ନର୍ଲାରୁ ଶୁଭିଲା ଶଙ୍ଖ ନାଦ: ଦ୍ୱିତୀୟ ଥର ପାଇଁ ନର୍ଲା ବ୍ଲକ ଅଧ୍ୟକ୍ଷା ହେଲେ ମନୋରମା ମହାନ୍ତି

ନର୍ଲାରୁ ଶୁଭିଲା ଶଙ୍ଖ ନାଦ: ଦ୍ୱିତୀୟ ଥର ପାଇଁ ନର୍ଲା ବ୍ଲକ ଅଧ୍ୟକ୍ଷା ହେଲେ ମନୋରମା ମହାନ୍ତି

ନର୍ଲା:/୧୩/୦୩:-(ରଞ୍ଜନ କୁମାର ମହାନ୍ତି) ନର୍ଲାରେ ନିନାଦିତ ହୋଇଛି ଶଙ୍ଖ । ସମସ୍ତ କଳ୍ପନାଜଳ୍ପନାର ଅବସାନ ଘଟାଇ ଲଗାତାର ଦ୍ୱିତୀୟ ଥର ପାଇଁ ନର୍ଲା ବ୍ଲକ ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି ବିଜେଡିର ତୁଙ୍ଗ ନେତ୍ରୀ ମନୋରମା ମହାନ୍ତି । ଆଜି ସକାଳ ୧୦.୩୦ ସମୟରେ ନର୍ଲା ବ୍ଲକ୍ ଅଧ୍ୟକ୍ଷା ନିର୍ବାଚନ ପ୍ରକ୍ରିୟା ଆରମ୍ଭ ହୋଇଥିଲା । ଭବାନୀପାଟଣା ବିଡ଼ିଓ ବିନୟ ଭୋଇ ନିର୍ବାଚନ ଅଧିକାରୀ ଭାବେ ନିର୍ବାଚନ ପରିଚାଳନା କରିଥିଲେ । ନିର୍ବାଚନ ପରିଚାଳନାରେ ତାଙ୍କୁ ନର୍ଲା ଜିପିଓ କ୍ଷୀତିଶ ଚନ୍ଦ୍ର ନାଏକ ଓ ପିଇଓ ଜାଫେଦ ନାଗ ସହଯୋଗ କରିଥିଲେ । ବ୍ଲକ ଅଧ୍ୟକ୍ଷା ପଦବୀ ପାଇଁ କର୍ମେଗାଁ ସମିତି ସଭ୍ୟା ମନୋରମା ମହାନ୍ତି ଓ ମାଣ୍ଡେଲ ସମିତି ସଭ୍ୟା ସୀମନ୍ତିକା ଚାନ୍ଦ ନାମାଙ୍କନ ପତ୍ର ଦାଖଲ କରିଥିଲେ । ନର୍ଲା ବ୍ଲକର ୨୬ ଗୋଟି ଗ୍ରାମ ପଞ୍ଚାୟତର ୧୮ ଜଣ ସମିତି ସଦସ୍ୟ/ସଦସ୍ୟାଙ୍କ ସମର୍ଥନ ମନୋରମାଙ୍କ ପ୍ରତି ରହିଥିବାବେଳେ ସୀମାନ୍ତିକାଙ୍କ ପକ୍ଷରେ ମାତ୍ର ୮ଜଣ ସମିତି ସଭ୍ୟ/ସଭ୍ୟା ରହିଥିଲେ । ଶେଷରେ ମନୋରମାଙ୍କ ପଟରେ ଅଧିକ ଭୋଟ ଯାଇଥିବାରୁ ସେ ବିଜୟୀ ଘୋଷିତ ହୋଇଥିଲେ । ୨୦୧୭ରେ ମଧ୍ୟ ନର୍ଲା ବ୍ଲକ ଅଧ୍ୟକ୍ଷା ଭାବେ ମନୋରମା ମହାନ୍ତି ଓ ଉପାଧ୍ୟକ୍ଷ ଭାବେ ତାଙ୍କ ସ୍ବାମୀ ଦୁର୍ଗାପ୍ରସାଦ ମହାନ୍ତି (ମୁନ୍ନା) ଉପାଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ । ଏଥର ମନୋରମା ବ୍ଲକ ଅଧ୍ୟକ୍ଷା ନିର୍ବାଚିତ ହୋଇଥିବାବେଳେ ତାଙ୍କ ସ୍ବାମୀ ଦୁର୍ଗାପ୍ରସାଦ ମଧ୍ୟ ଉପାଧ୍ୟକ୍ଷ ହେବା ଏକ ପ୍ରକାର ନିଶ୍ଚିତ ହୋଇଥିବା ବିସ୍ବସ୍ଥ ସୁତ୍ରରୁ ଜଣାପଡିଛି । ଅନ୍ୟପକ୍ଷରେ ମନୋରମା ମହାନ୍ତିଙ୍କୁ ବ୍ଲକ ଅଧ୍ୟକ୍ଷା କରାଇନଦେବା ପାଇଁ ବିଜେଡିରେ ନୂତନ ଭାବରେ ଯୋଗଦେଇଥିବା ସମସ୍ତ କର୍ମୀ ଏକାକାର ହୋଇ ଚକ୍ରାନ୍ତ କରିଥିବା ଚର୍ଚ୍ଚା ହେଉଥିଲା । ଏପଟେ ନର୍ଲା ବିଧାୟକ ଭୁପିନ୍ଦର ସିଂ ମଧ୍ୟ ମହାନ୍ତି ଦମ୍ପତ୍ତିଙ୍କ ଦବଦବାକୁ ସହ୍ୟ କରିପାରୁନଥିବା ଆଲୋଚନା ହେଉଥିବା ବେଳେ ଭବାନୀପାଟଣାର ଦୁଇ ଜଣ କୁଜି ନେତା ମହାନ୍ତି ଦମ୍ପତ୍ତିଙ୍କ ବିରୋଧରେ କୁଟ ଚକ୍ରାନ୍ତ ଚଲାଇ ଥିଲେ । ତେବେ ଗୃହଭେଦୀଙ୍କ ହିନ ରାଜନୀତି କିଛି କାମ କଲାନାହିଁ । ପୁଣିଥରେ ନର୍ଲା ବ୍ଲକ ଅଧ୍ୟକ୍ଷା ଭାବେ ମନୋନୀତ ହୋଇ ନିଜର ଲୋକପ୍ରିୟତାର ପ୍ରମାଣ ଦେଇଛନ୍ତି ।

