ଜଙ୍ଗଲ ନିଆଁକୁ ଆୟତ କଲା ଅଗ୍ନିଶମବାହିନୀ

ତାଳଚେର : ତାଳଚେର ବ୍ଲକ କଳମଛୁଇଁ ଗ୍ରାମସ୍ଥିତ ମଝିକା ସାହିରେ ଥିବା କେତେକ ବାଉଁଶ ବୁଦାରେ ଆଜି ମଧ୍ୟାହ୍ନରେ କେହି ଦୁବୃର୍ତ ନିଆଁ ଲଗାଇ ଦେଇଥିଲା । ଫଳରେ ବାଉଁଶବୁଦାଗୁଡିକ ଜୋର୍‌ରେ ଜଳିବା ସହ ଆଖପାଖ ଅଂଚଳରେ ଥିବା ଶତାଧିକ ଶାଗୁଆନ ଗଛଗୁଡିକରେ ମଧ୍ୟ ନିଆଁ ଲାଗିଯାଇଥିଲା । ଏହା ଦେଖି ସ୍ଥାନୀୟ ଗ୍ରାମବାସୀମାନେ ପାଣି ପକାଇ ନିଆଁ ଲିଭାଇବାକୁ ଚେଷ୍ଟା କରିଥିଲେ ମଧ୍ୟ ନିଆଁକୁ ଆୟତ କରାଯାଇ ପାରି ନଥିଲା । ଖବର ପାଇ ଅନୁଗୋଳ ଅଗ୍ନିଶମବାହିନୀ ଘଟଣାସ୍ଥଳରେ ପଂହଚି ନିଆଁକୁ ଆୟତ କରିଥିଲା । ଯାହା ଫଳରେ ବାଇଁଶ ଓ ଶାଗୁଆନ ଗଛଗୁଡିକ ଅଳ୍ପକେ ରକ୍ଷା ପାଇଯାଇଥିଲେ । ଏହି କାର୍ଯ୍ୟରେ ପ୍ରିୟବ୍ରତ ସ୍ୱାଇଁ,କୁନା ପ୍ରଧାନ,ହୀରାଲାଲ ସାହୁ, ଶୁଶାନ୍ତ କୁମାର ସ୍ୱାଇଁ,ସତ୍ୟସ୍ୱରୂପ ସ୍ୱାଇଁ,ଅଂଶୁମାନ ସ୍ୱାଇଁ,ଆୟୁଷ୍ମାନ୍ ସ୍ୱାଇଁଙ୍କ ସମେତ ମଝିକା ଗ୍ରାମବାସୀ ସହଯୋଗ କରିଥିଲେ ।