ଲଗାତାର ଦଳୀୟ କାର୍ଯ୍ୟକ୍ରମ ବଢ଼ାଉଛି କର୍ମୀଙ୍କ ମନୋବଳ

ଲଗାତାର ଦଳୀୟ କାର୍ଯ୍ୟକ୍ରମ ବଢ଼ାଉଛି କର୍ମୀଙ୍କ ମନୋବଳ

ଭୁବନେଶ୍ୱର:(ଫୋକସ ପ୍ଲସ) କଂଗ୍ରେସ ପିସିସି ସଭାପତି ପରିବର୍ତ୍ତନ ହେବା ଓ ନୂଆ ସଭାପତି ଦାୟିତ୍ୱ ନେବା ମଧ୍ୟରେ ରାଜ୍ୟ କଂଗ୍ରେସରେ ଦେଖାଦେଇଛି ଢେର୍ କିଛି ପରିବର୍ତ୍ତନ l ପ୍ରଥମରୁ ୯ ରୁ ୯୦ ଅଭିଯାନ ଡାକରା ଦେଇ କାର୍ଯ୍ୟ କରୁଥିବା କଂଗ୍ରେସ ୯୦ ନୁହେଁ ବରଂ ୯୦ ଅତିକ୍ରମ କରିପାରେ ବୋଲି ଏବେକାର ଥିଓରୀ କହୁଛି l କଂଗ୍ରେସର ସ୍ଥିତି ସୁଧାରିବା ପାଇଁ ଭରପୁର ପ୍ରୟାସ ଜାରି ରଖିଛନ୍ତି ନୂତନ ପିସିସି ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ l ଦଳୀୟ କର୍ମୀଙ୍କ ମନୋବଳ ବଢ଼ାଇବା ପାଇଁ ଲଗାତାର ଦଳୀୟ କାର୍ଯ୍ୟକ୍ରମ ଆୟୋଜନ କରିବା ଓ ଅଭିମାନୀ ନେତାଙ୍କୁ ମନାଇବା ପାଇଁ ଗୁପ୍ତ ବୈଠକ କରିବାରେ ଲାଗିଛନ୍ତି ଶ୍ରୀ ପଟ୍ଟନାୟକ l ସେପଟେ ବିଭିନ୍ନ ଜିଲ୍ଲା ମଧ୍ୟ ଗସ୍ତ କରି ସ୍ଥିତିରେ ସୁଧାର ଆଣିବା ପାଇଁ ପ୍ରୟାସ କରୁଛନ୍ତି ପିସିସି ମୁଖିଆ l ଗତକାଲି କଂଗ୍ରେସ ଭବନ ଠାରେ ରାଜ୍ୟର ସମସ୍ତ ଜିଲ୍ଲା ପର୍ଯ୍ୟବେକ୍ଷଙ୍କ ସହ ଆଲୋଚନା କରି ସେମାନଙ୍କୁ ଗୁରୁମନ୍ତ୍ର ଦେଇଛନ୍ତି ଦଳ ମୁଖିଆ l ଓ ଠିକ୍ ଦିନେ ପୂର୍ବରୁ ସୋସିଆଲ ମିଡ଼ିଆ ରାଜ୍ୟ କମିଟିକୁ ଡାକି ଆଲୋଚନା କରିବା ସହ ସେମାନଙ୍କୁ ତଦାରଖ କରିଛନ୍ତି ସଭାପତି l

