ଐତିହାସିକ ମହାବିଜୟ ଆଡକୁ ଅଗ୍ରସର ବିଜେଡ଼ି : ପ୍ରଥମ ଦିନରେ ଅନୁଗୁଳ ଜିଲ୍ଲାରେ ୭ ଆସନରେ ବିଜେଡି ଆଗୁଆ

ଐତିହାସିକ ମହାବିଜୟ ଆଡକୁ ଅଗ୍ରସର ବିଜେଡ଼ି : ପ୍ରଥମ ଦିନରେ ଅନୁଗୁଳ ଜିଲ୍ଲାରେ ୭ ଆସନରେ ବିଜେଡି ଆଗୁଆ

ଅନୁଗୁଳ : ଆରମ୍ଭ ହୋଇଛି ପଞ୍ଚାୟତ ଭୋଟ ଗଣତି । ଆଉ ଆରମ୍ଭରୁ କ୍ଷମତା ଦଖଲ ପାଇଁ ବିଜେଡି ଓ ବିଜେପି ମଧ୍ୟରେ କଡ଼ା ମୁକାବିଲା ଦେଖିବାକୁ ମିଳିଛି । ପ୍ରାରମ୍ଭିକ ରିପୋର୍ଟ ଅନୁସାରେ ଅନୁଗୁଳ ଜିଲ୍ଲାରେ ବିଜେଡି ୫ ଟି ଓ ବିଜେପି ୩ ଟି ଲେଖାଏଁ ଆସନରେ ଆଗୁଆ ରହିଛି । ।ଆଜି ସକାଳ ୮ଟାରେ ପଞ୍ଚାୟତ ଭୋଟ ଗଣତି ଆରମ୍ଭ ହୋଇଥିଲା । କଡ଼ା ସୁରକ୍ଷା ଭିତରେ ଆରମ୍ଭ ହୋଇଥିବା ଏହି ଗଣତିରେ ପ୍ରଥମେ ୱାର୍ଡ ମେମ୍ବର ପାଇଁ ଭୋଟ ଗଣତି କରାଯାଇଥିଲା । ପରେ ସରପଞ୍ଚ, ସମିତି ସଭ୍ୟ ଓ ଜିଲ୍ଲା ପରିଷଦ ପ୍ରାର୍ଥୀଙ୍କ ଭୋଟ ଗଣନା କରାଯାଇଥିଲା । ତେଣୁ ଫଳାଫଳ ଆସିବାରେ ବିଳମ୍ବ ହୋଇଥିଲା । ଅନୁଗୁଳ ୧ ନମ୍ବର ଜିଲ୍ଲା ପରିଷଦ ଜୋନରେ ଆରମ୍ଭରୁ ବିଜେଡି ଆଗୁଆ ରହିଥିଲା । ଚତୁର୍ଥ ରାଉଣ୍ଡ ଗଣତି ସୁଦ୍ଧା ଏହି ଜୋନରେ ବିଜେଡି ପ୍ରାର୍ଥୀ କାଜଲ ପଟ୍ଟନାୟକ ୧୯୩୪ ଖଣ୍ଡ ଭୋଟରେ ଆଗୁଆ ଅଛନ୍ତି । ତାଳଚେର ବ୍ଳକର ୧୮ ନମ୍ବର ଜୋନରେ ବିଜେଡି ଆଗୁଆ ରହିଛି । ଚତୁର୍ଥ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ଅମୀୟ ପ୍ରଧାନ ୭୪୦ ଖଣ୍ଡ ଭୋଟ ରେ ବିଜେପି ପ୍ରାର୍ଥୀ ହିମାଂଶୁ ଶେଖର ସାହୁଙ୍କ ଠାରୁ ଆଗୁଆ ଅଛନ୍ତି । କଣିହାଁ ବ୍ଳକ ୮ ନମ୍ବର ଜିଲ୍ଲା ପରିଷଦ ଜୋନରେ ବିଜେଡି ପ୍ରାର୍ଥୀ ରଶ୍ମିତା ସେଠୀ ୩୫୮ଖଣ୍ଡ ଭୋଟରେ ବିଜେପି ପ୍ରାର୍ଥୀ ଚନ୍ଦନ ସ୍ୱରାଜଙ୍କ ପାଖରୁ ଆଗୁଆ ଅଛନ୍ତି । ବଅଁରପାଳ ବ୍ଳକ ୨୫ ନମ୍ବର ଜୋନରେ ବିଜେଡି ପ୍ରାର୍ଥୀ୪୨୩ ଖଣ୍ଡ ଭୋଟରେ ଆଗରେ ଅଛନ୍ତି । ଆଠମଲ୍ଲିକ ୫ ନମ୍ବର ଜୋନରେ ବିଜେଡି ଆଗୁଆ ରହିଛି । ଛେଣ୍ଡିପଦା ବ୍ଲକର ୧୪ ନମ୍ବର ଜିଲ୍ଲା ପରିଷଦ ଜୋନରେ ବିଜେଡି ପ୍ରାର୍ଥୀ ନଗେନ୍ଦ୍ର କୁମାର ପ୍ରଧାନ ବିଜେପି ପ୍ରାର୍ଥୀ ଅଖିଳ କୁମାର ଗଡ଼ନାୟକ ଙ୍କଠାରୁ ଚତୁର୍ଥ ରାଉଣ୍ଡ ସୁଦ୍ଧା ୭୪ ଖଣ୍ଡ ଭୋଟରେ ଆଗୁଆ ଅଛନ୍ତି । ପାଳଲହଡ଼ାରେ ୨୨ ନମ୍ବରେ ଜୋନରେ ବିଜେଡି ଆଗରେ ରହିଛି । ସେହିପରି କିଶୋରନଗର ବ୍ଳକ ୧୧ ନମ୍ବର ଜୋନରେ ବିଜେପି ଆଗୁଆ ଅଛି ।

