ଖାଉଟିଙ୍କୁ ମହଙ୍ଗାମାଡ଼ ବଢିଲା ମ୍ୟାଗି-ଚା-କଫି ଦାମ୍

ଖାଉଟିଙ୍କୁ ମହଙ୍ଗାମାଡ଼ ବଢିଲା ମ୍ୟାଗି-ଚା-କଫି ଦାମ୍

ବିଭିନ୍ନ ନିତ୍ୟ ବ୍ୟବହାର‌୍ୟ୍ୟ ସମଗ୍ରୀ ଦର ବୃଦ୍ଧି ଯୋଗୁଁ ଅସ୍ତବ୍ୟସ୍ତ ହୋଇଗଲେଣି ଖାଉଟି। ଦିନକୁ ଦିନ ଖାଦ୍ୟ ସାମଗ୍ରୀର ଦରଦାମ ବଢୁଥିବା ବେଳେ ଏବେ ବଢିଲା ମ୍ୟାଗି, ଚା\’ ଓ କଫିର ଦାମ୍ । ଏଣିକି ୧୨ ଟଙ୍କିଆ ମ୍ୟାଗି ପ୍ୟାକେଟ୍ କିଣିବା ପାଇଁ ଆପଣ ଦେବାକୁ ପଡିବ ଅଧିକ ଟଙ୍କା ।

ମହଙ୍ଗା ମାଡ ସହ ଜୁଝୁଥିବା ଖାଉଟିଙ୍କୁ ଆଉ ଏକ ଝଟ୍‌କା । ବଢିଲା ମ୍ୟାଗି, ଚା\’ ଓ କଫିର ଦାମ୍ । ଏଣିକି ୧୨ ଟଙ୍କିଆ ମ୍ୟାଗି ପ୍ୟାକେଟ୍ କିଣିବା ପାଇଁ ଆପଣ ଦେବାକୁ ପଡିବ ଅଧିକ ଟଙ୍କା । ନେସଲେ ଏବଂ ହିନ୍ଦୁସ୍ଥାନ ୟୁନିଲିଭର ଲିମିଟେଡ କିଛି ଖାଉଟି ସାମଗ୍ରୀର ଦାମ୍ ବୃଦ୍ଧି କରିଛନ୍ତି । ନୂଆ ଦର ଅନୁସାରେ, ମସାଲା ନୁଡୁଲ୍ସର ୭୦ ଗ୍ରାମ୍ ପ୍ୟାକେଟ୍ ମୂଲ୍ୟ ଏବେ ୧୨ ଟଙ୍କା ବଦଳରେ ୧୪ ଟଙ୍କାରେ ମିଳିବ । ଅର୍ଥାତ୍ ମ୍ୟାଗି ମୂଲ୍ୟ ୨ ଟଙ୍କା ବୃଦ୍ଧି ପାଇଛି ।

ସେହିପରି ୧୪୦ ଗ୍ରାମ୍ ପ୍ୟାକେଟ୍ ଦାମ୍ ୩ ଟଙ୍କା ବଢିଥିବାବେଳେ ୫୬୦ ଗ୍ରାମ୍ ପ୍ୟାକେଟ୍ ଦରରେ ୯.୪ ପ୍ରତିଶତ ବୃଦ୍ଧି ଘଟିଛି । ଯାହାପରେ ଏହି ପ୍ୟାକେଟ୍ ମୂଲ୍ୟ ୯୬ ଟଙ୍କାରୁ ୧୦୫ ଟଙ୍କା ହୋଇଯାଇଛି । ଏହା ବ୍ୟତୀତ ଚା\’ ଏବଂ କଫି ମଧ୍ୟ ମହଙ୍ଗା ହୋଇଛି । ବ୍ରୁ ଦର ୩ରୁ ୭ ପ୍ରତିଶତ ବଢିଥିବା ବେଳେ ବ୍ରୁ ଗୋଲ୍ଡ ଦାମ୍ ୩ରୁ ୪ ପ୍ରତିଶତ ବୃଦ୍ଧି ପାଇଛି ।