Related post

ପୋଲ ନିର୍ମାଣରେ ବିଳମ୍ବ ନେଇ ଅଞ୍ଚଳରେ ତୀବ୍ର ପ୍ରତିବାଦ

ପୋଲ ନିର୍ମାଣରେ ବିଳମ୍ବ ନେଇ ଅଞ୍ଚଳରେ ତୀବ୍ର ପ୍ରତିବାଦ

ଫୋକସ ପ୍ଲସ(ବରଗଡ଼): ବରଗଡ଼ ସହରରୁ ଅମ୍ବାପାଲିକୁ ସଂଯୋଗ କରୁଥିବା ପୁରୁଣା ଜୀରାନଦୀ ପୋଲ ଭାଙ୍ଗି ନୂତନ ପୋଲ ନିର୍ମାଣ ଚାଲିଛି। ୨୦୧୮ରୁ ପୋଲ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା…
ମହିଳା ମହାବିଦ୍ୟାଳୟରେ ଅବସରକାଳୀନ ସଭା

ମହିଳା ମହାବିଦ୍ୟାଳୟରେ ଅବସରକାଳୀନ ସଭା

ଫୋକସ ପ୍ଲସ(ରାଇରଙ୍ଗପୁର): ରାଇରଙ୍ଗପୁର ମହିଳା ମହାବିଦ୍ୟାଳୟର ଓଡ଼ିଆ ବିଭାଗ ପ୍ରମୁଖ ପ୍ରାଧ୍ୟ୍ୟାପିକା ମୋନିକା ଦାସଙ୍କ ଅବସଳକାଳୀନ ସଭା ଅନୁଷ୍ଠିତ ହୋଇ ଯାଇଛି। 1987 ମସିହାରେ ଶୁଭାରମ୍ଭ ହୋଇ ଥିବା…
ପତ୍ନୀଙ୍କ ଫିଲ୍ମ ରିଲିଜ୍ ନେଇ ଭୁଲ ଟ୍ୱିଟ କଲେ ଅଭିଷେକ ବଚ୍ଚନ

ପତ୍ନୀଙ୍କ ଫିଲ୍ମ ରିଲିଜ୍ ନେଇ ଭୁଲ ଟ୍ୱିଟ କଲେ ଅଭିଷେକ ବଚ୍ଚନ

ଫୋକସ ପ୍ଲସ(ବ୍ୟୁରୋ): ସେପ୍ଟେମ୍ବର ୩୦ ଶୁକ୍ରବାର ଦିନ ଅଭିଷେକ ବଚ୍ଚନ ଟ୍ୱିଟରରେ ପତ୍ନୀ ଏଶ୍ୱର୍ଯ୍ୟାଙ୍କୁ ତାଙ୍କର ନୂତନ ଫିଲ୍ମ ରିଲିଜ୍ ପୋନିୟିନ୍ ସେଲଭାନ୍ ପାଇଁ ଶୁଭେଚ୍ଛା ଜଣାଇଛନ୍ତି। ସେ…

Leave a Reply

Your email address will not be published.