ବିନାସୂଚନା ଫଳକରେ ଚାଲିଛି ପୋଖରୀ ପୁନଃଉଦ୍ଧାର କାର୍ଯ୍ୟ

ବିନାସୂଚନା ଫଳକରେ ଚାଲିଛି ପୋଖରୀ ପୁନଃଉଦ୍ଧାର କାର୍ଯ୍ୟ

ଫୋକସ ପ୍ଲସ ୪/୬/୨୨(କୋକସରା): କୋକସରା ବ୍ଲକ ଡହଗାଁ ପଞ୍ଚାୟତ ସାରସ୍‌ମାଲ ଗ୍ରାମର ବୁଢ଼ାବନ୍ଦ ପୋଖରୀ ପୁନଃଉଦ୍ଧାର କାର୍ଯ୍ୟ ବିନାସୂଚନା ଫଳକରେ ଚାଲିଛି । ଫଳରେ କାର୍ଯ୍ୟ ପ୍ରତି ସଂଦେହ ସୃଷ୍ଟି ହେଉଛି । ନିୟମ ଅନୁଯାଇ ଯେ’ କୌଣସି ସରକାରୀ କାର୍ଯ୍ୟ ଆରମ୍ଭ ପୂର୍ବରୁ ସୂଚନା ଫଳକ ନିର୍ମାଣ କରିବା ବାଧ୍ୟତା ମୂଲକ ରହିଛି । ଏମିତିକି ସୂଚନା ଫଳକ ନିର୍ମାଣ କରା ନଯିବା ପର୍ଯ୍ୟନ୍ତ କାର୍ଯ୍ୟ ଆରମ୍ଭ ମଧ୍ୟ ହୋଇପାରିବ ନାହିଁ । ମାତ୍ର ଏଠାରେ ସମସ୍ତ ନିତି ନିୟମର ଉଲ୍ଲଘଂନ କରାଯାଇ ପୋଖରୀ ପୁନଃଉଦ୍ଧାର କାର୍ଯ୍ୟ କରାଯାଉଛି । ସୂଚନା ଫଳକ ନ ଥିବାରୁ କାର୍ଯ୍ୟର ସଠିକ ସୂଚନା ଲୋକେ ଜାଣିପାରୁ ନଥିବା ବେଳେ ସାଧାରଣ ଲୋକଙ୍କୁ ଅନ୍ଧାରରେ ରଖିବା କିଛି ଉଦ୍ଦେଶ୍ୟ ରହିଛି ବୋଲି ଆଲୋଚନା ହେଉଛି । ଏହି ପୋଖରୀ ପୁନଃଉଦ୍ଧାର କାର୍ଯ୍ୟ ଏସ୍‌ଏଫସି ଯୋଜନାରେ ଚାଳିଥିବା ବିଭାଗୀୟ ସୁତ୍ରରୁ ଜଣାପଡିଛି । ପୋଖରୀ ପୁନଃଉଦ୍ଧାର କାର୍ଯ୍ୟ କୁ ବିଭାଗୀୟ ସମ୍ପାଦନା ହେଉଥିବା କୁହାଯାଉଛି । ହେଲେ ବିଭାଗୀୟ ଯନ୍ତ୍ରୀ କିମ୍ବା ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କାର୍ଯ୍ୟ ସ୍ଥଳରେ ଉପସ୍ଥିତ ରହୁ ନାହଁନ୍ତି । କାର୍ଯ୍ୟକୁ ସ୍ଥାନୀୟ ଜଣେ ଠିକାଦାର ମେସିନ ମାଧ୍ୟମରେ ଜୋରସୋରରେ କରୁଥିବା ଦେଖିବାକୁ ମିଲିଛି । ଠିକାଦାର ସହ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଓ ଯନ୍ତ୍ରୀ ବେଶ୍ ମୁନାଫା ଉଠାଇବା ଯୋଜନା କରୁଥିବା ଚର୍ଚ୍ଚା ହେଉଛି । କୋକସରା ବ୍ଲକରେ ଏକାଧିକ କାର୍ଯ୍ୟ ବିନାସୂଚନା ଫଳକ ଓ ଯନ୍ତ୍ରୀଙ୍କ ଅନୁପସ୍ଥତିରେ ଚାଲିବା କିଛି ନୂଆକଥା ନୁହେଁ । ଏହା ଚିରାଚରିତ ଭାବରେ ଅନେକ ଦିନରୁ ଚାଲି ଆସୁଥିବା ବେଳେ ଏଥିପ୍ରତି କାହାରି ନଜର ନାହିଁ । ଫଳରେ ଠିକାଦରା ଙ୍କ ମର୍ଜିରେ କାର୍ଯ୍ୟ ଚାଲୁଥିବା ନେଇ ଜନ ସାଧାରଣରେ ଅସନ୍ତୋଷ ପ୍ରକାଶ ପାଉଛି । ଏ ନେଇ ଡହଗାଁ ପଞ୍ଚାୟତ ଜିପିଟିଏ ପଞ୍ଚାନନ ବିଷୋୟୀଙ୍କ ପ୍ରତିକ୍ରିୟା ନେବାରୁ ଏସ୍‌ଏଫସି ଯୋଜନାରେ କାମ ଚାଲିଛି, କାର୍ଯ୍ୟର କେତେ ଅଟକଲ ମୂଲ୍ୟ ରହିଛି ତାହାର ସଠିକ୍ ତଥ୍ୟ ଦେଇ ପାରିନ ଥିଲେ । ଏବଂ ସୂଚନା ଫଳକ କଥା ପଚାରିବାରୁ ଲାଗିନଥିଲା ତୁରନ୍ତ ଲଗାଇ ଦିଆଯିବ ବୋଲି କହିଛନ୍ତି ।

Related post

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ଫୋକସ ପ୍ଲସ (ବ୍ୟୁରୋ) ୦୫/୦୭/୨୦୨୨: ଆମ ରାଜ୍ୟ ବିଧାନସଭାରେ କେତେକ ଜରୁରୀ ପ୍ରସଂଗ ଉପରେ ପଚରାଯାଉଥିବା ପ୍ରଶ୍ନର ଉତ୍ତର ଶାସକଦଳ ପକ୍ଷରୁ କାଳେ ଏଡାଇଯାଉଥିବା ଏବେ ଚର୍ଚ୍ଚା ଚାଲିଛି।…
୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

ଫୋକସ ପ୍ଲସ (ଗଞ୍ଜାମ) ୦୫/୦୭/୨୦୨୨: ଗଞ୍ଜାମ ଜିଲ୍ଲା ଆସିକା ସଂସଦୀୟ କ୍ଷେତ୍ର ଗସ୍ତରେ ଆସିଛନ୍ତି କେନ୍ଦ୍ର ସରକାରଙ୍କ ରେଳ ଓ ଟେକ୍ସଟାଇଲ ମନ୍ତ୍ରୀ (ସ୍ବାଧୀନ) ଦର୍ଶନା ଜର୍ଦ୍ଦୋସ୍। ମନ୍ତ୍ରୀ…
ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଫୋକସ ପ୍ଲସ (ଦଶମନ୍ତପୁର) ୦୫/୦୭/୨୦୨୨: ଜଣେ ଅସହାୟ ବୃଦ୍ଧାଙ୍କ ଆଧାର କାର୍ଡ ନଥିବା ରୁ ଏକ ବର୍ଷ ହେଲା ପଞ୍ଚାୟତ ପକ୍ଷରୁ ଭତ୍ତା ଟଙ୍କା ଦିଆ ଯାଉନ ଥିବା…

Leave a Reply

Your email address will not be published.