ଇଷ୍ଟାଣ୍ଚ କଫି ପ୍ୟାକେଟ୍ ଦାମ ୩ ପ୍ରତିଶତରୁ ୬.୬୬ ପ୍ରତିଶତ ବୃଦ୍ଧି ପାଇଛି । ଏହାବ୍ୟତୀତ ତାଜମହଲ ଚା\’ ଦାମ୍ ୩.୭ ପ୍ରତିଶତରୁ ୫.୮ ପ୍ରତିଶତ ଯାଏଁ ବଢିଛି । ସେହିପରି ବ୍ରୁକ ବ୍ରାଣ୍ଡ ଚା\’ ୧.୫ ପ୍ରତିଶତରୁ ୧୪ ପ୍ରତିଶତ ଯାଏଁ ମହଙ୍ଗା ହୋଇଛି । ଉତ୍ପାଦନ ବ୍ୟୟ ବଢିବା ଯୋଗୁଁ ଦାମ୍ ବୃଦ୍ଧି ପାଇଁ ନିଷ୍ପତ୍ତି ନିଆଯାଇଥିବା କମ୍ପାନୀ ପକ୍ଷରୁ କୁହାଯାଇଛି ।

Related post

ପୋଲ ନିର୍ମାଣରେ ବିଳମ୍ବ ନେଇ ଅଞ୍ଚଳରେ ତୀବ୍ର ପ୍ରତିବାଦ

ପୋଲ ନିର୍ମାଣରେ ବିଳମ୍ବ ନେଇ ଅଞ୍ଚଳରେ ତୀବ୍ର ପ୍ରତିବାଦ

ଫୋକସ ପ୍ଲସ(ବରଗଡ଼): ବରଗଡ଼ ସହରରୁ ଅମ୍ବାପାଲିକୁ ସଂଯୋଗ କରୁଥିବା ପୁରୁଣା ଜୀରାନଦୀ ପୋଲ ଭାଙ୍ଗି ନୂତନ ପୋଲ ନିର୍ମାଣ ଚାଲିଛି। ୨୦୧୮ରୁ ପୋଲ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା…
ମହିଳା ମହାବିଦ୍ୟାଳୟରେ ଅବସରକାଳୀନ ସଭା

ମହିଳା ମହାବିଦ୍ୟାଳୟରେ ଅବସରକାଳୀନ ସଭା

ଫୋକସ ପ୍ଲସ(ରାଇରଙ୍ଗପୁର): ରାଇରଙ୍ଗପୁର ମହିଳା ମହାବିଦ୍ୟାଳୟର ଓଡ଼ିଆ ବିଭାଗ ପ୍ରମୁଖ ପ୍ରାଧ୍ୟ୍ୟାପିକା ମୋନିକା ଦାସଙ୍କ ଅବସଳକାଳୀନ ସଭା ଅନୁଷ୍ଠିତ ହୋଇ ଯାଇଛି। 1987 ମସିହାରେ ଶୁଭାରମ୍ଭ ହୋଇ ଥିବା…
ପତ୍ନୀଙ୍କ ଫିଲ୍ମ ରିଲିଜ୍ ନେଇ ଭୁଲ ଟ୍ୱିଟ କଲେ ଅଭିଷେକ ବଚ୍ଚନ

ପତ୍ନୀଙ୍କ ଫିଲ୍ମ ରିଲିଜ୍ ନେଇ ଭୁଲ ଟ୍ୱିଟ କଲେ ଅଭିଷେକ ବଚ୍ଚନ

ଫୋକସ ପ୍ଲସ(ବ୍ୟୁରୋ): ସେପ୍ଟେମ୍ବର ୩୦ ଶୁକ୍ରବାର ଦିନ ଅଭିଷେକ ବଚ୍ଚନ ଟ୍ୱିଟରରେ ପତ୍ନୀ ଏଶ୍ୱର୍ଯ୍ୟାଙ୍କୁ ତାଙ୍କର ନୂତନ ଫିଲ୍ମ ରିଲିଜ୍ ପୋନିୟିନ୍ ସେଲଭାନ୍ ପାଇଁ ଶୁଭେଚ୍ଛା ଜଣାଇଛନ୍ତି। ସେ…

Leave a Reply

Your email address will not be published.