IPL ନିଲାମି ପାଇଁ ୫୯୦ ଖେଳାଳିଙ୍କ ତାଲିକା ଘୋଷଣା କଲା BCCI

IPL ନିଲାମି ପାଇଁ ୫୯୦ ଖେଳାଳିଙ୍କ ତାଲିକା ଘୋଷଣା କଲା BCCI

BENGALOORE 02/02/2022: ଇଣ୍ଡିଆନ ପ୍ରିମିୟର ଲିଗ ବା ଆଇପିଏଲ-୨୦୨୨ ପାଇଁ ନିଲାମି ପୂର୍ବରୁ ଖେଳାଳିଙ୍କ ତାଲିକା ଜାରି କରିଛି ବିସିସିଆଇ । ଆଇପିଏଲ ପାଇଁ ମୋଟ ୫୯୦ ଜଣ ଖେଳାଳିଙ୍କ ତାଲିକା ଜାରି ହୋଇଛି । ଆସନ୍ତା ଫେବୃୟାରି ୧୨ ତାରିଖ ୧୩ ତାରିଖ ଦୁଇ ଦିନ ଧରି ନିଲାମ ହେବ । ବିସିସିଆଇ ଆଇପିଏଲର ୧୫ତମ ସଂସ୍କରଣ ପାଇଁ ବେଙ୍ଗାଲୁରରେ ଭବ୍ୟ ନିଲାମିର ଆୟୋଜନ କରିିବ । ଚଳିତ ବର୍ଷ ନିଲାମ ପାଇଁ ସର୍ବାଧିକ ରିଜର୍ଭ ଦର ୨ କୋଟି ଟଙ୍କା ରଖାଯାଇଛି । ବିସିସିଆଇ ଜାରି କରିଥିବା ଖେଳାଳି ତାଲିକାରେ ୪୮ ଜଣ ଏପରି ଖେଳାଳି ଅଛନ୍ତି ଯାହାଙ୍କ ବେସ ପ୍ରାଇସ ୨ କୋଟି ଟଙ୍କା । ସେହିପରି ୨୦ ଖେଳାଳିଙ୍କ ବେସ ପ୍ରାଇସ୍ ଦେଢ କୋଟି ଟଙ୍କା ଓ ୩୪ ଖେଳାଳିଙ୍କ ବେସ ପ୍ରାଇସ ରହିଛି ଏକ କୋଟି ଟଙ୍କା ରହିଛି । ଚଳିତ ବର୍ଷ ନିଲାମିରେ ୩୭୦ ଭାରତୀୟ ଖେଳାଳି ସାମିଲ ହୋଇଥିବା ବେଳେ ୨୨୦ ବିଦେଶୀ ଖେଳାଳି ରହିଛନ୍ତି । ଆଇପିଏଲ ପାଇଁ ନିଲାମ ହେବାକୁ ଥିବା ଖେଳାଳି ତାଲିକାରେ ଅଷ୍ଟ୍ରେଲିଆରୁ ସର୍ବାଧିକ ୪୭ ଜଣ ଖେଳାଳି, ୱେଷ୍ଟଇଣ୍ଡିଜର ୩୪ ଏବଂ ଦକ୍ଷିଣ ଆଫ୍ରିକାରୁ ଅଛନ୍ତି ୩୩ ଜଣ ଖେଳାଳି । ଚଳିତ ବର୍ଷ ଆଇପିଏଲ ପାଇଁ ଯେଉଁ ୫୯୦ ଖେଳାଳିଙ୍କ ନିଲାମ ହେବାକୁ ଯାଉଛି, ସେମାନଙ୍କ ମଧ୍ୟରେ ୨୨୮ ତମ କ୍ୟାପଡ ଖେଳାଳି, ୩୫୫ ଜଣ ଅନକ୍ୟାପଡ୍ ଓ ୭ ଜଣ ଆସୋସିଏଟସ ଖେଳାଳି ରହିଛନ୍ତି ।
ଆଇପିଏଲ୍‌ର ମେଗା ନିଲାମ ପାଇଁ କିଛି ପ୍ରମୁଖ ଖେଳାଳିଙ୍କ ମୂଳ ନିଲାମ ରାଶି ରଖାଯାଇଛି ୨ କୋଟି ଟଙ୍କା।ଭାରତୀୟ ଖେଳାଳିଙ୍କ ମଧ୍ୟରେ ରହିଛନ୍ତି ଶିଖର ଧାୱନ, ଶ୍ରେୟସ ଆୟର ଏବଂ ରବିଚନ୍ଦ୍ରନ ଅଶ୍ବିନ। ବିଦେଶୀ ଖେଳାଳିଙ୍କ ମଧ୍ୟରୁ ପ୍ୟାଟ୍ କମିନ୍ସ, କାଗିସୋ ରବାଦା, ମିଚେଲ୍ ମାର୍ସ ଏବଂ ଷ୍ଟିଭେନ୍ ସ୍ମିଥ୍ ପ୍ରମୁଖଙ୍କ ପାଇଁ ମଧ୍ୟ ଏହି ମୂଳ ରାଶି ରହିଛି। ଶୀର୍ଷ ବନ୍ଧନୀର ୨ କୋଟି ମୂଳ ରାଶି ତାଲିକାରେ ମଧ୍ୟ ମହମ୍ମଦ ସାମି, ଭୁବନେଶ୍ବର କୁମାର, ଦେବଦତ୍ତ ପଡ଼ିକଲ, ୟୁଝବେନ୍ଦ୍ର ଚହଲ, ଶାର୍ଦୁଳ ଠାକୁର ରହିଛନ୍ତି ।

