ଜିଲ୍ଲା ପରିଷଦ ଓ ପଞ୍ଚାୟତ ସମିତି ଅଧ୍ୟକ୍ଷ ପଦକୁ ନେଇ ଅଙ୍କକଷା

ଜିଲ୍ଲା ପରିଷଦ ଓ ପଞ୍ଚାୟତ ସମିତି ଅଧ୍ୟକ୍ଷ ପଦକୁ ନେଇ ଅଙ୍କକଷା

ଅନୁଗୁଳ :ଅନୁଗୁଳ ଜିଲ୍ଲାରେ ଶେଷ ହୋଇଛି ଅନ୍ତିମ ପର୍ଯ୍ୟାୟ ମତଦାନ । ଏବେ ପ୍ରାର୍ଥୀଙ୍କ ଭାଗ୍ୟ ଭୋଟବାକ୍ସରେ ସିଲ୍ । ଜିଲ୍ଲାରେ ମତଦାନ କାର୍ଯ୍ୟ ଶେଷ ହୋଇ ଯାଇଥିବାରୁ ଏବେ ଜିଲ୍ଲା ପରିଷଦ ଅଧ୍ୟକ୍ଷ ଓ ପଞ୍ଚାୟତ ସମିତି ଅଧ୍ୟକ୍ଷ ପଦକୁ ନେଇ ଆରମ୍ଭ ହୋଇ ଯାଇଛି ସବୁଦଳ ମଧ୍ୟରେ ଅଙ୍କକଷା । ଅଧ୍ୟକ୍ଷ ପଦ ପାଇଁ ଆଶାୟୀ ଥିବା ବ୍ୟକ୍ତିମାନେ ବିଜୟ ଆଶା ଥିବା ପ୍ରାର୍ଥୀମାନଙ୍କୁ ଏବେ ଏକାଠି କରିବା ଆରମ୍ଭ କରି ଦେଇଛନ୍ତି । ଜିଲ୍ଲା ପରିଷଦ ପ୍ରାର୍ଥୀମାନେ ଦଳୀୟ ଚିହ୍ନରେ ଲଢୁ ଥିଲେ ବି କାଳେ କିଏ ଅପର ପକ୍ଷରୁ ଟଙ୍କା ନେଇ କ୍ରସ୍‌ଟିଂ କରିବ ସେଥ୍ପାଇଁ ଏବେଠାରୁ ଚାଲିଲାଣି ବିଜୟୀ ଆଶା ଥିବା ପ୍ରାର୍ଥୀଙ୍କୁ ଏକଜୁଟ କରିବା । ଅପରପକ୍ଷେ ସମିତି ସଭ୍ୟ ସଭ୍ୟା ପ୍ରାର୍ଥୀମାନେ ଦଳୀୟ ଚିହ୍ନରେ ଲଢ଼ୁ ନ ଥିଲେ ମଧ୍ୟ ବିଭିନ୍ନ ରାଜନୈତିକ ଦଳର ସମର୍ଥନରେ ନିର୍ବାଚନ ଲଢୁଥିଲେ । କିନ୍ତୁ ଦଳୀୟ ଚିହ୍ନ ନ ଥିବାରୁ ସେମାନଙ୍କୁ ନେଇ ଚାଲିଲାଣି ଘୋଡା ବେପାର । ନିର୍ବାଚନ ଫଳାଫଳ ଘୋଷଣା ହୋଇ ନ ଥିଲେ ମଧ୍ୟ ବିଜୟୀ ସମ୍ଭାବନା ଥିବା ସମିତି ସଭ୍ୟ ପ୍ରାର୍ଥୀମାନେ ଅନେକାଂଶରେ ନିଜ ଘରୁ ଉଦ୍ଭାନ ହୋଇ ଗଲେଣି । ଯେଉଁମାନଙ୍କ ଜିତିବା ସମ୍ଭାବନା ଅଧିକ ଅଛି ସେମାନଙ୍କୁ ଅଧ୍ୟକ୍ଷ ହେବାକୁ ଆଶା ରଖୁଥିବା ନେତାମାନେ ନେଇ ଜିଲ୍ଲା ବାହାରେ ଥିବା ବିଭିନ୍ନ ହୋଟେଲରେ ଅଜ୍ଞାତ ବାସରେ ରଖୁଲେଣି । ଏ ସମ୍ପର୍କରେ ଚା’ଦୋକାନଠାରୁ ଆରମ୍ଭ କରି ଗାଁ କ୍ଲବ ଘର ସବୁଠି ଏହି ଚର୍ଚ୍ଚା ଚାଲିଲାଣି । ଜିଲ୍ଲାର ୨୮ଟି ଜିଲ୍ଲା ପରିଷଦ ଜୋନ୍‌,୨୨୫ଟି ସରପଞ୍ଚ,୨୨୪ଟି ସମିତି ସଭ୍ୟ ଏବଂ ୩୦୨୭ଟି ୱାର୍ଡ ସଭ୍ୟ ପଦ ପାଇଁ ମତଦାନ ଶେଷ ହୋଇଛି । ସେମାନଙ୍କ ଭାଗ୍ୟ ଏବେ ବାଲାଟ୍‌ବାକ୍ସ ଭିତରେ ସିଲ ହୋଇଛି । ସେଗୁଡିକୁ କଡ଼ା ସୁରକ୍ଷା ମଧ୍ୟରେ ଷ୍ଟ୍ରଙ୍ଗ ରୁମରେ ରଖାଯାଇଛି । ଷ୍ଟ୍ରଙ୍ଗରୁମ୍ ବାହାରେ ସମସ୍ତ ଦଳୀୟ ଓ ନିର୍ଜଳୀୟଙ୍କ ସମର୍ଥକମାନେ ପହରା ଦେଉଥିବା ଦେଖିବାକୁ ମିଳୁଛି । କାଳେ ଭୋଟ୍‌ବାକ୍ସରେ କିଛି ହେରଫେର ହୋଇଯିବ ସେହି ଡର ଏବେ ସମସ୍ତଙ୍କୁ ଘାରିଛି । ଜିଲ୍ଲାରେ ଜିଲ୍ଲା ପରିଷଦ ଅଧ୍ୟକ୍ଷ ପଦ, ଉପାଧ୍ୟକ୍ଷ ପଦ ଏବଂ ଜିଲ୍ଲାରେ ଥୁବା ୮ଟି ପଞ୍ଚାୟତ ସମିତି ଅଧ୍ୟକ୍ଷ ଓ ଉପାଧ୍ୟକ୍ଷ ପାଇଁ ପରୋକ୍ଷ୍ୟ ନିର୍ବାଚନ ହେବ । ବିଶେଷ କରି ବିଜେଡି ଓ ବିଜେପି ଦଳର ଆଶାୟୀ ପ୍ରାର୍ଥୀମାନେ ଦଳୀୟ ବିଧାୟକ ଓ ସାଂସଦମାନଙ୍କ ପାଖରେ ଜୋରସୋର ଲବି ଆରମ୍ଭ କଲେଣି । ବହୁ ପୁରୁଖା ନେତା ଓ ନେତ୍ରୀ ଅଧ୍ୟକ୍ଷ ପଦ ଟିକେଟ ହାତେଇବାକୁ ଲବି କରିବାକୁ ଆରମ୍ଭ କଲେଣି । ନିର୍ବାଚନ ଫଳାଫଳ ଘୋଷଣାକୁ ଆହୁରି ସମୟ ବାକି ଅଛି; ମାତ୍ର ଆଜିଠାରୁ ସମିତି ସଭ୍ୟ ଓ ଜିଲ୍ଲା ପରିଷଦ ସଭ୍ୟଙ୍କୁ କିଣିବା ପାଇଁ ବହୁ ନେତା ଅଣ୍ଟା ଭିଜୁଥିବା ଦେଖିବାକୁ ମିଳୁଛି । ଅଧ୍ୟକ୍ଷ ଓ ଉପାଧ୍ୟକ୍ଷ ପଦର କ୍ଷମତା ହାତେଇବା ଲାଗି ବିଭିନ୍ନ ଆଶାୟୀମାନେ ଏବେ ଟଙ୍କା ଯୋଗାଡ କରୁଥିବା ଘଟଣା ଚାରିଆଡେ ଚର୍ଚ୍ଚା ହେଉଛି । ତେଣୁ ଅଗାମୀ ଦିନରେ କିଏ କେତେ ଘୋଡା ବେପାର କରି ରାଜ ସିଂହାସନ ହାସଲ କରି ପାରୁଛି ତାହା ଦେଖିବାକୁ ବାକି ରହିଲା ।

