ଉଡୁଛନ୍ତି ମଲା ପକ୍ଷୀ,ଆଶ୍ଚର୍ଯ୍ୟ !

ଉଡୁଛନ୍ତି ମଲା ପକ୍ଷୀ,ଆଶ୍ଚର୍ଯ୍ୟ !

ଦର୍ଶକ ବନ୍ଧୁ ଆପଣ ମାନେ ଆଶ୍ଚର୍ଯ୍ୟ ହେଉଥିବେ ଯେ ମଲା ପକ୍ଷୀ ଏଠାରେ କିପରି ଉଡୁଛି ବୋଲି | ଆଜ୍ଞା ଆଜି କାଲିର ଟେକ୍ନୋଲୋଜିର ଯୁଗରେ ସବୁ କିଛି ସମ୍ଭବ | ଆଉ ଯାହା ପାଖରେ ଯେତେ ଉନ୍ନତ ଜ୍ଞାନକୌଶଳ ସେ ଦେଶ ସେତେ ଆଗରେ । ଏଭଳି ସମୟରେ ଗୁଇନ୍ଦାଗିରି ମଧ୍ୟ ନେଉଛି ନୂଆ ରୂପ । ସେ ଭିତରୁ ଅନ୍ୟତମ ହେଉଛି ପକ୍ଷୀ ମାଧ୍ୟମରେ ଗୁଇନ୍ଦାଗିରି । ତେବେ ଦର୍ଶକ ବନ୍ଧୁ ଆପଣ ମାନେ ଜାଣିଥିବେ ଏଇ କିଛି ଦିନ ତଳେ ପାରାଦୀପରେ ସମୁଦ୍ର ଭିତରୁ ସନ୍ଦିଗ୍ଧ ଗୁଇନ୍ଦା ପାରା ଧରାପଡିବା ପରେ ଏହା ଏବେ ଚର୍ଚ୍ଚାର ବିଷୟ ପାଲଟିଛି | ଏମିତି ଗୁଇନ୍ଦାଗିରି କିଛି ନୂଆ କଥା ନୁହେଁ ।ଏମିତି ଅନେକ ଥର ହୋଇଛି ମଧ୍ୟ| ହେଲେ ସମୟ ସହ ପକ୍ଷୀ ମାଧ୍ୟମରେ ଗୁଇନ୍ଦାଗିରି ଆହୁରି ସାଂଘାତିକ ହେବାରେ ଲାଗିଛି । ଯାହାର ଉଦାହରଣ ହେଉଛି,ରୋବୋଟିକ୍‌ ପକ୍ଷୀ ବା ମଲା ପକ୍ଷୀ । ପକ୍ଷୀ ମାଧ୍ୟମରେ କେମିତି ହୁଏ ଗୁଇନ୍ଦାଗିରି, କେମିତି ଏହାର ମୁକାବିଲା କରିହେବ ସେ ବିଷୟରେ ଜାଣନ୍ତୁ , ମଲା ପକ୍ଷୀ ବା ରୋବଟ ପକ୍ଷୀ ଏମାନେ ଆକଶରେ ଉଡ଼ୁଥିଲେ, କିଛି ବି ଜଣାପଡ଼ିବନି । ପୁରା ଅବିକଳ ଲାଗିବ ଯେମିତି ଅନ୍ୟ ପକ୍ଷୀଙ୍କ ଭଳି ଉଡ଼ୁଛନ୍ତି । କିନ୍ତୁ ଏହା ରୋବୋଟ ପକ୍ଷୀ । ଅର୍ଥାତ ପକ୍ଷୀଙ୍କ ଭଳି ଦିଶୁଥିଲେ ମଧ୍ୟ ଏମାନେ ସମ୍ପୂର୍ଣ୍ଣ ଭାବେ ଲ୍ୟାବରେ ପ୍ରସ୍ତୁତ ହୋଇଥାନ୍ତି ।ଆଉ ଏଭଳି ରୋବୋଟ ପକ୍ଷୀ ମୁଖ୍ୟତଃ ଗୁଇନ୍ଦାଗିରି ପାଇଁ ପ୍ରସ୍ତୁତ କରାଯାଏ । ରିମୋଟ୍‌ ଦ୍ବାରା ପରିଚାଳିତ ଏହି ରୋବୋଟ ପକ୍ଷୀର ଦେହରେ ଲାଗିଥାଏ, କ୍ୟାମେରା, ସ୍ପିକର ସହ ଅନ୍ୟାନ୍ୟ ଜିନିଷ । ତେବେ ରିମୋଟ ଦ୍ୱାରା ପରିଚାଳିତ ଏହି ରୋବୋଟ୍‌ ପକ୍ଷୀ, ବିଭିନ୍ନ ପ୍ରକାର ତଥ୍ୟ ସଂଗ୍ରହ କରିବାକୁ ସକ୍ଷମ ହୋଇଥାଏ । ବିଶେଷକରି ଶତ୍ରୁ ଦେଶର ଗୁପ୍ତ ଆଡ୍ଡା, ସାମରିକ ସୂଚନା ହାସଲ କରିବା ସହ ନଜର ରଖିଥାଏ । କେବଳ ଗୁଇନ୍ଦା ନୁହେଁ ଏହାକୁ ଅନ୍ୟ କାମରେ ମଧ୍ୟ ଲଗାଯାଇଥାଏ । ଯେମିତି ଅପହଞ୍ଚ ଇଲାକାର ଦୃଶ୍ୟ ଉତ୍ତୋଳନ କରିବା, ଗୋଟିଏ ଜାଗାରେ ଥାଇ ମାଇଲ ମାଇଲ ଦୂର ଚିତ୍ର ଉତ୍ତୋଳନ କରିବା । ହେଲେ ଏହି ରୋବାଟ ପକ୍ଷୀ ବର୍ତ୍ତମାନ ସମୟ ପାଇଁ ଯେତିକି ଲାଭଦାୟକ ସେତିକି ବିପଜ୍ଜନକ ମଧ୍ୟ ପାଲଟିଛି ।
