ଜାଣନ୍ତୁ ମାଟି ପାତ୍ର ବ୍ୟବହାର କରିବାର ଉପକାରିତା ବିଷୟରେ

ଆଗରୁ ଆମର ପୂର୍ବ ପୁରୁଷ ମାନେ ରୋଷେଇ ତଥା ଜିନିଷ ପତ୍ର ରଖିବା ଲାଗି ମାଟି ପାତ୍ର ବ୍ୟବହାର କରୁଥିଲେ | ଜୀବନ ଶୈଳୀରେ ପରିବର୍ତ୍ତନ ଯୋଗୁଁ ଆଜି କାଲି ଅଧିକାଂଶ ଲୋକ ମାଟି ପାତ୍ର ଅପେକ୍ଷା ନନଷ୍ଟିକ ବାସନ କୁସନ ବ୍ୟବହାରକୁ ଅଧିକ ଗୁରୁତ୍ୱ ଦେଉଛନ୍ତି | ପ୍ରକୃତରେ କିନ୍ତୁ ସେସବୁ ଅପେକ୍ଷା ଆମର ପୁରୁଣା ସମୟରେ ବ୍ୟବହାର ହେଉଥିବା ମାଟି ପାତ୍ରର ସ୍ୱାସ୍ଥ୍ୟ ଉପରେ ସାକାରାତ୍ମକ ପ୍ରଭାବ ରହିଛି | ଆଧୁନିକ ଯୁଗରେ ଆମେ ବିଭିନ୍ନ ପ୍ରକାର ଧାତୁ ନିର୍ମିତ ପାତ୍ରକୁ ଭୋଜନ ପ୍ରସ୍ତୁତ ପାଇଁ ବ୍ୟବହାର କରୁଛୁ l ଯାହାକି ଆଧୁନିକ ସମାଜର ଗୋଟିଏ ଚଳଣି ହୋଇ ଯାଇଛି l କିନ୍ତୁ ପୁରୁଣା ଯୁଗରେ ବିଶେଷ ଭାବରେ ମାଟି ପାତ୍ରରେ ଖାଦ୍ୟ ପ୍ରସ୍ତୁତ କରାଯାଉଥିଲା l ଯାହାକି ସ୍ୱାସ୍ଥ୍ୟ ପାଇଁ ଖୁବ ହିତକର ରହୁଥିଲା l ମାଟି ପାତ୍ରର ଚାହିଦା ଖୁବ ପୁରୁଣା ସମୟରୁ ରହିଛି l କିନ୍ତୁ ମାଟି ପାତ୍ର ଚାହିଦା ଆଜି କେବଳ ପାଣିର ଘଡା ଭାବରେ କେତୋଟି ଘରେ ବ୍ୟବହାର ହେଉଛି l ତେବେ ବର୍ତ୍ତମାନ ଏବେ ଖରା ଦିନ ଚାଲୁଥିବାରୁ ମାଟି ପାତ୍ରର ଚାହିଦା ବଢିଛି |ଆଉ ଲୋକେ ମଧ୍ୟ ମାଟି ପାତ୍ରକୁ ବ୍ୟବହାର କରିବାକୁ ଖୁବ ଆଗ୍ରହ ପ୍ରକାଶ କରୁଛନ୍ତି | ମାଟି ପାତ୍ର ବ୍ୟବହାର କରିବା ଦ୍ୱାରା କଣ ଉପକାରିତା ମିଳିଥାଏ ଜାଣନ୍ତୁ |

1-ଡାକ୍ତର ମାନଙ୍କ କହିବା ଅନୁସାରେ ଆଲୁମିନିୟମ ବାସନରେ ରୋଷେଇ କଲେ ଖାଦ୍ୟର 87 ପ୍ରତିଶତ ପୋୖଷ୍ଟିକତା ନଷ୍ଟ ହୋଇଯାଇଥାଏ | ପିତ୍ତଳ ବାସନରେ ରୋଷେଇ କଲେ 7 ପ୍ରତିଶତ ପୋୖଷ୍ଟିକତା ନଷ୍ଟ ହୁଏ | କିନ୍ତୁ ମାଟି ପାତ୍ରାରେ ରୋଷେଇ କଲେ ପୋୖଷ୍ଟିକତା ବିଲକୁଲ କମେ ନାହିଁ |

