ବିଦ୍ୟାଳୟରେ ତାଲା ପକାଇବା ଘଟଣା, ମୁଣ୍ଡ ନୁଆଇଲେ ବିଇଓ
- ରାଜ୍ୟଶିକ୍ଷା
- July 27, 2022
- No Comment
- 169
ଫୋକସ ପ୍ଲସ (କେନ୍ଦ୍ରାପଡ଼ା)୨୭/୦୭/୨୦୨୨:ଦୁଇଦିନ ଧରି ସ୍କୁଲ ପରିସରରେ ପଡ଼ିଥିଲା ତାଲା ଆଉ ତାଲା ପକାଇଥିଲେ ଛାତ୍ର ଛାତ୍ରୀ ଓ ଅଭିଭାବଙ୍କ । ସ୍କୁଲ ଶିକ୍ଷକ ନିରଞ୍ଜନ ବେହେରା ଙ୍କୁ ବଦଳି ହେଉଥିବା ଜାଣି ଏଭଳି କରିଥିଲେ ପିଲା ମାନେ । ଏମିତି ଘଟଣା ଦେଖିବାକୁ ମିଳିଥିଲା କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ୍ ଅନ୍ତର୍ଗତ କୋଇଲିପୁର ପଞ୍ଚାୟତର ଥିବା ପାଟକୁମାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ । ସେହି ବିଦ୍ୟାଳୟରେ ଆଠ ବର୍ଷ ଧରି ଛାତ୍ର ଛାତ୍ରୀ ଙ୍କୁ ଭଲ ଭାବେ ଶିକ୍ଷାଦାନ କରିଆସୁଛନ୍ତି , ଯାହାକୁ ନେଇ ଶିକ୍ଷକ ଙ୍କୁ ଛାଡ଼ିବାକୁ ରାଜି ନଥିଲେ ପିଲାମାନେ ଓ ତାଙ୍କ ଅଭିବାହାକ । ରାଜନଗର ବିଇଓ ଓ ସିଆର୍ ସି ଶିକ୍ଷକ ଜଣକୁ ବଦଳି କରୁଥିବାର ଖବର ଜାଣିବା ପରେ ଦୁଇଦିନ ଧରି ସ୍କୁଲ କୁ ତାଲା ପକାଇ ପ୍ରତିବାଦ କରିଥିବାର ଦେଖିବାକୁ ମିଳିଥିଲା । ଶେଷରେ ରାଜନଗର ବିଇଓ ମନୋରଞ୍ଜନ ସେଠୀ ଙ୍କ ସମେତ ଅନ୍ୟ ପଦାଧିକାରୀ ମାନେ ପହଞ୍ଚି ଅଭିବାହକ ଓ ଛାତ୍ର ଛାତ୍ରୀଙ୍କୁ ବୁଝା ସୁଝା କରି ଶିକ୍ଷକ ଙ୍କୁ ଆଉ ବଦଳି କରାଯିବ ନାହିଁ ବୋଲି କହିଲା ପରେ ପରିସ୍ଥିତି ଶାନ୍ତ ପଡିଥିଲା ।
କେନ୍ଦ୍ରାପଡ଼ା ରୁ ମୁକ୍ତେଶ୍ଵର ସ୍ୱାଇଁ ଫୋକସ ପ୍ଲସ ।