କେଳେଙ୍କାରୀ ଠିକାଦାର, ଚଳୁ କଲା  ଲକ୍ଷାଧିକ ଟଙ୍କା

କେଳେଙ୍କାରୀ ଠିକାଦାର, ଚଳୁ କଲା ଲକ୍ଷାଧିକ ଟଙ୍କା

ଫୋକସ ପ୍ଲସ (ଗଞ୍ଜାମ)୨୦/୦୬/୨୨ : ସରକାର ଗ୍ରାମାଞ୍ଚଳ ସ୍ତରରେ ଯୋଜନାର ସଠିକ ରୂପାୟନ ପାଇଁ ଅନେକ ପଦକ୍ଷେପ ମାନ ଗ୍ରହଣ କରି ଆସୁଛନ୍ତି। ରାଜ୍ୟ ସରକାରଙ୍କ ୫ଟି ରେ ଅନେକ ଦୁର୍ନୀତିଗ୍ରସ୍ତ ଅଧିକାରୀ ବଳି ପଡିଲେନି। ଏମିତି ଏକ ଦୃଶ୍ୟ ଦେଖିବାକୁ ମିଳିଛି ଛତ୍ରପୁର ବ୍ଲକ ଅନ୍ତର୍ଗତ ବଡମାଧପୁର ପଞ୍ଚାୟତ ଗୋବା ଗ୍ରାମର ଆଦର୍ଶ ପୋଖରୀ ନିର୍ମାଣରେ। ୨୦୨୧-୨୨ ଆର୍ଥିକ ବର୍ଷରେ ଗୋବା ବଡବନ୍ଧ ଆଦର୍ଶ ପୋଖରୀ ନିର୍ମାଣ ପାଇଁ ମନରେଗା ଯୋଜନାରୁ ୧୦ ଲକ୍ଷ ଟଙ୍କା ଅନୁଦାନ ଆସିଥିଲା, ହେଲେ ପୋଖରୀ ନିର୍ମାଣ କାମ ଆଳରେ ବର୍ଷେ ହେଲା ଲେବର ପେମେଣ୍ଟ ବାବଦରେ 72 ହଜାର ଟଙ୍କା ଠିକାଦାର ଆତ୍ମସାତ କରିଦେଇଥିବା ଜଣାପଡ଼ିଛି। ସେଠାରେ କୈାଣସି ସୂଚନା ଫଳକ କି କୈାଣସି ତଥ୍ୟ ନଥାଇ କିଛି ବି କାମ ନ ହୋଇ କିପରି 72 ହଜାର ଟଙ୍କା ଲେବର ପେମେଣ୍ଟ କରାଯାଇଛି ଏନେଇ ଗ୍ରାମବାସୀମାନେ ଅଭିଯୋଗ ଆଣିଛନ୍ତି। ଦୀର୍ଘ ଏକ ବର୍ଷରୁ ଉର୍ଦ୍ଧ୍ବ ହେବ ପୋଖରୀ ନିର୍ମାଣ ନାଁରେ ଶୁଖାଇ ରଖିଥିବା ଯୋଗୁଁ ସାଧାରଣ ଲୋକଙ୍କ ବ୍ୟବହାର ଆସୁ ନଥାଏ। ଯାହା ଫଳରେ ସାଧାରଣ ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ଶେଷରେ ଗ୍ରାମର ଯୁବକମାନେ ମିଳିମିଶି ପୋଖରୀରେ ଥିବା ଦଳକୁ ସଫା କରିଛନ୍ତି। ହେଲେ ସରକାରୀ ଟଙ୍କା ଆତ୍ମସାତ କରିଥିବା ଠିକାଦାର ଓ ସମ୍ପୃକ୍ତ ଅଧିକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗ୍ରାମବାସୀ ଦାବି କରିଛନ୍ତି। ନଚେତ୍ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି । ଛତ୍ରପୁର ତହସିଲଦାର ଭାରପ୍ରାପ୍ତ ବିଡ଼ିଓ ଦାୟିତ୍ୱରେ ରହିଛନ୍ତି l ତାଙ୍କ ପ୍ରତିକ୍ରିୟା ନେବାରୁ କ୍ୟାମେରା ସାମ୍ନାରେ ବାଇଟ୍ ଦେବାକୁ ମନା କରିଥିଲେ କିନ୍ତୁ ନିଜ ପ୍ରତିକ୍ରିୟାରେ କହିଥିଲେ ଏହି ଘଟଣାର ତଦନ୍ତ କରାଯାଇ ,ତାହା ଉପରେ ଉପଯୁକ୍ତ କାର୍ଯ୍ୟାନୁଷ୍ଠାନ କରାଯିବ l ଏନେଇ ପଞ୍ଚାୟତ ଦାୟିତ୍ଵରେ ଥିବା କନିଷ୍ଠ ଯନ୍ତ୍ରୀ ପଚାରିବାରୁ ସେ କହିଛନ୍ତି ସେଠାରେ କାମ ହୋଇଛି ,ସେ କାମ ଅନୁସାରେ ବିଲ୍ ହୋଇଛି l