2-ମାଟିରେ ପ୍ରାକୃତିକ ଭାବେ 40% ପାଣି ଥାଏ | ସେହି ପରି ମ୍ୟାଗନେସିୟମ ,ଲୌହ ,ଫସଫରସରେ ବି କ୍ୟାଲସିୟମ ରହିଥାଏ | ତେଣୁ ପ୍ରସ୍ତୁତ ହେଉଥିବା ପାତ୍ରକୁ ବ୍ୟବହାର କଲେ ଏହି ସବୁ ଧାତୁର କିଛି କିଛି ଅଂଶ ଆମ ଶରୀରକୁ ଯାଇଥାଏ | ଏହା ଦ୍ୱାରା ଶରୀରରେ ସେହି ଧାତୁର ଅଭାବରେ ହେଉଥିବା ରୋଗ ଆଉ ହୁଏ ନାହିଁ |

3-ମାଟି ପାତ୍ରରେ ରୋଷେଇ କଲେ ଖାଦ୍ୟ ଧୀରେ ରୋଷେଇ ହୋଇଥାଏ | ଯାହା ଦ୍ୱାରା କି ତାହା ପୋଡି ଯିବାର ଆଶଂକା ମଧ୍ୟ କମ ଥାଏ | କେବଳ ସେତିକି ନୁହେ ,ଏଥିରେ ଘୋଡଣି ବ୍ୟବହାର କରି ରୋଷେଇ କରାଯାଉଥିବାରୁ ଖାଦ୍ୟର ପ୍ରକୃତ ସ୍ୱାଦ ତଥା ସୁଗନ୍ଧ ମିଳିଥାଏ |

4-ମାଟି ପାତ୍ରରେ ରୋଷେଇ କଲେ ଖୁବ କମ ତେଲ ବ୍ୟବହାର ହୋଇଥାଏ | ଏହାଦ୍ୱାରା ଖାଦ୍ୟରେ ଚର୍ବି ଅଂଶ କମେ ତେଣୁ ମେଦ ବହୁଳତା ,ମଧୁମେହ ,ରକ୍ତଚାପ ଭଳି ଜୀବନ ଶୈଳୀ ଜନିତ ରୋଗରୁ ରକ୍ଷା ମିଳିଥାଏ |

5-ମାଟି ତାୱାରେ ପ୍ରସ୍ତୁତ ରୁଟି ସ୍ୱାସ୍ଥ୍ୟ ପାଇଁ ଖୁବ ଉପକାରୀ ହୋଇଥାଏ | କାରଣ ଅଟା ମାଟିର ଗୁଣକୁ ଅବଶୋଷିତ କରିନିଏ | ଏହା ଦ୍ୱାରା ରୁଟିର ପୋୖଷ୍ଟିକତା ବଢିଯାଏ | ଏହା ସହ ସେଥିରେ ଥିବା ପ୍ରୋଟିନ ବିଭିନ ପ୍ରକାର ରୋଗରୁ ରକ୍ଷା କରେ କେବଳ ସେତିକି ନୁହେ ମାଟି ଟାୱାର ରୁଟି ଖାଇଲେ ଗ୍ୟାସ ବଦହଜମି ଜନିତ ସମସ୍ୟା ବହୁତ କମିଯାଇଥାଏ |

6-ଆଜି କାଲିର ପରିବର୍ତିତ ଜୀବନ ଶୈଳିରେ ବହୁ ଲୋକ କୋଷ୍ଠ କାଠିନ୍ୟର ଶିକାର ହେଉଛନ୍ତି | ମାଟି ତାୱାରୁ ପ୍ରସ୍ତୁତ ରୁଟି ଖାଇଲେ ସେହି ସମସ୍ୟା ରହେ ନାହିଁ |