ନିକଟରେ ଇଡି ବିରୁଦ୍ଧରେ ଇଡି କାର୍ଯ୍ୟାଳୟ ଘେରାଉ କରିବା ସହ କଂଗ୍ରେସ ଭବନ ଆଗରେ ସତ୍ୟାଗ୍ରହ କରି କେବଳ ଓଡିଶା କଂଗ୍ରେସ ନୁହେଁ ଜାତୀୟ କଂଗ୍ରେସକୁ ମଧ୍ୟ ସହଯୋଗ କରିଛନ୍ତି ଶରତ l ଏହାକୁ ଦେଖୁବାକୁ ଗଲେ ରାଜ୍ୟ କଂଗ୍ରେସ ଓ ଜାତୀୟ କଂଗ୍ରେସ ଭିତରେ ଆଗ ଅପେକ୍ଷା ବର୍ତ୍ତମାନ ଭଲ ବାତାବରଣ ଓ ଭଲ ବୁଝାମଣା ଥିବା ଭଳି ମନେ ହେଉଛି l ସେପଟେ ସରକାର,ଯୋଜନା ଓ ଦରଦାମ ବୃଦ୍ଧି ବିରୋଧରେ ଆସନ୍ତା ଅଗଷ୍ଟ ୯ ତାରିଖରେ ପଦଯାତ୍ରାର ଆହ୍ୱାନ ଦେଇଛି କଂଗ୍ରେସ l ଯଦି ଏହି ପୁରା ଘଟଣାକୁ ଦେଖାଯାଏ ପୂର୍ବ ଅବସ୍ଥା ଅପେକ୍ଷା ଏବେ ଢେର୍ ସକ୍ରିୟ ହୋଇଛି ରାଜ୍ୟ କଂଗ୍ରେସ ଓ ଏହା କେବଳ ନୂତନ ସଭାପତି ଶରତ ପଟ୍ଟନାୟକଙ୍କ ଯୋଗୁଁ ସମ୍ଭବପର ହୋଇ ପାରିଛି l ଦିନେ ସ୍ଥାଣୁ ଭଳି ପଡି ରହିଥିବା ଦଳ ଆଜି କିଛି ନୂଆ କରିବା ପାଇଁ ମୁଣ୍ଡ ଟେକିଛି, ଲଗାତାର ଦଳୀୟ କାର୍ଯ୍ୟକ୍ରମ କରି କର୍ମୀଙ୍କୁ ଉତ୍ସାହିତ କରୁଛନ୍ତି ସଭାପତି l ଯଦି ଏହିଭଳି ପ୍ରୟାସ ନୂଆ ମୁଖିଆ ଜାରି ରଖନ୍ତି ତେବେ ୯୦ ନୁହେଁ ବରଂ୯୦ ଅତିକ୍ରମ କରି ସରକାର ଗଢିପାରେ କଂଗ୍ରେସ, ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି l

 

Related post

ଅବ୍ୟବସ୍ଥାରେ ବେନଗାଁ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର

ଅବ୍ୟବସ୍ଥାରେ ବେନଗାଁ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର

ଫୋକସ ପ୍ଲସ(ଲାଞ୍ଜିଗଡ)୧୭/୦୮/୨୦୨୨: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଅତ୍ୟନ୍ତ ଦୁର୍ଗମ ଆଦିବାସୀ ଅଦ୍ୟୁଷିତ ଅଞ୍ଚଳରେ ରହିଥିବା ବେନଗାଁ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଏବେ ଅବ୍ୟବସ୍ଥାରେ ପଡି ରହିଛି!ଏହି ପ୍ରାଥମିକ…
RD ବିଭାଗ ଅବହେଳା ଯୋଗୁଁ ଘରେ ପଶୁଛି ପାଣ

RD ବିଭାଗ ଅବହେଳା ଯୋଗୁଁ ଘରେ ପଶୁଛି ପାଣ

ଫୋକସ ପ୍ଲସ(କେସିଙ୍ଗା)୧୭/୦୮/୨୦୨୨: ଗତ ଲଗାଣ ବର୍ଷାରେ ସମଗ୍ର ଅଞ୍ଚଳରେ ସ୍ଥିତି ବେହାଲ ହୋଇ ପଡ଼ିଛି। ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଅଞ୍ଚଳବାସୀ। ଏଭଳି ସ୍ଥିତିରେ କାଣ୍ଡେଲ ଅଞ୍ଚଳରେ…
କଲିଙ୍ଗନଗର ରେ ଥିବା କାରଖାନା ମାନଙ୍କ ମନମାନି

କଲିଙ୍ଗନଗର ରେ ଥିବା କାରଖାନା ମାନଙ୍କ ମନମାନି

ଫୋକସ ପ୍ଲସ(ଯାଜପୁର)୧୭/୦୮/୨୦୨୨: ଯାଜପୁର ଜିଲ୍ଲା କଲିଙ୍ଗନଗର ଅଞ୍ଚଳ ରେ ଛୋଟ ବଡ ମିଶି ୧୮ ରୁ ଅଧିକ କାରଖାନା ଗଡି ଉଠିଛି । ମାତ୍ର କଲିଙ୍ଗନଗର ଅବସ୍ଥା ରେ…

Leave a Reply

Your email address will not be published.