ଶଶୁର ଘର ଆଗରେ ବୋହୁ ଦେଲା ଧାରଣା ||

ଫୋକସ ପ୍ଲସ 1/12/22 (ନିଶ୍ଚିନ୍ତକୋଇଲି): ଲିଟୁ ମୁଁ କଣ ଭୁଲ କରିଥିଲି ? ତମେ କାହିଁକି ମତେ ଏତେ କଷ୍ଟ ଦେଉଛ ? ଲିଟୁ ତମେ ପରା ମତେ ୭କଳସ ୮ଦୀପ କୁ ସାକ୍ଷୀରଖି ୭ଜନ୍ମ କୁ ସାଥି କରିଥିଲ ! ମୋର ଦଶ ଦୋଷ କୁ କ୍ଷମା କରିବାର କଥା ଦେଇଥିଲ ! ହେଲେ ଏ ସବୁ ପ୍ରତିଶୃତି କୁ ଆଜି କେମିତିଭୁଲିଗଲ? ଆଜ୍ଞା ହଁ ଏ ସବୁ କଥା ଆମେ କହୁନୁ ଏ ସବୁକୁ ମନରେ ଭାବି ଗୁମୁରି ଗୁମୁରି କାନ୍ଦୁଛନ୍ତି ନିଜ ଶଶୁର ଘର ଆଗରେ ବସିଥିବା ନବଵିଭାହିତା ମହିଳା | ଏହି ଘଟଣାଟି ହେଉଛି ସାଲେପୁର ଥାନା ର ମାଛୁଆତି ଗ୍ରାମର |ଅଭିଯୋଗ ଅନୁସାରେ ଏହି ଗ୍ରାମର ସନାତନ ମହାରଣା ଙ୍କ ଘର ଆଗରେ ତାଙ୍କ ବୋହୁ ସସ୍ମିତା ମହାରଣା ୩ଦିନ ହୋଇଯିବ ଶୀତ କାକରକୁ ଖାତିରି ନକରି ବସିରହିଥିବା ବେଳେ ଘର ଆଗରେ ତାଲା ପଡିରହିଥିବାର ଦେଖିବାକୁ ମିଳି ଥିଲା | ସସ୍ମିତା ବୈଦିକ ରୀତିନୀତିରେ ସନାତନଙ୍କ ପୁଅ ସୁସେନେ ମହାରଣାଙ୍କୁ 13.7.2020 ରେ ବିବାହ କରିଥିଲେ | ଶଶୁର ଘର ର ଦାବି ମୁତାବକ ଟଙ୍କା ସସ୍ମିତା ଦେଇପାରିନଥିବାରୁ ସସ୍ମିତାଙ୍କୁ ଏବେ ଶଶୁର ଘର ଲୋକେ ଘରେ ପୂରେଇଦେଉନଥିବା କଥା କହିଛନ୍ତି ବୋହୁ ସସ୍ମିତା | ଏହାସହିତ ଶଶୁର ସନାତନ ବୋହୁ ସସ୍ମିତା ଙ୍କ ଉପରେ ସର୍ବଦା ଖରାପ ନଜର ରଖୁଥିବା ଭଳି ସଙ୍ଗିନୀ ଅଭିଯୋଗ କରିଛନ୍ତି ବୋହୁ ସସ୍ମିତା | ଅପରପଖେ ସନାତନଙ୍କ ଘର ତାଲା ପଡିଥିବାରୁ ସନାତନଙ୍କର କି ତାଙ୍କ ପୁଅଙ୍କର ପ୍ରତିକ୍ରିୟା ନେବା ସମ୍ଭବ ହୋଇପାରିନଥିଲା | ଏ ନେଇ ଆମ ପ୍ରତିନିଧି ଫୋନ ଯୋଗେ ଯୋଗାଯୋଗ କରିଥିଲେ ମଧ୍ୟ ଯୋଗାଯୋଗ ସମ୍ଭବ ହୋଇପାରିନଥିଲା ତେବେ ତିନିଦିନ ହୋଇଯିବ ଏହି ପରିବାର ଲୋକେ ଘର ଆଗରେ ତାଲା ପକାଇ କେଉଁଠିଅଛନ୍ତି ? ସାଲେପୁର ପୁଲିସି ପ୍ରଶାସନ କାହିଁକି ଏହି ଘଟଣାକୁ ଗୁରୁତ୍ୱ ଦେଉନାଇଁ ତାହା ଏବେ ବଡ଼ ପ୍ରଶ୍ନ ବାଚି ସୃଷ୍ଟି କରିଛି | ତେବେ ଦେଖିବାକୁ ବାକି ରହିଛି ସାଲେପୁର ପୁଲିସି କେବେ ଦେଉଛି ସସ୍ମିତାଙ୍କୁ ନ୍ୟାୟ ||