ବଡ଼ ପରଦାରେ ଛୋଟ ପରଦାର ଏହି ଚର୍ଚ୍ଚିତ ଯୋଡ଼ି

ଭୁବନେଶ୍ବର: ଓଲିଉଡର ଜଣାଶୁଣା ନାୟିକା ଲିପସା ଜଣେ ନାୟକଙ୍କ ସହ ପ୍ରଥମ ଥର ଲାଗି ବଡ଼ ପରଦାରେ ଆସୁଛନ୍ତି। ଆଗରୁ ଏହି ନାୟକଙ୍କ ସହ ସେ ଛୋଟ ପରଦାରେ ନଜର ଆସିଛନ୍ତି। ଏହି ନାୟକଜଣକ ହେଲେ ମଣ୍ଟୁ ଓରଫ ଶୁଭାଶିଷ। ଏଠାରେ ଯେଉଁ ନୂଆ ଓଡ଼ିଆ ସିନେମାର କଥା କୁହାଯାଉଛି, ତାହା ହେଲା ‘ଲଭ୍ ଓ୍ବାର୍’। ଏଥିରେ ଲିପ୍ସା ଅଛନ୍ତି ମଣ୍ଟୁଙ୍କ ନାୟିକା ଭୂମିକାରେ। ଏହାଛଡ଼ା ପ୍ରକାଶ ଜେନା ବି ଅଛନ୍ତି ମୁଖ୍ୟ ଭୂମିକାରେ। ବିଶ୍ବରଂଜନ ମହାନ୍ତି ଏହାର ନିର୍ଦ୍ଦେଶକ। ସୂଚନାଯୋଗ୍ୟ ଦର୍ଶକ ମଣ୍ଟୁ-ଲିପସା ଯୋଡ଼ିକୁ ମେଗା ଧାରାବାହିକ ‘ହେ ପ୍ରଭୁ’ରେ ବେଶ୍ ପସନ୍ଦ କରିଛନ୍ତି।