ତାଣ୍ଡବ ରଚୁଛି ବାତ୍ୟା ଫ୍ରେଡୀ

ତାଣ୍ଡବ ରଚୁଛି ବାତ୍ୟା ଫ୍ରେଡୀ

ଫୋକସ ପ୍ଲସ 17/3/23(ବ୍ୟୁରୋ): ତାଣ୍ଡବ ରଚୁଛି ବାତ୍ୟା ଫ୍ରେଡୀ । ନେଲାଣି ୩୨୫ ଜୀବନ । ଫ୍ରେଡୀ ବାତ୍ୟାରେ ଛାରଖାର ମାଲୱି । ବାତ୍ୟା ତାଣ୍ଡବ ରଚୁଥିବା ବେଳେ ବୃଦ୍ଧି ପାଉଛି ମୃତ୍ୟୁ ସଂଖ୍ୟା । ବାତ୍ୟା ପ୍ରଭାବରେ ଦେଶର ବିଭିନ୍ନ ଅଞ୍ଚଳରେ ଭୀଷଣ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଅନେକ ସ୍ଥାନରେ ଭୂସ୍ଖଳନ ଯୋଗୁଁ ବ୍ୟାପକ କ୍ଷୟକ୍ଷତି ଘଟୁଛି । ବର୍ତ୍ତମାନ ସୁଦ୍ଧା ୩୨୫ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଜଣାପଡିଛି । ଦକ୍ଷିଣ ଆଫ୍ରିକୀୟ ଦେଶ ମାଲଓ୍ବିର ଅନେକ ଅଞ୍ଚଳରେ ବାତ୍ୟା ଫ୍ରେଡି ତାଣ୍ଡବ ରଚିଛି । ଅନେକ ସ୍ଥାନରେ ରାସ୍ତା ଘାଟ ବୁଡି ରହିଥିବା ବେଳେ ଗଭୀର ଗର୍ତ୍ତ ସୃଷ୍ଟି ହୋଇଛି । ଫଳରେ ଲୋକମାନେ ଜୀବନ ସହ ସଂଘର୍ଷ କରି ବଞ୍ଚୁଛନ୍ତି । ପ୍ରବଳ ବର୍ଷା ଯୋଗୁଁ ପାହାଡକୁ ମାଟି ଆସି ଘରେ ପଶିଯାଇଥିବା ସୂଚନା ରହିଛି । ତେବେ ବନ୍ୟା ପ୍ରଭାବିତ ଅଞ୍ଚଳରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ଅନ୍ୟପଟେ ପ୍ରଶାସନ ପକ୍ଷରୁ ସହଯୋଗ କରାଯାଉଛି । ବାତ୍ୟା ଫ୍ରେଡୀ ପ୍ରଭାବରେ ମାଲୱିର ବ୍ଲେଣ୍ଟାୟର ସହର ଅଧିକ ପ୍ରଭାବିତ ହୋଇଛି ।ବିଶ୍ବ ପାଣିପାଗ ବିଭାଗ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, “ଦକ୍ଷିଣ ଗୋଲାର୍ଦ୍ଧରେ ଫ୍ରେଡୀ ସବୁଠାରୁ ବଡ ବାତ୍ୟା ଅଟେ । ଏହା ସବୁଠାରୁ ଦୀର୍ଘସ୍ଥାୟୀ ସାଇକ୍ଲୋନ ହେବ ବୋଲି ଅନୁମାନ କରାଯାଉଛି ।” ଭୟଙ୍କର ବାତ୍ୟା ଯୋଗୁଁ ମୋଜାମ୍ବି ସମ୍ପୁର୍ଣ୍ଣ ଭାବେ ଧ୍ବସଂ ହୋଇଯାଇଛି । ଅନ୍ୟପଟେ କ୍ବିଲିମେନର ଅନେକ ସ୍ଥାନରେ ଭୂସ୍ଖଳନ ହୋଇ ବଡ ବଡ ଗର୍ତ୍ତ ସୃଷ୍ଟି ହୋଇଛି । ଅନେକ ଘରର କାନ୍ଥ ଭାଙ୍ଗିଯାଇଥିବା ବେଳେ ଆଜବେଷ୍ଟ ଉଡିଯାଇଛି । ତେବେ ପ୍ରବଳ ବର୍ଷା ଯୋଗୁଁ ମାଲଓ୍ବିର ସ୍ଥିତି ଆହୁରି ଖରାପ ହୋଇପାରେ ବୋଲି ଜାତିସଂଘ ପକ୍ଷରୁ ଚେତାବନୀ ଦିଆଯାଇଛି । ଜଳବାୟୁ ପରିବର୍ତ୍ତନ ବାତ୍ୟା ଫ୍ରେଡୀକୁ ବଳଯୋଗାଉଥିବା ନେଇ ବୈଜ୍ଞନିକମାନେ ମତ ପୋଷଣ କରିଛନ୍ତି । ଆଫ୍ରିକାରେ ଲ୍ୟାଣ୍ଡଫଲ କରିଥିବା ବାତ୍ୟା ମଧ୍ୟରୁ ଫ୍ରେଡୀ ସବୁଠାରୁ ଭୟଙ୍କର ବୋଲି କୁହାଯାଇଛି । ମୋଜାମ୍ବିକ୍ୟୁର ଜାମ୍ବେଜିଆରେ ବର୍ତ୍ତମାନ ସୁଦ୍ଧା ୫୩ ଜଣଙ୍କ ମୃତ୍ୟୁ ହୋଇଛି । ଅନବରତ ଭାବେ ବର୍ଷା ଲାଗି ରହିଥିବା କାରଣରୁ ବିଦ୍ୟୁତ ସେବା ମଧ୍ୟ ବ୍ୟାହତ ହୋଇଛି ।

