ବିହାରର ସରକାରୀ ସ୍କୁଲରେ ସାନିଟାରୀ ନାପକିନ୍ ପାଇଁ ଛାତ୍ରଙ୍କୁ ବଣ୍ଟାଗଲା ଟଙ୍କା !

ଅଞ୍ଜୟ କୁମାର ସିଂ କହିଛନ୍ତି ଯେ ମାଞ୍ଝି ବ୍ଲକର ହାଲକୋରୀ ସାହା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଏଭଳି କରିଛନ୍ତି। ମାସିକଧର୍ମ ସମୟରେ ସ୍ୱଚ୍ଛତା ନେଇ ସଚେତନତା ସୃଷ୍ଟି କରିବା ପାଇଁ ନୀତୀଶ କୁମାର ସରକାର ସାନିଟାରୀ ନାପକିନ୍ ମାସକୁ ୧୫୦ ଟଙ୍କା ଦେଇଥାନ୍ତି। ହେଲେ ପ୍ରଧାନ ଶିକ୍ଷକ ଛାତ୍ରୀମାନଙ୍କୁ ଟଙ୍କା ନଦେଇ ଛାତ୍ରମାନଙ୍କୁ ଟଙ୍କା ଦେଉଥିବା ସାମ୍ନାକୁ ଆସିଛି। ଏହାର ଯାଞ୍ଚ ପାଇଁ ଦୁଇ ଜଣିଆ କମିଟି ଗଠନ କରାଯାଇଛି। କମିଟିର ଅନୁସନ୍ଧାନକୁ ଭିତ୍ତି କରି ତ୍ରୁଟିପୂର୍ଣ୍ଣ ସରକାରୀ କର୍ମଚାରୀଙ୍କ ବିରୋଧରେ ଉପଯୁକ୍ତ ଶୃଙ୍ଖଳାଗତ ଏବଂ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଚାରି ଦିନ ମଧ୍ୟରେ କମିଟି ଏହାର ରିପୋର୍ଟ ଦାଖଲ କରିବ।