ଗଞ୍ଜାମ ଜିଲ୍ଲା ଛତ୍ରପୁର ରୁ ରବୀନ୍ଦ୍ର ନାହାକ ଙ୍କ ରିପୋର୍ଟ ଫୋକସ ପ୍ଲସ |

Related post

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ରାଜ୍ୟ ପ୍ରଗତି କିପରି ସମ୍ଭବ? ବିଧାନସଭା ଗୃହ ଅଚଳାବସ୍ଥା କାହିଁକି ?

ଫୋକସ ପ୍ଲସ (ବ୍ୟୁରୋ) ୦୫/୦୭/୨୦୨୨: ଆମ ରାଜ୍ୟ ବିଧାନସଭାରେ କେତେକ ଜରୁରୀ ପ୍ରସଂଗ ଉପରେ ପଚରାଯାଉଥିବା ପ୍ରଶ୍ନର ଉତ୍ତର ଶାସକଦଳ ପକ୍ଷରୁ କାଳେ ଏଡାଇଯାଉଥିବା ଏବେ ଚର୍ଚ୍ଚା ଚାଲିଛି।…
୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

୩ ଦିନିଆ ଗଞ୍ଜାମ ଗସ୍ତରେ କେନ୍ଦ୍ର ମନ୍ତ୍ରୀ ଦର୍ଶନା ଜର୍ଦ୍ଦୋସ୍

ଫୋକସ ପ୍ଲସ (ଗଞ୍ଜାମ) ୦୫/୦୭/୨୦୨୨: ଗଞ୍ଜାମ ଜିଲ୍ଲା ଆସିକା ସଂସଦୀୟ କ୍ଷେତ୍ର ଗସ୍ତରେ ଆସିଛନ୍ତି କେନ୍ଦ୍ର ସରକାରଙ୍କ ରେଳ ଓ ଟେକ୍ସଟାଇଲ ମନ୍ତ୍ରୀ (ସ୍ବାଧୀନ) ଦର୍ଶନା ଜର୍ଦ୍ଦୋସ୍। ମନ୍ତ୍ରୀ…
ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଭତ୍ତା ଟଙ୍କାରୁ ବଞ୍ଚିତ ଅସହାୟ ବୃଦ୍ଧା

ଫୋକସ ପ୍ଲସ (ଦଶମନ୍ତପୁର) ୦୫/୦୭/୨୦୨୨: ଜଣେ ଅସହାୟ ବୃଦ୍ଧାଙ୍କ ଆଧାର କାର୍ଡ ନଥିବା ରୁ ଏକ ବର୍ଷ ହେଲା ପଞ୍ଚାୟତ ପକ୍ଷରୁ ଭତ୍ତା ଟଙ୍କା ଦିଆ ଯାଉନ ଥିବା…

Leave a Reply

Your email address will not be published.