ଶାନ୍ତି ଶୃଙ୍ଖଳା ସହ ସମ୍ପନ୍ନ ହୋଇଛି ଘୋଷଯାତ୍ରା
- ମନୋରଞ୍ଜନରାଜନୀତିରାଜ୍ୟସଂସ୍କୃତି
- July 2, 2022
- No Comment
- 142
ଫୋକସ ପ୍ଲସ (ଗୁଣପୁର) ୦୨/୦୭/୨୦୨୨: ସମଗ୍ର ଦକ୍ଷିଣ ଓଡ଼ିଶାରେ ପ୍ରସିଦ୍ଧି ଲାଭ କରିଥିବା ରାୟଗଡା ଜିଲ୍ଲା ଗୁଣୁପୁର ରେ ଆଜି ମହାପ୍ରଭୁଙ୍କ ଘୋଷଯାତ୍ରା ଶାନ୍ତି ଶୃଙ୍ଖଳା ର ସହ ସମ୍ପନ୍ନ ହୋଇଛି । ଆଜି ସନ୍ଧ୍ୟାରେ ନାମ ସଂକୀର୍ତ୍ତନ ହରିବୋଲ ଓ ଜୟ ଜଗନ୍ନାଥ ଧ୍ଵନି ମଧ୍ୟରେ ଶ୍ରୀଜୀଉଙ୍କ ଧାଡ଼ି ପହଣ୍ଡି ହୋଇ ରଥାରୂଢ କରାଯାଇଥିଲା । ପ୍ରଥମେ ବଡ଼ ରଥକୁ ଭକ୍ତମାନେ ଟାଣିନେଇ ଜନ୍ମବେଦୀ ରେ ପହଞ୍ଚାଇବା ପରେ ସାନ ରଥ କେବଳ ମହିଳା ମାନେ ଟାଣିଥିଲେ । ଏଠାରେ ଆଦିବାସୀ ଓ ବୈଷ୍ଣବ ସଂସ୍କୃତିର ଅପୂର୍ବ ସମନ୍ୱୟ ରେ ରଥଯାତ୍ରା ଅନୁଷ୍ଠିତ ହୋଇଥାଏ। ତାଳପତ୍ରରେ ନିର୍ମିତ ତଲାରୀ ଏହି ଯାତ୍ରାର ମୁଖ୍ୟ ଆକର୍ଷଣ । ଆଜି ଗୋଟିଏ ଦିନ ହିଁ ରଥଯାତ୍ରା ରେ ଏହି ତଲାରୀ ବିକ୍ରି ହୁଏ । ଚାଷୀ, ଗୋପାଳ ମାନେ ଏହାକୁ କିଣିନେଇଥାନ୍ତି । ତେଣୁ ଏହା ତଲାରୀ ଯାତ୍ରା ନାମରେ ପରିଚିତ । ଏଠାରେ ଅନେକ ବିଶେଷତ୍ୱ ମଧ୍ୟରୁ ଗୋଟିଏ ପଥରେ ଦୁଇଟି ଜଗନ୍ନାଥ ମନ୍ଦିରର ଦୁଇ ରଥ, ଦୁଇଟି ରଥରେ ଅଷ୍ଟ ବିଗ୍ରହ ମାଉସୀ ଘରକୁ ଯାତ୍ରା କରିବା ପରମ୍ପରା ରହିଛି । ପୁଲିସ ପ୍ରଶାସନ ପକ୍ଷରୁ ତିନି ପ୍ଲାଟୁନ ଫୋର୍ସ ସହ ଦୁଇ ଜଣ ଡ଼ିଏସପି, ଚାରି ଜଣ ଆଇଆଇସି ମୁତୟନ ରହି ଆଇନ ଶୃଙ୍ଖଳା ଓ ଟ୍ରାଫିକ ବ୍ୟବସ୍ଥା ନିୟନ୍ତ୍ରଣ କରିଥିଲେ । ଦେବତ୍ତୋର ବିଭାଗ ପକ୍ଷରୁ ସୁଚାରୁରୂପେ ଯାତ୍ରା ପରିଚାଳନା କରାଯାଇଥିଲା।
ଗୁଣପୁରରୁ ସୁନିଲ୍ କୁମାର ସାବତଙ୍କ ରିପୋର୍ଟ ଫୋକସ ପ୍ଲସ |