ଖାଲି ରୋବୋଟ ପକ୍ଷୀ କାହିଁକି, ଆଉ ଏକ ଗୁଇନ୍ଦା ପକ୍ଷୀ ମଧ୍ୟ ବଢ଼ାଇଛି ଚିନ୍ତା । ଦେଖିବାକୁ ଏହା ସାଧାରଣ ପକ୍ଷୀଙ୍କ ଭଳି ଲାଗୁଛି । ଏପରିକି ଧରାପଡ଼ିଲେ ବି ଏହାକୁ ଦେଖି ଯେ କୌଣସି ଲୋକ ଆଶ୍ଚଯ୍ୟ ହୋଇଯିବ। କାରଣ ଏମାନଙ୍କୁ ମଲା ପକ୍ଷୀରୁ ହିଁ ପ୍ରସ୍ତୁତ କରାଯାଇଥାଏ । ଅର୍ଥାତ ମୃତପକ୍ଷୀଙ୍କୁ ଡ୍ରୋନ୍‌ ପକ୍ଷୀ ଭାବେ ପ୍ରସ୍ତୁତ କରାଯାଏ । ମଲା ପକ୍ଷୀ ଶରୀରର ଏମିତି ଜିନିଷ ନିଆଯାଏ, ଯାହାକି ଦୀର୍ଘ ଦିନ ଧରି ତାହା ନଷ୍ଟ ହେବନି । ଏହାଭିତରେ ପୁଣି ଖଞ୍ଜାଯାଇଥାଏ- ମାଇକ୍ରୋଫୋନ୍‌, କ୍ୟାମେରା, ସ୍ପିକର, CPU, ବ୍ୟାଟେରୀ, ଚାର୍ଜିଂ କଏଲ୍‌, ଓ୍ବାୟାରଲେସ୍‌ ଆଣ୍ଟେନା ଇତ୍ୟାଦି |ତେବେ ଏଠାରେ ଚିନ୍ତାଜନକ ବିଷୟ ହେଲା, ଏହାକୁ ଚିହ୍ନଟ କରିବା ସହଜ ହୋଇନଥାଏ । ଏପରିକି ଏହା ରାଡାରକୁ ମଧ୍ୟ ଚକ୍‌ମା ଦେବାରେ ସକ୍ଷମ ହୋଇଥାଏ । ଡ୍ରୋନ୍‌ ପକ୍ଷୀଙ୍କ ତୁଳନାରେ ଏହା ଅତି ନିକଟରୁ ଯାଇ ଚିତ୍ର ଉତ୍ତୋଳନ କରିପାରିବ । କାରଣ ହେଲା, ଡ୍ରୋନ୍‌ ପକ୍ଷୀ ପାଖକୁ ଆସିଲେ, ଏହା ଧରାପଡ଼ିବାର ସମ୍ଭାବନା ଅଧିକ ରହିଛି । ହେଲେ ମଲା ପକ୍ଷୀରୁ ପ୍ରସ୍ତୁତ ଡ୍ରୋନ୍‌, ଅତି ନିକଟକୁ ଆସିଲେ ବି ଚିହ୍ନଟ କରିବା ଏକପ୍ରକାର ଅସମ୍ଭବ ହୋଇପଡିବ | ତେଣୁ ଗୁଇନ୍ଦାଗିରିକୁ ଏକ ଅଲଗା ସ୍ତରକୁ ନେଇଯାଇପାରେ । ବର୍ତ୍ତମାନ ପ୍ରୋଟୋ ଟାଇପ୍‌ ଷ୍ଟେଜ୍‌ରେ ରହିଛି ଏହି ମଲା ଡ୍ରୋନ୍‌ ପକ୍ଷୀ ।ସେ ବେଶୀ ଦୂର ପର୍ଯ୍ୟନ ଉଡି ପାରିବ ନାହିଁ | ଦର୍ଶକ ବନ୍ଧୁ ଏବେ ଯେଉଁ ପାରା କିଛି ଦିନ ତଳେ ପାରାଦୀପ ବନ୍ଦରରୁ ଉଦ୍ଧାର ହୋଇଥିଲା ସେ ବିଷୟରେ ଏ ପର୍ଯ୍ୟନ୍ତ ମଧ୍ୟ କିଛି ଠୋସ ପ୍ରମାଣ ମିଳିପାରି ନାହିଁ |ପାରାଦୀପ ସମୁଦ୍ରରୁ ଉଦ୍ଧାର ସନ୍ଦିଗ୍ଧ ସ୍ପାଏ ପାରାକୁ ନେଇ ଅନେକ ପ୍ରଶ୍ନ ଏବେ ଉଠୁଛି । କେଉଁଠୁ ଆସିଛି ଏ ପାରା ? କିଏ ପଠାଇଥିଲା, ଆଉ ଉଦ୍ଦେଶ୍ୟ କେତେ ସାଙ୍ଘାତିକ ଥିଲା ? ତାହା ଏବେ ଚାରିଆଡେ ଚର୍ଚା ହେଉଛି । ଭାରତ ପାଇଁ ବିପଦ ସାଜିବନି ତ ଏହି ସନ୍ଦିଗ୍ଧ ପରା ? ତାହା ଏବେ ସନ୍ଦେହ ଘେରରେ ଅଛି |

