ଯୌତୁକ ଜୁଇରେ ବଧୂ

ଯୌତୁକ ଜୁଇରେ ବଧୂ

ଫୋକସ ପ୍ଲସ ୧୬/୬/୨୨(ବାଲେଶ୍ୱର): ଯୌତୁକ ପାଇଁ ବଧୂ ହତ୍ୟା। ୨୦ ଲକ୍ଷ ଯୌତୁକ ମାଗିଥିଲେ ବର ପକ୍ଷ, ୧୫ ଲକ୍ଷ ଦେଇଥିଲି, ୫ ଲକ୍ଷ ବାକି ଥିଲା, ଆଉ 5 ଲକ୍ଷ୍ୟ ପାଇଁ ମୋ ଝିଅକୁ ମାରିଦେଲେ। ଏମିତି ଅଭିଯୋଗ ଆଣି ଥାନାର ଦ୍ୱାରସ୍ଥ ହେଲେ ମୃତ ଝିଅର ବାପା। ଏହି ଘଟଣା ଘଟିଛି ବାଲେଶ୍ୱର ଜିଲ୍ଲା ରେମୁଣା ବ୍ଲକ ସ୍ଥିତ ଛଣପୁର ଗ୍ରାମରେ। ସୂଚନାଯୋଗ୍ୟ ବାଲେଶ୍ଵର ଜିଲ୍ଲା ସିଂଲା ଥାନ ବୁଳଙ୍ଗ ଗ୍ରାମର ଗଙ୍ଗାଧର ବେହେରା ତାଙ୍କ ଝିଅ ମିନାକ୍ଷୀ ବେହେରାଙ୍କୁ ରେମୁଣା ବ୍ଲକ ସ୍ଥିତ ଛଣପୁର ଗ୍ରାମର ସୁରେନ୍ଦ୍ର ବେହେରାଙ୍କ ପୁଅ କାଶୀନାଥ ବେହେରାଙ୍କ ସହିତ ବୈଦିକ ରୀତିରେ ୨୦୨୧ ମସିହା ଜୁନ ୯ ତାରିଖରେ ବିବାହ କରାଇ ଥିଲେ। ବିବାହ ସମୟରେ ଯୌତୁକ ବାବଦରେ ୨୦ ଲକ୍ଷ ଟଙ୍କା ବରପକ୍ଷ ଦାବି କରିଥିଲେ। ମାତ୍ର କନ୍ୟା ପକ୍ଷ ୧୫ ଲକ୍ଷ ଟଙ୍କା ଦେଇଥିଲେ ବୋଲି କହିଛନ୍ତି କନ୍ୟା ବାପା ଗଙ୍ଗାଧର ବେହେରା। ଆଉ ବାକି ଥିବା ୫ ଲକ୍ଷ ଟଙ୍କା ପାଇଁ ତାଙ୍କ ଝିଅକୁ ଶାଶୁ ଘରେ ସବୁ ସମୟରେ ନିର୍ଯ୍ୟାତନା ଦେଉଥିବା କଥା ଅଭିଯୋଗ କରିଛନ୍ତି ଝିଅର ବାପା। ଆଜି ସକାଳ ୧୦ଟାରେ ଝିଅ ଫୋନ କରି ତାକୁ ମାରିଦେବା ପାଇଁ ଉଦ୍ୟମ ହେଉଛି ବୋଲି ଝିଅ କହୁଥିବା ବେଳେ ୧୧ ଟା ସମୟରେ ଝିଅ ଆତ୍ମହତ୍ୟା କରିଥିବା ଫୋନ କରି କହିଥିଲେ ଶାଶୂ ଘର ଲୋକେ। ଝିଅର ବାପା ଝିଅର ଶାଶୂ ଘରେ ପହଂଚିବା ପରେ ତାଙ୍କ ଝିଅ ବେକରେ ଗାମୁଛା ଲାଗିଛି ଓ ସେ ବେଡ଼ରେ ସୋଇଥିବାର ଦେଖିଥିବା କଥା କହିଛନ୍ତି ଝିଅର ବାପା ଗଙ୍ଗାଧର ବେହେରା। ତେବେ ଘଟଣା ସ୍ଥଳରେ ଶିଳ୍ପାଞ୍ଚଳ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଶାଶୂ ଘର ଲୋକେ ଫେରିବା ଅଛନ୍ତି ବୋଲି ଜଣାପଡିଛି। ତେବେ ଏହା ହତ୍ୟା ନା ଆତ୍ମହତ୍ୟା ତାହା ତଦନ୍ତ ପରେ ଜଣା ପଡିବ।