Related post

ନିର୍ବାଚନୀ ମଇଦାନକୁ ଓହ୍ଲାଇଲେ ଭାଜପାର କଟକ ସାଂସଦ ପ୍ରାର୍ଥୀ ଭର୍ତୁହରୀ।

ନିର୍ବାଚନୀ ମଇଦାନକୁ ଓହ୍ଲାଇଲେ ଭାଜପାର କଟକ ସାଂସଦ ପ୍ରାର୍ଥୀ ଭର୍ତୁହରୀ।

କଟକ୦୮/୦୪/୨୦୨୪; ଏବେ ମଧ୍ୟ ବିଭିନ୍ନ ଦଳରେ ମିଶ୍ରଣ ପର୍ବ ଜାରି ରହିଥିବା ବେଳେ ଗତ କିଛି ଦିନ ତଳେ ଶଙ୍ଖ ଛାଡି ପଦ୍ମ ଧରିଥିବା ବିଜେପି ର କଟକ…
୧୭ ମିନିଟରେ ନିଆରା ବାହାଘର |

୧୭ ମିନିଟରେ ନିଆରା ବାହାଘର |

ସୁନ୍ଦରଗଡ଼୦୮/୦୪/୨୦୨୪; ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରାନିବନ୍ଧ ଠାରେ ଦେଖିବାକୁ ମିଳିଛି ନିଆରା ଢଙ୍ଗରେ ବାହାଘର, ସାଧାରଣତଃ ଆପଣମାନେ ଦେଖିଥିବେ ବରଯାତ୍ରୀ ନେଇ ବାଜା ବାଣ ରୋଷଣି ରେ ବର…
ଆସୁଛି କାଳବୈଶାଖୀ ଜବର,୪ ଦିନ ବର୍ଷିବ |

ଆସୁଛି କାଳବୈଶାଖୀ ଜବର,୪ ଦିନ ବର୍ଷିବ |

ପାଣିପାଗ ୦୮/୦୪/୨୦୨୪; ଆସୁଛି ବଡ ବର୍ଷା | ୪ ଦିନ ବର୍ଷିବ | ଏହି ସବୁ ରାଜ୍ୟରେ ତାଣ୍ଡବ ରଚିବ କାଳବୈଶାଖୀ | ପାଣିପାଗ ବିଭାଗ ଅନୁଯାୟୀ, ଅରୁଣାଚଳ…

Leave a Reply

Your email address will not be published. Required fields are marked *