ଜଳ ବନ୍ଦୀ ଜୀବନ କାଟୁଛନ୍ତି ଗ୍ରାମ ବାସୀ।

ଜଳ ବନ୍ଦୀ ଜୀବନ କାଟୁଛନ୍ତି ଗ୍ରାମ ବାସୀ।

ଫୋକସ ପ୍ଲସ 23/11/22 (ଦଶମନ୍ତପୁର ):ବର୍ଷେ କି ଦୁଇ ନୁହେଁ। ଆଜ କୁ ଦିର୍ଘ ୫ ବର୍ଷ ହେଲା ଫାଉଣ୍ଡେସନ ରେ ସୀମିତ ରହିଛି ଚବେରି ନଦୀ ର ସ୍ଥାୟୀ ପୋଲ ନିର୍ମାଣ କାର୍ଯ୍ୟ। ପୁଣି ଅବଧି ଶେଷ ହୋଇ ମଧ୍ୟ ୩ ବର୍ଷ ବିତିଗଲାଣି । ହେଲେ ନିର୍ମାଣ କାର୍ଯ୍ୟ ଶେଷ କରିବା ନାଁ ଧରୁନି ପ୍ରଶାସନ ଓ ଠିକାଦାର। ଅନ୍ୟ ପଟେ ଜଳବନ୍ଦୀ ଜୀବନ କାଟୁଛନ୍ତି ୬ ରୁ ୭ ଖଣ୍ଡ ଗ୍ରାମ ବାସୀ । ବିକାଶ ର ବାଟ ଅଗାଳି ବାଧକ ସାଜିଛି ଏହି ଚବେରି ନଦୀ । ଯାହା ଦ୍ଵାରା ଅଞ୍ଚଳ ବାସୀ ଶିକ୍ଷା ସ୍ବାସ୍ଥ୍ୟ ଗମନାଗମନ ଓ ପାନୀୟ ଜଳ ରୁ ବଞ୍ଚିତ ହୋଇ ଆସୁଥିବା ଅଭିଯୋଗ କରିଛନ୍ତି। ପ୍ରଶାସନ କୁ ବାରମ୍ବାର ଦାବି କରି ହତାଶ ହେଲା ପରେ , କୈାଣସି ବିକଳ୍ପ ନ ପାଇ ଶେଷରେ ଅଞ୍ଚଳ ବାସୀ ବାଉଁଶ ପୋଲ ନିର୍ମାଣ କରି ଯାତାୟତ କରୁଥିବା ଦେଖିବାକୁ ମିଳିଛି। ଏ ହେଉଛି କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ଅନ୍ତର୍ଗତ ନନ୍ଦି ଗାଁ ପଞ୍ଚାୟତ ଅଧିନସ୍ଥ ମଧୁ ବିଶାଳୀ ଗାଁ କୁ ଯିବା ରାସ୍ତା ର କରୁଣ ଦୃଶ୍ୟ । ବାରମ୍ବାର ଜିଲ୍ଲା ପ୍ରଶାସନ କୁ ଗୁହାରି କରି ଆସୁଥିଲେ ମଧ୍ୟ କୈାଣସି ସୁଫଳ ମିଳୁନାହିଁ। ଯାହା ଦ୍ଵାରା ଆମେ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି ବାବୁ କ୍ଷୋଭର ସହ ପ୍ରକାଶ କରିଛନ୍ତି । ସୂଚନା ମୁତାବକ ଏହି ଚବେରି ନଦୀ ଉପରେ ସ୍ଥାୟୀ ପୋଲ ନିର୍ମାଣ କରାଯିବା ଲାଗି ସରକାର ପକ୍ଷରୁ ଅଟକଳ ମୂଲ୍ୟ ୨ କୋଟି ୭୭ ଲକ୍ଷ ୮୦ ହଜାର ଟଙ୍କା ମଞ୍ଜୁର କରିଛନ୍ତି। ଏହାର ନିର୍ମାଣ କାର୍ଯ୍ୟ ଦାୟିତ୍ଵ ଏନ୍ ବି ସି ସି ସଂସ୍ଥା ର ମାଁ ଭଗବତୀ କନଷ୍ଟ୍ରକସନ କୁ କାର୍ଯ୍ୟାଦେଶ ଦିଆଯାଇଛି। ଅନ୍ୟ ପଟେ ଏହି ପୋଲ ନିର୍ମାଣ କାର୍ଯ୍ୟ ର ଆରମ୍ଭ ତାରିଖ ୭/୮ / ୨୦୧୭ ରହିଥିବା ବେଳେ ନିର୍ମାଣ କାର୍ଯ୍ୟ ସଂପନ୍ନ ତାରିଖ ୬ /୧ / ୨୦୧୯ ରହିଛି। ପରିତାପର ବିଷୟ ଯେ ଅବଧି ତାରିଖ ଶେଷ ହୋଇ ଦିର୍ଘ ୩ ବର୍ଷ ବିତିଯାଇଥିଲେ ମଧ୍ୟ ପୋଲ ନିର୍ମାଣ କାର୍ଯ୍ୟ ଶେଷ ହେବା ନାଁ ଗନ୍ଧ ଧରୁନି। ତେବେ ପ୍ରଶ୍ନ ଉଠୁଛି ପୋଲ କାର୍ଯ୍ୟ କାହିଁକି ମନ୍ଥର ଗତି ରେ ଚାଲିଛି। କାହା ସ୍ବାର୍ଥରେ ପ୍ରଶାସନ ନିରବଦ୍ରଷ୍ଟା ସାଜିଛି ବୋଲି , ପତି ଗୈାଡ, ମୁରାଳି ଗୈାଡ, ସିଂହ ପରଜା, ଅର୍ଜୁନ ପରଜା, ନବୀନ ମାଳି, ପ୍ରମୁଖ ପ୍ରକାଶ କରିଛନ୍ତି। ସେମାନେ କହିଛନ୍ତି ଯେ ଜରୁରୀ କାଳୀନ ସମୟରେ ଗାଁ କୁ ଆମ୍ବୁଲାନ୍ସ ଗାଡ଼ି ଆସି ପାରୁ ନାହିଁ। ଗାଁ ର ଗର୍ଭବତୀ ମହିଳା ଓ ଗୁରୁତର ରୋଗୀମାନଙ୍କୁ ଭାର ବହି ନଦୀ ପାରି କରି ଡାକ୍ତରଖାନା ନେବାକୁ ପଡୁଛି । ବିଭିନ୍ନ ସମୟରେ ଜୀବନ କୁ ବାଜି ଲଗାଇ ନଦୀ ପାରି ହେବା କୁ ପଡୁଛି। ପଞ୍ଚାୟତ ରୁ ଟଙ୍କିକିଆ ଚାଉଳ ଓ ଭତ୍ତା ଟଙ୍କା ପାଇଁ ବହୁ କଷ୍ଟରେ ଯିବାକୁ ପଡୁଛି । ଏଭଳି ସମସ୍ୟା କୁ ଆଖି ଆଗରେ ରଖି ବର୍ତମାନ ବାଧ୍ୟ ହୋଇ ବାଉଁଶ ପୋଲ ନିର୍ମାଣ କରି ସେଥିରେ ଯିବା ଆସିବା କରୁଛୁ ବୋଲି ଅଞ୍ଚଳ ବାସୀ କହିଛନ୍ତି । ତୁରନ୍ତ ବିଭାଗୀୟ ଅଧିକାରୀ ଓ ଜିଲ୍ଲା କତୃପକ୍ଷ ଦୃଷ୍ଟି ଆକର୍ଷଣ କରି ପୋଲ ନିର୍ମାଣ କାର୍ଯ୍ୟ ଶେଷ କରିବା ଲାଗି ସେମାନେ ଦାବି କରିଛନ୍ତି। ନହେଲେ ଆଗାମୀ ଦିନରେ ଆନ୍ଦୋଳନ ର ପନ୍ଥା ଧରିବାକୁ ବାଧ୍ୟ ହେବୁ ବୋଲି ଚେତାବନୀ ଦେଇଛନ୍ତି। ସେପଟେ ଏନ୍ ବି ସି ସି କମ୍ପାନୀ ର କୈାଣସି ଅଧିକାରୀ କି ସୁଫର ଭାଇଜର ର ଦେଖା ନଥିବା ରୁ କାହାରି ପ୍ରତିକ୍ରିୟା ମିଳିପାରିନାହିଁ।