Related post

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ l

ସାଧାରଣ ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲାପାଳଙ୍କ ସାମ୍ବାଦିକ ସମ୍ବିଳନୀ…

କୋରାପୁଟ୧୭/୦୩/୨୦୨୪; ଏହି ନିର୍ବାଚନକୁ ସୁରୁଖୁରୁରେ ପରିଚାଳନା କରିବା ପାଇଁ ଜ଼ିଲ୍ଲା ପ୍ରଶାସନର ପୂର୍ବ ପ୍ରସ୍ତୁତିକୁ ନେଇ ସାମ୍ବାଦିକ ସମ୍ବିଳନୀ l ଓଡ଼ିଶାରେ ଲୋକସଭା ନିର୍ବାଚନ ସମେତ ଓଡିଶା ବିଧାନସଭା…
ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ଦୀର୍ଘ ତିନି ବର୍ଷର ସମସ୍ୟା ଓ ସଙ୍ଘର୍ଷର ଅନ୍ତ ଘଟିଲା।

ପାଟକୁରା୧୭/୦୩/୨୦୨୪; ପଦ୍ମପୁର ପଞ୍ଚାୟତର ବିଚଣା ଗ୍ରାମର ପାନୀୟ ଜଳର ଉତ୍କଟ ସମସ୍ୟାର ସମାଧାନ ପାଇଁ ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କ ପାଟକୁରା ଦାଇତ୍ୱ ତଥା ବେଦୁ ବାବୁଙ୍କର ଅଧୁରା ସ୍ୱପ୍ନକୁ…

ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି…

ଫୋକସ ପ୍ଲସ(breaking news୧୭/୦୩/୨୦୨୪); 1. ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଇଡିର ଫୁଣି ସମାନ | ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଅବକାରୀ ଦୁର୍ନୀତି ମାମଲାରେ…

Leave a Reply

Your email address will not be published. Required fields are marked *