ଅସରାଏ ବର୍ଷାରେ ବେହାଲ ସ୍ମାର୍ଟସିଟି

ଅସରାଏ ବର୍ଷାରେ ବେହାଲ ସ୍ମାର୍ଟସିଟି

ଫୋକସ ପ୍ଲସ (ଭୁବନେଶ୍ୱର)୨୨/୦୬/୨୦୨୨: ରାସ୍ତାରେ କେଉଁଠି ଆଣ୍ଠୁଏ ଆଣ୍ଠୁଏ ପାଣି ତ ଆଉ କେଉଁଠି କେତେ ପାଣି ଅଛି ଜଣାପଡୁନାହିଁ । ଖାଲ ଖମା ଭି ପାଣିରେ ଜଣାପଡୁନାହିଁ । ସତେ ଯେମିତି ଏକ ପ୍ରକାର ବନ୍ୟା ସୃଷ୍ଟି ହୋଇଛି । ଇଏ ହେଉଛି ସ୍ମାର୍ଟ ସିଟିର ସ୍ମାର୍ଟ ରାସ୍ତାର ଦୃଶ୍ୟ । ଡ୍ରେନେଜ କଥା ନ କହିବା ଭଲ । ରାସ୍ତାକଡରେ ଥିବା ଡ୍ରେନେଜ ମଧ୍ୟ ଦେଖାଯାଉନାହିଁ । ପାଣି ନିଷ୍କାସନ ହେବାକୁ ସୁବିଧା ବି ନାହିଁ । ଭୁବନେଶ୍ୱର ମଞ୍ଚେଶ୍ୱର ଥାନା ଅଂଚଳର ଏହି ରାସ୍ତାଟି ଚକେଇସିହାଣୀ,ମଞ୍ଚେଶ୍ୱର, ଶ୍ରୀରାମନଗର,ଏବଂ ଅନ୍ୟ ଅନ୍ୟ ସ୍ତାନକୁ ସଂଯୋଗ କରୁଛି । ପାଖା ପାଖି ତିରିଶ ହଜାର ଲୋକ ଏହି ରାସ୍ତା ଉପରେ ନିର୍ଭର କରନ୍ତି । ଏହି ବାଟ ଦେଇ ଅନେକ ସ୍କୁଲ ପିଲା,ଅନେକ ଲୋକ ପ୍ରତି ଦିନ ଯିବାଆସିବା କରନ୍ତି । ହେଲେ ଏହି ଦୃଶ୍ୟକୁ ଦେଖିଲେ ସତେ ଜଣାପଡୁଛି ଯେ ଏହି ରାସ୍ତାଟି କୌଣସି ଉପାନ୍ତ ଅଂଚଳରେ ଥିବ । ନାହିଁ ଆଜ୍ଞା ଏହି ରାସ୍ତାଟି ହେଉଛି ସ୍ମାର୍ଟ ସିଟିର ସ୍ମାର୍ଟ ରାସ୍ତା । ନିର୍ବାଚନ ଋତୁ ଆସିଲେ ବିଭିନ୍ନ ପ୍ରତିଶୃତି ଦେଇଥାନ୍ତି ବିଭିନ୍ନ ରାଜନୈତିକ ଦଳର ନେତାମାନେ । ହେଲେ ନିର୍ବାଚନ ସରିଲାପରେ ଯେତେବେଳେ ରାଜଗାଦିରେ ନେତା ବସନ୍ତି ସେତେବେଳେ ଭୁଲିଯାଅନ୍ତି ଜନତାଙ୍କ କଥା । ସତେ ଯେମିତି ନେତାଙ୍କ ପ୍ରତିଶୃତି ଜନତାଙ୍କ ପାଇଁ ପାଣିର ଗାର ପାଲଟି ଯାଇଥାଏ । ସବୁଠାରୁ ବଡ କଥା ହେଲା ଏହି ରାସ୍ତାଟି ବର୍ଷେପୂର୍ବରୁ ତିଆରି ହୋଇ ଥିଲା । କିନ୍ତୁ ଏକ ବର୍ଷ ନ ପୁରୁଣୁ ରାସ୍ତାଟି ପିଚୁ ଉଠିଯାଇ ରାସ୍ତାର ଚାରିଆଡେ ଫୁଟେ ଲେଖାଏ ଗାତ ହୋଇଗଲାଣି । ରାସ୍ତାଟି ସଂମ୍ପୁର୍ଣ ରୂପେ ମରଣ ଯନ୍ତା ପାଲଟିଯାଇଛି ସାଧାରଣ ଜଣତାଙ୍କ ପାଇଁ । ରାସ୍ତାକାମ ନାରେ ଏଠି ନେତା, ଠିକାଦାର,କଣ୍ଟ୍ରାକ୍ଟରଙ୍କ ମିଳିତ ଭଗତରେ ହୋଇଛି ହରିଲୁଟ । ପ୍ରଶାସନ ସବୁ ଜାଣି ଚୁପ ବସିଛି । ବିଏମସି,ପୃତବିଭାଗ କୁ କଣ ଦେଖାଯାଉନାହିଁ । ନା ଅଧିକାରୀ ମାନେ କିଛି ପକେଟ ଗରମ କରି ବସିପଡିଛନ୍ତି । ଆଗକୁ ଦେଖିବାକୁ ବାକି ରହିଲା ସ୍ତାନୀୟ ନେତାଙ୍କ କେବେ ଦ୍ରୁଷ୍ଟି ପଡୁଛି ଏହି ରାସ୍ତା ଉପରେ । କେବେ ନିଦ ଭାଙ୍ଗିବ ବିଏମିଶିର । କେବେ ନିଦ ଭାଙ୍ଗିବ ପୃତବିଭାଗର । ଆଗକୁ ଆସୁଛି ବର୍ଷା ୠତୁ ।ଏହି ସବୁ ସମସ୍ୟାକୁ ସାମ୍ନା କରିପାରିବେତ ମେୟର ମୋହଦୟା । କେବେ ସମାଧାନ ହେବ ଏହି ରାସ୍ତା ସମସ୍ୟା ।

Related post

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ l

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ…

କୋରାପୁଟ୧୭/୦୩/୨୦୨୪; ଏହି ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲା ପ୍ରଶାସନର ପୂର୍ବ ପ୍ରସ୍ତୁତିକୁ ନେଇ ସାମ୍ବାଦିକ ସମ୍ବିଳନୀ l ଓଡ଼ିଶାରେ ଲୋକସଭା ନିର୍ବାଚନ ସମେତ ଓଡିଶା ବିଧାନସଭା…
ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ପାଟକୁରା୧୭/୦୩/୨୦୨୪; ପଦ୍ମପୁର ପଞ୍ଚାୟତର ବିଚଣା ଗ୍ରାମର ପାନୀୟ ଜଳର ଉତ୍କଟ ସମସ୍ୟାର ସମାଧାନ ପାଇଁ ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କ ପାଟକୁରା ଦାଇତ୍ୱ ତଥା ବେଦୁ ବାବୁଙ୍କର ଅଧୁରା ସ୍ୱପ୍ନକୁ…

ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି…

ଫୋକସ ପ୍ଲସ(breaking news୧୭/୦୩/୨୦୨୪); 1. ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି ସମାନ | ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଅବକାରୀ ଦୁର୍ନୀତି ମାମଲାରେ…

Leave a Reply

Your email address will not be published. Required fields are marked *