Related post

ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ l

ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ l

ଫୋକସ ପ୍ଲସ 29/11/22 (ପାଲଲହଡା):ମଧ୍ୟାହ୍ନ ଭୋଜନ ଖାଇ 15 ଛାତ୍ରଛାତ୍ରୀ ଅସୁସ୍ଥ ଖମାର ହସ୍ପିଟାଲ ଭର୍ତ୍ତି lପାଲଲହଡା ଉପଖଣ୍ଡ ରଜଡ଼ଙ୍ଗ ପଞ୍ଚାୟତ ରଜଡଙ୍ଗ ପ୍ରାଥମିକ ବିଦ୍ୟାଳୟରେ ପ୍ରଥମରୁ ସପ୍ତମ…
ଔଷଧ ପୋଡ଼ି ଦେଲେ ଶିକ୍ଷା ବିଭାଗ କର୍ମଚାରୀ।

ଔଷଧ ପୋଡ଼ି ଦେଲେ ଶିକ୍ଷା ବିଭାଗ କର୍ମଚାରୀ।

ଫୋକସ ପ୍ଲସ 29/11/22 ( ଜଗତସିଂହପୁର): ଛାତ୍ରଛାତ୍ରୀ ମାନଙ୍କ ଶାରୀରିକ ବିକାଶ ପାଇଁ ବିଦ୍ୟାଳୟ ମାନଙ୍କୁ ଭିଟାମିନ ଔଷଧ ପ୍ରଦାନ କରିଛନ୍ତି।ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଏହି ଔଷଧ…
ଅମାବାସ୍ୟା ରାତିରେ ଭଙ୍ଗା ଘରୁ ବାହାରୁଛି ଭୂତ

ଅମାବାସ୍ୟା ରାତିରେ ଭଙ୍ଗା ଘରୁ ବାହାରୁଛି ଭୂତ

ଫୋକସ ପ୍ଲସ 28/11/22 (.କଟକ ): କିଟି କିଟିଆ ଅନ୍ଧାର ରାତିରେ ଭଙ୍ଗା ଘରୁ ଶୁଭୁଛି ପାଉଁଚିର ରୁଣୁ ଝୁଣୁ ସ୍ୱର୍, ଏମିତି ଏକ ଭଙ୍ଗା ଘର ରହିଛି,…

Leave a Reply

Your email address will not be published.