Related post

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ l

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ…

କୋରାପୁଟ୧୭/୦୩/୨୦୨୪; ଏହି ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲା ପ୍ରଶାସନର ପୂର୍ବ ପ୍ରସ୍ତୁତିକୁ ନେଇ ସାମ୍ବାଦିକ ସମ୍ବିଳନୀ l ଓଡ଼ିଶାରେ ଲୋକସଭା ନିର୍ବାଚନ ସମେତ ଓଡିଶା ବିଧାନସଭା…
ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ପାଟକୁରା୧୭/୦୩/୨୦୨୪; ପଦ୍ମପୁର ପଞ୍ଚାୟତର ବିଚଣା ଗ୍ରାମର ପାନୀୟ ଜଳର ଉତ୍କଟ ସମସ୍ୟାର ସମାଧାନ ପାଇଁ ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କ ପାଟକୁରା ଦାଇତ୍ୱ ତଥା ବେଦୁ ବାବୁଙ୍କର ଅଧୁରା ସ୍ୱପ୍ନକୁ…

ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି…

ଫୋକସ ପ୍ଲସ(breaking news୧୭/୦୩/୨୦୨୪); 1. ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି ସମାନ | ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଅବକାରୀ ଦୁର୍ନୀତି ମାମଲାରେ…

Leave a Reply

Your email address will not be published. Required fields are marked *