7-ତେବେ ଏସବୁ ବାସନାକୁ ବ୍ୟବହାର କରିବା ସମୟରେ ସତର୍କ ରହିବ ନିହାତି ଆବଶ୍ୟକ | ରୁଟି କରିସାରିବା ପରେ ମାଟି ପାତ୍ରରେ ବିଲକୁଲ ପାଣି ପକାଇବା ନାହିଁ | କିମ୍ବା ତାକୁ ସଫା କରିବେ ନାହିଁ | ଓଦା କପଡ଼ାରେ ପୋଛିଲେ ତାହା ଭଲ ହୋଇଥାଏ |

8- ମାଟି ପାତ୍ରରେ ଖାଦ୍ୟ ପ୍ରସ୍ତୁତ କରିବା ଛଡା ଖାଇବା ମଧ୍ୟ ଜରୁରୀ l ଯାହା ଆମ ଶରୀରକୁ ଚମତ୍କାର ଲାଭ ଦେଇଥାଏ l ମାଟି ବାସନରେ ଖାଦ୍ୟ ପ୍ରସ୍ତୁତ କରିବା ଦ୍ୱାରା ଖାଦ୍ୟର ସୁଗନ୍ଧ ଦୀର୍ଘ ସମୟ ଧରି ରହିଥାଏ l କାହିଁକି ନା ମାଟିର ସ୍ୱାଦ ସାମାନ୍ୟ ଖାର ହୋଇଥାଏ l

9- ମାଟି ପାତ୍ର ଖାଦ୍ୟର ପୋଷଣକୁ ବୃଦ୍ଧି କରିଥାଏ l କାରଣ ମାଟି ପାତ୍ରରେ ଖାଦ୍ୟ ପ୍ରସ୍ତୁତ କରିଥିଲେ ସେଥିରେ ଆଇରନ, ଫସଫରସ, କ୍ୟାଲସିୟମ ଓ ମଗ୍ନେଶୀୟମ ଭଳି ଖଣିଜ ପଦାର୍ଥ ମିଳିଥାଏ l ଯାହାଦ୍ୱାରା ଶରୀରକୁ ଅନେକ ପୋଷାକ ତତ୍ୱ ମିଳି ଯାଇଥାଏ l

10- ଯଦି ଆପଣ ମାଟି ବାସନରେ ଖାଦ୍ୟ ପ୍ରସ୍ତୁତ କରନ୍ତି ତେବେ ଏହା ପିଏଚ ଲେବୁଲକୁ ବାଲାନ୍ସ କରିବାରେ ସାହାଯ୍ୟ କରିଥାଏ l ବିଶେଷ ଭାବରେ ମାଟିରେ ଥିବା ଖରିୟ ଅଂଶ ଖାଦ୍ୟରେ ମିଶି ପିଏଚ ଲେବୁଲକୁ ମେଣ୍ଟନ କରିଥାଏ ଓ ସ୍ୱାସ୍ଥ୍ୟ ଉପରେ ଭଲ ପ୍ରଭାବ ପଡିଥାଏ l

11- ମାଟି ବାସନରେ ଖାଦ୍ୟ ପ୍ରସ୍ତୁତ କରିବା ଦ୍ୱାରା କମ ତେଲର ଉପଯୋଗ ହୋଇଥାଏ l ଅର୍ଥାତ ଯେତେବେଳେ ଆପଣ ଏଥିରେ ଖାଦ୍ୟ ପ୍ରସ୍ତୁତ କରନ୍ତି ଏଥିରେ ଥିବା ନେଚୁରାଲ ମଇଶ୍ଚର ଖାଦ୍ୟ ପ୍ରସ୍ତୁତ କରିବାରେ ସାହାଯ୍ୟ କରିଥାଏ l ସେଥିପାଇଁ ଏହା ହୃତପିଣ୍ଡ ଓ ଉଚ ରକ୍ତଚାପ ସମସ୍ୟା ଦୂର କରିଥାଏ l