ଇମ୍ରାନ ଖାନଙ୍କ ଆସନ ଟଳମଳ

ଇମ୍ରାନ ଖାନଙ୍କ ଆସନ ଟଳମଳ

ବିପଦରେ ଇମ୍ରାନ ଖାନ ଙ୍କ ଚୋୖକି ..ପାକିସ୍ତାନରେ ରାଜନୈତିକ ପରିସ୍ଥିତି ଅଦଳବଦଳ ହୋଇପାରେ । ଇମ୍ରାନ୍ ଖାନ୍‌ଙ୍କ ଚୌକି ଉପରେ ବିପଦ ଆସିପାରେ । କାରଣ ଇମ୍ରାନ୍ ଖାନଙ୍କୁ ଚୌକିରୁ ହଟାଇବା ପାଇଁ ବିରୋଧୀମାନେ ଉଦ୍ୟମ କରୁଛନ୍ତି । ପାକିସ୍ତାନ ଡେମୋକ୍ରେଟିକ୍ ମୁଭମେଣ୍ଟ ଇମ୍ରାନ ସରକାର ବିପକ୍ଷରେ ନୋ କନଫିଡେନ୍ସ ମୋସନ ଆଣିବାକୁ ନିଷ୍ପତ୍ତି ନେଇଛି । ଏହାରି ମଧ୍ୟରେ ଇମ୍ରାନଙ୍କ ୩ୟ ପତ୍ନୀ ବୁଶରା ବିବି ମଧ୍ୟ ତାଙ୍କ (ଇମ୍ରାନ)ଙ୍କ ବିପକ୍ଷରେ ଯାଉଥିବା ଗଣମାଧ୍ୟମ ରିପୋର୍ଟ କରିଛି । ବିରୋଧୀଙ୍କ ଦ୍ୱାରା କୁହାଯାଇଛି ଯେ, ଇମ୍ରାନ୍ ଖାନ ଦେଶ ଚଳାଇବାରେ ବିଫଳ ହୋଇଛନ୍ତି । ତେଣୁ ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବାକୁ ନିଷ୍ପତ୍ତି ନେଇଛି । ଏଥି ପାଇଁ ପ୍ରସ୍ତୁତି ମଧ୍ୟ ଆରମ୍ଭ ହୋଇଯାଇଛି । ବିରୋଧୀ ଦଳଙ୍କର ଏହି ମେଣ୍ଟରେ ବିଲାୱାଲ ଅଲି ଜର୍ଦ୍ଦାରୀ ଭୁଟ୍ଟୋଙ୍କ ପାକିସ୍ତାନ ପିପୁଲ୍ସ ପାର୍ଟି, ନୱାଜ ଶରୀଫଙ୍କ ପାକିସ୍ତାନ ମୁସଲିମ ଲିଗ ଓ ଇମ୍ରାନ୍ ଖାନ ସରକାରରେ ସହଯୋଗୀ ଦଳ ମୁତ୍ତାହିଦା କୌମୀ ମୁଭମେଣ୍ଟ ଓ ପାକିସ୍ତାନ ମୁସଲିମ ଲିଗ ମଧ୍ୟ ସାମିଲ ରହିଛି । ଏହି ସବୁ ଦଳ ଗୁଡ଼ିକ ସରକାର ବିପକ୍ଷରେ ମୋର୍ଚ୍ଚା ଖୋଲିଛନ୍ତି । ସୂତ୍ର ଅନୁସାରେ ଯଦି ଇମ୍ରାନ ଖାନ ନିଜ ଆସନ ହରାନ୍ତି, ତା’ହେଲେ ତାଙ୍କ ସ୍ଥାନରେ ପାକିସ୍ତାନ ପିପୁଲ୍ସ ପାର୍ଟିର ଆସିଫ ଅଲି ଜର୍ଦ୍ଦାରୀଙ୍କୁ ଆଗାମୀ ରାଷ୍ଟ୍ର ନେତା ଭାବେ ଦେଖାଯାଇପାରେ । ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରୀଫ ଏହି ଦୌଡ଼ରେ ନାହାନ୍ତି । ସୂଚନାଯୋଗ୍ୟ, ଗତ ସପ୍ତାହରେ ଇମ୍ରାନ ଖାନ କହିଥିଲେ ଯେ, ସେ ନିର୍ବାଚନ ପୂର୍ବରୁ ଦେଇଥିବା ପ୍ରତିଶ୍ରୁତି ପୂରଣ କରିପାରି ନାହାନ୍ତି

Related post

ଆଜି ଉତ୍କଳ ଦିବସ ; ସମଗ୍ର ବିଶ୍ୱରେ ଏକ ସ୍ୱତନ୍ତ୍ର  ସ୍ଥାନ ପାଇଛି ମୋ ଓଡିଶା

ଆଜି ଉତ୍କଳ ଦିବସ ; ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ…

ସବୁଜ ସୁନ୍ଦର ଶସ୍ୟ ଶ୍ୟାମଳା ମୋ ଜନମ ଭୂଇଁ ଉତ୍କଳ,କଳା ଧର୍ମ ସଂସ୍କୃତି ଆଉ ନିଆରା ପରମ୍ପରା ପାଇଁ ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ପାଇଛି ମୋ…
ନ୍ୟାୟ ପାଇଁ ଥାନା ଆଗରେ ଧାରଣା ଦେବେ ସରପଞ୍ଚ

ନ୍ୟାୟ ପାଇଁ ଥାନା ଆଗରେ ଧାରଣା ଦେବେ ସରପଞ୍ଚ

ଫୋକସ ପ୍ଲସ 1/4/23(ବ୍ୟୁରୋ): ଆମେ କହୁଛୁ ଯାଜପୁର ଜିଲ୍ଲା ବ୍ରହ୍ମବରଦା ଥାନା ରାଉତରାୟପୁର ସରପଂଚ ସ୍ୱର୍ଣଲତା ସାହୁ ଙ୍କ କଥା। ଅଭିଯୋଗ ଅନୁଯାୟୀ ସରପଞ୍ଚ ସ୍ୱର୍ଣଲତା ସାହୁ ପଞ୍ଚାୟତ…
ପୂର୍ବ ବଚସାକୁ ନେଇ ଆକ୍ରମଣ

ପୂର୍ବ ବଚସାକୁ ନେଇ ଆକ୍ରମଣ

ଫୋକସ ପ୍ଲସ 31/3/23(ଆନନ୍ଦପୁର): ଆନନ୍ଦପୁର ଉପଖଣ୍ଡ ଘସିପୁରା ବ୍ଲକ ଅଧ୍ୟକ୍ଷା ସ୍ବାମୀ ଘରେ ପଶି ବୃଦ୍ଧାଙ୍କୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।…

Leave a Reply

Your email address will not be published. Required fields are marked *