Related post

ସ୍ତ୍ରୀ କୁ ହତ୍ୟା ତାପରେ  ସ୍ୱାମୀ ଆତ୍ମହତ୍ୟା

ସ୍ତ୍ରୀ କୁ ହତ୍ୟା ତାପରେ ସ୍ୱାମୀ ଆତ୍ମହତ୍ୟା

ଫୋକସପ୍ଲସ 30/05/23(ଧାମନଗର) ଚାଞ୍ଚଲ୍ୟ କର ହତ୍ୟା ନିଜ ସ୍ତ୍ରୀ କୁ ପ୍ରଥମେ ହତ୍ୟା ତାପରେ ସ୍ୱାମୀ କରିଲା ଆତ୍ମହତ୍ୟା ! ଧାରୁଆ କଟୁରୀ ରେ ହାଣି ହତ୍ୟା କରିବା…
କାହିଁକି ଏମିତି କହିଲେ ବାଗେଶ୍ୱର ବାବା ?

କାହିଁକି ଏମିତି କହିଲେ ବାଗେଶ୍ୱର ବାବା ?

  ଫୋକସପ୍ଲସ 29/05/2023(ଅହମଦାବାଦ) କାହଁକି ଏମିତି କହିଲେ ବାଗେଶ୍ୱର ବାବା? ପଣ୍ଡିତ ଧିରେନ୍ଦ୍ର ଶାସ୍ତ୍ରୀ ତାଙ୍କ ବିବୃତ୍ତି ନେଇ ପ୍ରାୟତଃ ସବୁବେଳେ ହେଡ ଲାଇନରେ ରହିଥାନ୍ତି। , କିଛି…
ଦୈନିକ ସଂକ୍ରମଣ ୪ ଶହ ତଳକୁ

ଦୈନିକ ସଂକ୍ରମଣ ୪ ଶହ ତଳକୁ

ଫୋକସପ୍ଲସ 29/05/2023(ନୂଆଦିଲ୍ଲୀ) ବର୍ତମାନ କରୋନା ମହାମାରୀ ସଂକ୍ରମଣ ଥମିବାରେ ଲାଗିଛି। କରୋନା ସଂକ୍ରମଣ ଦିନେ କମିଲେ ପୁଣି ବଢ଼ିବାରେ ଲାଗିଛି। ଭାରତୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଦେଶରେ ଦୈନିକ…

Leave a Reply

Your email address will not be published. Required fields are marked *