ପୁଅ ସହ ପରିବାରକୁ ନିଆଁ ଲଗାଇ ହତ୍ୟା କଲା ବାପା !

ଜମିବାଡି ବିବାଦକୁ କେନ୍ଦ୍ର କରି ଜନ୍ମକଲା ବାପା ନିଜ ପୁଅ, ବୋହୂ ଏବଂ ନାତି ନାତୁଣୀଙ୍କୁ ନିଆଁ ଲଗାଇ କଲା ହତ୍ୟା । ପୁଅକୁ ପେଟ୍ରୋଲ ପକାଇ ଜାଳିଲା ବାପା । କେବଳ ପୁଅ ନୁହେଁ ବରଂ ପୁରା ପରିବାରକୁ ଜଣେ ବୃଦ୍ଧ ବାପା ନିଆଁ ଲଗାଇ ହତ୍ୟା କରିଥିବା । ସୂଚନା ମୁତାବକ ଆଜି(ଶନିବାର) କେରଳ ଥୋଡୁପୁଜହା ଅଞ୍ଚଳରେ ଏହି ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି । ମୃତକ ହେଉଛନ୍ତି ମହମ୍ମଦ ଫୈଜଲ, ତାଙ୍କ ପତ୍ନୀ ଶୀବା ଏବଂ ଦୁଇ ସନ୍ତାନ । ଜମିବାଡି ବିବାଦକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିଥିବା କୁହାଯାଉଛି ଏବଂ ୭୯ ବର୍ଷୀୟ ହତ୍ୟାକାରୀ ପିତା ହମିଦକୁ ପୋଲିସ ଗିରଫ କରିଥିବା ପୋଲିସ ସୂଚନାରୁ ଜଣାପଡିଛି।

ସୂଚନା ଅନୁଯାୟୀ, ଫୈଜଲ ଏବଂ ପୁରା ପରିବାର ଶୋଇଥିବା ସମୟରେ ହମିଦ୍ ସେମାନଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଏପରିକି ଯେପରି ନିଆଁ ନ ଲିଭିବ ସେଥିପାଇଁ ପୂର୍ବରୁ ସେ ଘର ପାଣିଟାଙ୍କିରୁ ସବୁ ପାଣି ବାହାର କରିଦେଇଥିଲେ । ହତ୍ୟା କରିବା ପରେ ହମିଦ ସ୍ଥାନୀୟ ଏକ ସମ୍ପର୍କୀୟଙ୍କ ଘରକୁ ଚାଲି ଯାଇଥିଲେ । ସେଠାରୁ ପୋଲିସ ତାଙ୍କୁ ଗିରଫ କରିଛି । ପାରିବାରିକ କହଳକୁ କେନ୍ଦ୍ର କରି ୭୯ ବର୍ଷୀୟ ପିତା ଜଣକ ଏପରି ବର୍ବର କାଣ୍ଡ ଘଟାଇଛନ୍ତି ।

ପୋଲିସ କହିବାନୁଯାୟୀ, ଗତ କିଛି ବର୍ଷ ହେଲା ଫୈଜଲ ଏବଂ ତାଙ୍କ ପିତା ହମିଦ ଅଲଗା ରହିଆସୁଥିଲେ । କିଛି ବର୍ଷ ତଳେ ବାପା ହମିଦ୍ ପୁଅ ଫୈଜଲକୁ ୫୦ ପ୍ରତିଶତ ଜମି ଦେଇ ନିଜେ ଅନ୍ୟତ୍ର ରହୁଥିଲେ । ହେଲେ ୨୦୧୮ରେ ସେ ପୁଣି ପୁଅ ପାଖକୁ ଫେରିଆସି ତାଙ୍କ ଠାରୁ ସେହି ଜମି ଫେରାଇ ଦେବାକୁ ଦାବି କରିଥିଲେ । କିନ୍ତୁ ଏଥିରେ ଫୈଜଲ ରାଜି ହୋଇନଥିଲେ । ଏହି ଘଟଣାକୁ ନେଇ ଦୁହିଁଙ୍କ ମଧ୍ୟରେ ବିବାଦ ଚାଲିଥିଲା ଏବଂ ଏଥିପାଇଁ ହିଁ ବୃଦ୍ଧ ପିତା ପୁରା ପରିବାରକୁ ହତ୍ୟା କରିଥିବା କୁହାଯାଉଛି ।