ବାଲେଶ୍ୱର ରୁ ଗୁରୁ ପ୍ରସାଦ ବାରିକ୍ ଫୋକସ ପ୍ଲସ |

Related post

ବନ ବିଭାଗ ର ନିଷ୍କ୍ରିୟତା, ବୃଦ୍ଧି ପାଉଛି ବେଆଇନ କରତକଳ

ବନ ବିଭାଗ ର ନିଷ୍କ୍ରିୟତା, ବୃଦ୍ଧି ପାଉଛି ବେଆଇନ କରତକଳ

ଫୋକସ ପ୍ଲସ (ନିମାପଡ଼ା) ୦୭/୦୭/୨୦୨୨: ପୁରୀ ବନ୍ୟପ୍ରାଣୀ ବନଖଣ୍ଡ ଅଧିକାରୀ, ଅସ୍ତରଙ୍ଗ ଓ ଗୋପ ବନାଞ୍ଚଳ ରେଞ୍ଜର ଙ୍କ ନିଷ୍କ୍ରିୟତା କାରଣ ରୁ ନିମାପଡା, ଗୋପ, ତୁଳସୀପୁର, ଆମ୍ପୋର,ବେଲପଡା,…
ଦୃଷ୍ଟିହୀନ ଟ୍ଵେଣ୍ଟି-୨୦ ବିଶ୍ଵକପ୍ ସମ୍ଭାବ୍ୟ ଦଳରେ ନକୁଳ ବଡନାୟକ

ଦୃଷ୍ଟିହୀନ ଟ୍ଵେଣ୍ଟି-୨୦ ବିଶ୍ଵକପ୍ ସମ୍ଭାବ୍ୟ ଦଳରେ ନକୁଳ ବଡନାୟକ

ଫୋକସ ପ୍ଲସ (ଲମତାପୁଟ) ୦୭/୦୭/୨୦୨୨: ଆଦିବାସୀ ଅଦ୍ୟୁଷିତ କୋରାପୁଟ ଜିଲ୍ଲା ଉପାନ୍ତ ଲମତାପୁଟ ବ୍ଲକ୍ ବାଲେଲ ପଞ୍ଚାୟତ ପିପଲପୁଟ ଗ୍ରାମର ଗୋରିବ ଆଦିବାସୀ ପରିବାରର ଯୁବକ ନକୁଳ ବଡନାୟକ…
ସ୍ୱାମୀଙ୍କ ଜୀବନ ପାଇଁ ଭିକ୍ଷାବୃତି କରୁଛନ୍ତି ସ୍ତ୍ରୀ

ସ୍ୱାମୀଙ୍କ ଜୀବନ ପାଇଁ ଭିକ୍ଷାବୃତି କରୁଛନ୍ତି ସ୍ତ୍ରୀ

ଫୋକସ ପ୍ଲସ (ଜଳେଶ୍ୱର) ୦୭/୦୭/୨୦୨୨: ହସପିଟାଲ ବେଡ୍ ରେ ପଡି ଜୀବନ ମରଣ ସହ ସଂଗ୍ରାମ କରୁଛନ୍ତି ସ୍ବାମୀ , ଏପଟେ ସ୍ବାମୀ ଙ୍କ ଜୀବନ ବଞ୍ଚାଇବା ପାଂଇ…

Leave a Reply

Your email address will not be published.