ବେଙ୍ଗାଲୁରୁରେ ଫେବ୍ରୁଆରି ୧୨ ଓ ୧୩ ତାରିଖରେ ହେବାକୁ ଥିବା ନିଲାମରେ କେଉଁ ଖେଳାଳି କେତେରେ ଯିବେ ଦେଖିବାର ଅଛି । ଏହି ଦୁଇ ଦିନିଆ ମେଗା ନିଲାମ ପାଇଁ ମୋଟ ୧୨୧୪ ଖେଳାଳି ପଞ୍ଜିକୃତ ହୋଇଥିବା ବେଳେ ୫୯୦ ଜଣ ଚୂଡାନ୍ତ ନିଲାମକୁ ମନୋନୀତ ହୋଇଛନ୍ତି ।

Related post

ଏ ଯୁଗର ସାବିତ୍ରୀ ।

ଏ ଯୁଗର ସାବିତ୍ରୀ ।

କଳାହାଣ୍ଡି୨୩/୦୨/୨୦୨୪: ଯମଦେବଙ୍କ ପାଖରୁ ମୢତ ସ୍ବାମୀଙ୍କୁ ଫେରି ପାଇ ଥିଲେ ସାବିତ୍ରୀ । ଏ ପୁରାଣର କଥା । କିନ୍ତୁ ମୢତ୍ୟ ମୁଖରେ ପଡି ଥିବା ସ୍ବାମୀଙ୍କୁ ନିଜ…

ଆମର କୋରାପୁଟ ଜିଲ୍ଲା ଆମର ଚାକିରୀ ଆମକୁ ଦିଅ ନାରାରେ କମ୍ପିଲା…

ଜିଲ୍ଲା ଭିଷିକ ନିଯୁକ୍ତି ଦାବିରେ କୋରାପୁଟ ଜିଲ୍ଲାପାଳ କାର୍ଯ୍ୟାଳୟ ଘେରିଲେ ବେକାର ଯୁବା ଯୁବତୀ କୋରାପୁଟ୨୩/୦୨/୨୦୨୪: ଜିଲ୍ଲାରେ ଜୋରଧରିଲା ଜିଲ୍ଲା ଭିଭିକ ନିଯୁକ୍ତି ଦାବି । ଜିଲ୍ଲା ଭିରିକ…
କୋରାପୁଟରେ ଜଳରଙ୍ଗ ଚିତ୍ରଶିଳ୍ପୀ ଶିବିର ଓ ସମସାମୟିକ ଚିତ୍ରକଳା ପ୍ରଦର୍ଶନୀ ।

କୋରାପୁଟରେ ଜଳରଙ୍ଗ ଚିତ୍ରଶିଳ୍ପୀ ଶିବିର ଓ ସମସାମୟିକ ଚିତ୍ରକଳା ପ୍ରଦର୍ଶନୀ ।

କୋରାପୁଟ୨୩/୦୨/୨୦୨୪: କୋରାପୁଟର ଦେଓମାଳୀ ଠାରେ ଓଡିଶା ଲଳିତ କଳା ଏକାଡେମୀ,ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଦ୍ଵାରା ଏବଂ କୋରାପୁଟ ଜିଲ୍ଲା ପ୍ରଶାସନ ସହଯୋଗରେ ଏକ ରାଜ୍ୟ…

Leave a Reply

Your email address will not be published. Required fields are marked *