ମାତିଛନ୍ତି ଲୁଟେରା, ବିବାହ ମଣ୍ଡପରୁ ଗହଣା ଲୁଟ୍‌

ଆଜି ପୁଣି ଏକ ଅଭିନବ ଉପାୟରେ ବିବାହ ମଣ୍ଡପରୁ ୨ଲକ୍ଷ ଟଙ୍କାର ଗହଣା ଲୁଟିନେଇଛନ୍ତି ଲୁଟେରା । ସୂଚନା ଅନୂସାରେ ରାଜଧାନୀ ଉପକଣ୍ଠ କେସୁରା ଅଞ୍ଚଳରେ ଏକ ବିବାହ ମଣ୍ଡପରେ ବିବାହ ଭୋଜି ଜାରି ରହିଥିବା ବେଳେ ଘର ଲୋକ ଭଳି ଆସି ଗହଣା ଭର୍ତ୍ତି ବ୍ୟାଗ ଲୁଟିନେଇଛନ୍ତି ୨ ଲୁଟେରା ।ରାଜଧାନୀ ଭୁବନେଶ୍ୱରରେ ଏବେ ମାତିଛନ୍ତି ଲୁଟେରା। ଅଭିନବ ଉପାୟରେ ପ୍ରତିଦିନ ରାଜଧାନୀର ବିଭିନ୍ନ ସ୍ଥାନରୁ ଲୁଟ୍ କରୁଛନ୍ତି ଲୁଟେରା ।

ଗହଣା ବ୍ୟାଗ ନମିଳିବା ପରେ ସିସଟିଭି ଫୁଟେଜ୍ ଯାଞ୍ଚ କରିବା ପରେ ଗହଣା ଲୁଟ୍ ହୋଇଥିବା ଜଣାପଡିଥିଲା । ଏନେଇ ପରିବାର ଲୋକଙ୍କ ପକ୍ଷରୁ କେସୁରା ଥାନରେ ଅଭିଯୋଗ ହେବା ପରେ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।