣରୁ ଏହା ଠିକ ଭାବେ କାର୍ଯ୍ୟ କାରୀ ହେଉ ନାହିଁ । ଛାତ୍ର ଛାତ୍ରୀ ଉତ୍ତମ ମାନର ପାଠ ପଢିବା ପାଇଁ ଶ୍ରେଣୀ ଗୃହ,ରୋଷେଇ ଗୃହ ,ପାଇଖାନା ଭଳି ସୁବିଧା ଆଜି ଯାଇଁ ପାଇ ପାରୁ ନାହାଁନ୍ତି ଛାତ୍ର ଛାତ୍ରୀ ।ଏ ଦୃଶ୍ୟ ହେଉଛି କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ କାମତା ପଞ୍ଚାୟତ ରତାଳୀ ଉଚ୍ଚ ପ୍ରାଥମିକ ବିଦ୍ୟାଳୟର । ପ୍ରଥମ ରୁ ଅଷ୍ଟମ ଶ୍ରେଣୀ ଛାତ୍ର ଛାତ୍ରୀଙ୍କ ପାଇଁ ରହିଛି କେବଳ ୩ଟି ଶ୍ରେଣୀ ଗୃହ । ଏହି ବିଦ୍ୟାଳୟରେ ୨୧୫ ଜଣ ଛାତ୍ର ଛାତ୍ରୀ ପାଠ ପଡୁଛନ୍ତି । ୧୯୩୮ ମସିହାରେ ଗ୍ରାମାଞ୍ଚଳର ପ୍ରାଥମିକ ଶିକ୍ଷାର ବିକାଶ ପାଇଁ ସରକାର ଏଠାରେ ସ୍କୁଲ ପ୍ରତିଷ୍ଠା ହୋଇଥଲା । କିନ୍ତୁ ଆଜି ପର୍ଯ୍ୟନ୍ତ ବିଦ୍ୟାଳୟର ଉନ୍ନତି ହୋଇ ନ ପାରି ଗ୍ରାମାଞ୍ଚଳର ଶିକ୍ଷାର ବିକାଶ ପାଇଁ ପ୍ରଶାସନିକ ତତ୍ପରତା କେତେ ଏହି ବିଦ୍ୟାଳୟକୁ ଦେଖିଲେ ଅନୁମେୟ ହେଉଛି । ବିଦ୍ୟାଳୟରେ ଆବଶ୍ୟକୀୟ ଶ୍ରେଣୀ ଗୃହ ,ପାଇଖାନା,ରୋଷେଇ ଗୃହ, ଛାତ୍ର ଛାତ୍ରୀଙ୍କ ପାଇଁ ପାନୀୟ ଜଳ ଭଳି ମୌଳିକ ସୁବିଧା ନଥିବା ଦେଖା ଦେଇଛି । ସ୍ଥାନୀୟ ଲୋକେ ବିଭିନ୍ନ ସରକାରୀ କର୍ମଚାରୀ ଏବଂ ରାଜନେତାଙ୍କୁ ଏହି ସ୍କୁଲର ବିକାଶ ପାଇଁ ବାରମ୍ବାର ଦାବି କରିଛନ୍ତି କିନ୍ତୁ ଏହାର ସମାଧାନ ହୋଉ ନଥିବା ଅଭିଯୋଗ ହୋଇଛି । ସେହିପରି ସ୍କୁଲର ଅସୁବିଧା କୁ ପ୍ରାଥମିକତା ଦେଇ ପ୍ରଶାସନ ସ୍କୁଲର ବିକାଶ କରିବା ପାଇଁ ପୁଣି ଥରେ ଦାବି କରିଛନ୍ତି ଅଭିଭାବକ ଏବଂ ଗ୍ରାମବାସୀ ।ତେବେ ଏ ସମସ୍ୟା ସମ୍ପର୍କରେ ସ୍କୁଲ ପରିଚଳନା କମିଟି ମିଟିଂ ରେ ଆଲୋଚନା ହୋଇ ରେଜୁଲେସନ କରି ବ୍ଲକ ଶିକ୍ଷା ଅଧିକାରୀଙ୍କୁ ଜଣାଇ ଥିବା କହିଛି ବିଦ୍ୟାଳୟର ପ୍ରଧାନ ଶିକ୍ଷକ । ସେହିପରି ଅଭିଭାବକ ଏବଂ ଶିକ୍ଷକ ମାନଙ୍କ ଠାରୁ ସ୍କୁଲର ସମସ୍ୟା ବିଷୟରେ ଲିଖିତ ଅଭିଯୋଗ ମିଳିଛି ଏବଂ ଏହାକୁ ଗୋଷ୍ଟି ଉନ୍ନୟନ ଅଧିକାରୀଙ୍କୁ ଆମେ ସ୍କୁଲର ବିକାଶ ପାଇଁ ଜଣାଇ ଦେଇଥିବା ସଫେଇ ଦେଇଛନ୍ତି ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଭଗବାନ ମାଝୀ ।ତେବେ ସରକାର ଗ୍ରାମାଞ୍ଚଳର ଶିକ୍ଷାର ବିକାଶ ପାଇଁ ଅନେକ ପଦକ୍ଷେପ ଗ୍ରହଣ କରୁଛନ୍ତି ତେବେ ଏହି ପୁରାତନ ସ୍କୁଲର ବିକାଶ କେବେ ହେଉଛି ତାହା ହିଁ ଦେଖିବା ବାକି ରହିଲା । ବୋରିଗୁମ୍ମାରୁ ମାନସ ରଞ୍ଜନ ହୋତାଙ୍କ ରିପୋର୍ଟ ଫୋକସ ପ୍ଲସ ।।।

Related post

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ଫୋକସ ପ୍ଲସ (ବ୍ୟୁରୋ) ୦୫/୦୭/୨୦୨୨: ଆମ ରାଜ୍ୟ ବିଧାନସଭାରେ କେତେକ ଜରୁରୀ ପ୍ରସଂଗ ଉପରେ ପଚରାଯାଉଥିବା ପ୍ରଶ୍ନର ଉତ୍ତର ଶାସକଦଳ ପକ୍ଷରୁ କାଳେ ଏଡାଇଯାଉଥିବା ଏବେ ଚର୍ଚ୍ଚା ଚାଲିଛି।…
୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

ଫୋକସ ପ୍ଲସ (ଗଞ୍ଜାମ) ୦୫/୦୭/୨୦୨୨: ଗଞ୍ଜାମ ଜିଲ୍ଲା ଆସିକା ସଂସଦୀୟ କ୍ଷେତ୍ର ଗସ୍ତରେ ଆସିଛନ୍ତି କେନ୍ଦ୍ର ସରକାରଙ୍କ ରେଳ ଓ ଟେକ୍ସଟାଇଲ ମନ୍ତ୍ରୀ (ସ୍ବାଧୀନ) ଦର୍ଶନା ଜର୍ଦ୍ଦୋସ୍। ମନ୍ତ୍ରୀ…
ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଫୋକସ ପ୍ଲସ (ଦଶମନ୍ତପୁର) ୦୫/୦୭/୨୦୨୨: ଜଣେ ଅସହାୟ ବୃଦ୍ଧାଙ୍କ ଆଧାର କାର୍ଡ ନଥିବା ରୁ ଏକ ବର୍ଷ ହେଲା ପଞ୍ଚାୟତ ପକ୍ଷରୁ ଭତ୍ତା ଟଙ୍କା ଦିଆ ଯାଉନ ଥିବା…

Leave a Reply

Your email address will not be published.