ସ୍କୁଲରେ ଆଶ୍ରୟ ନେଇଥିବା ୪୦୦ ଶରଣାର୍ଥୀଙ୍କ ଉପରେ ଋଷ ବୋମା ବର୍ଷା ନେଇ ୟୁକ୍ରେନର ଅଭିଯୋଗ I

ସ୍କୁଲରେ ଆଶ୍ରୟ ନେଇଥିବା ୪୦୦ ଶରଣାର୍ଥୀଙ୍କ ଉପରେ ଋଷ ବୋମା ବର୍ଷା ନେଇ ୟୁକ୍ରେନର ଅଭିଯୋଗ I

ୟୁକ୍ରେନର ପୋର୍ଟସିଟି ମାରିଓପୋଲରେ ଏକ ସ୍କୁଲରେ ଋଷ ସେନାର ଆକ୍ରମଣ ଅଭିଯୋଗ ଆସିଛି । ଉକ୍ତ ସ୍କୁଲରେ ପ୍ରାୟ ୪ଶହରୁ ଉର୍ଦ୍ଧ୍ବ ଶରଣାର୍ଥୀ ଆଶ୍ରୟ ନେଇଥିବା ଦାବି କାଲା ୟୁକ୍ରେନ । ହେଲେ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ ମୃତାହତଙ୍କ ସଂଖ୍ୟା ।

ଯୁଦ୍ଧଗ୍ରସ୍ତ ୟୁକ୍ରେନରେ ସାଧାରଣ ଲୋକେ ସହରରୁ ପଳାୟନ କରି ଆଶ୍ରୟସ୍ଥଳୀରେ ଆଶ୍ରୟ ନେଉଥିବାବେଳେ ସେଠାରେ ମଧ୍ୟ ଆକ୍ରମଣରୁ ବର୍ତ୍ତିନାହାନ୍ତି । ଆଜି ୟୁକ୍ରେନର ପୋର୍ଟସିଟି ମାରିଓପୋଲରେ ଥିବା ଏକ ସ୍କୁଲରେ ଋଷ ସେନା ଆକ୍ରମଣ କରିଥିବା ଅଭିଯୋଗ କରିଛି ୟୁକ୍ରେନ । ଉକ୍ତ ସ୍କୁଲକୁ ଆଶ୍ରୟସ୍ଥଳୀ ଭାବେ ବ୍ୟବହାର କରାଯାଉଥିଲା ଏବଂ ସେଠାରେ ପ୍ରାୟ ୪ ଶହରୁ ଊର୍ଦ୍ଧ୍ବ ଶରଣାର୍ଥୀ ଥିବା ନେଇ ମଧ୍ୟ ୟୁକ୍ରେନ ପକ୍ଷରୁ ଦାବି କରାଯାଇଛି । ଏହା ଋଷ ଦ୍ବାରା ଯୁଦ୍ଧ ଅପରାଧ ବୋଲି କହି ନିନ୍ଦା କରିଛନ୍ତି ୟୁକ୍ରେନ ରାଷ୍ଟ୍ରପତି ଜେଲେନସ୍କି ।

ତେବେ ମିଳିଥିବା ସୂଚନା ଅନୁସାରେ ଉକ୍ତ ସ୍କୁଲଟି କ୍ଷତିଗ୍ରସ୍ତ ହୋଇଥିବାବେଳେ ସେଠାରେ ଥିବା ଶରଣାର୍ଥୀଙ୍କ ମୃତାହତ ନେଇ ସୂଚନା ମିଳିପାରିନାହିଁ । ଗତ ଦୁଇ ଦିନ ତଳେ ମଧ୍ୟ ସମାନ ଅଭିଯୋଗ କରିଥିଲା ୟୁକ୍ରେନ । ମାରିଓପୋଲର ଏକ ଥିଏଟରରରେ ଶରଣାର୍ଥୀ ଆଶ୍ରୟ ନେଇଥିବା ବେଳେ ସେଠାରେ ଋଷ ପକ୍ଷରୁ ବୋମାବର୍ଷଣ ହୋଇଥିଲା । ଏଥିରେ ଏକାଧିକ ସାଧାରଣ ଜନତା ମଧ୍ୟ ପ୍ରାଣ ହରାଇଥିବା ସ୍ଥାନୀୟ ପ୍ରଶାସନ କହିଥିଲା ।

ଜେଲେନସ୍କି ଏକ ଭିଡିଓ ବାର୍ତ୍ତାରେ ଋଷ ସେନାର ଏପରି ଆକ୍ରମଣକୁ ଓ୍ବାର କ୍ରାଇମ ବୋଲି ଅବିହିତ କରିବା ସହ ମାନବାଧିକାରର ହତ୍ୟା ବୋଲି କହିଛନ୍ତି । ଗତ ୩ ସପ୍ତାହ ମଧ୍ୟରେ ଋଷ ଫୋର୍ସ ସାଧାରଣ ପ୍ରତିଷ୍ଠାନ ଓ ଜନତାଙ୍କୁ ହତ୍ୟା କରିବାରେ ଲାଗିଛି ବୋଲି କହିଥିଲେ ଜେଲେନସ୍କି । ଅନ୍ୟପଟେ ଋଷ କୌଣସି ଅଣସାମରିକ ପ୍ରତିଷ୍ଠାନ ତଥା ସାଧାରଣ ଜନତାଙ୍କୁ ଟାର୍ଗେଟ କରାଯାଉନାହିଁ ବୋଲି କହିବା ସହ ଯୁଦ୍ଧା ଜାରି ରଖିଛି । ଜାତିସଂଘ ସମତେ ଅନ୍ତର୍ଜାତୀୟ ନ୍ୟାୟ ଅଦାଲତ ମଧ୍ୟ ଯୁଦ୍ଧ ବନ୍ଦ ପାଇଁ ଋଷକୁ କହିସାରି ଥିବାବେଳେ ସମସ୍ତ ଅନ୍ତର୍ଜାତୀୟ ନିର୍ଦ୍ଦେଶକୁ ଭ୍ରୁକ୍ଷେପ ନକରି ଯୁଦ୍ଧ ଜାରି ରଖିଛନ୍ତି ଋଷ ରାଷ୍ଟ୍ରପତି ପୁଟିନ ।

Related post

ଟିକିରି ମୁଖ୍ୟ ରାସ୍ତାରେ ସଡ଼କ ସୁରକ୍ଷା ସପ୍ତାହ କାର୍ଯକ୍ରମ I

ଟିକିରି ମୁଖ୍ୟ ରାସ୍ତାରେ ସଡ଼କ ସୁରକ୍ଷା ସପ୍ତାହ କାର୍ଯକ୍ରମ I

ଫୋକସ ପ୍ଲସ ୨୮/୧/୨୩(ବରଗଡ଼): ରାୟଗଡ଼ା ଜିଲ୍ଲା କାଶିପୁର ବ୍ଲକ ଟିକିରି ସ୍ଥିତ‌ ଜଗନ୍ନାଥ ମନ୍ଦିର ଠାରୁ ଗୋକୁଳମୁଣ୍ଡା ହାଟ ପଦା ପର୍ଯନ୍ତ ଏକ ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ…
ଝୁଲନ୍ତା ଅବସ୍ଥାରେ ଦମ୍ପତିଙ୍କ ମୃତଦେହ ଉଦ୍ଧାର

ଝୁଲନ୍ତା ଅବସ୍ଥାରେ ଦମ୍ପତିଙ୍କ ମୃତଦେହ ଉଦ୍ଧାର

ଫୋକସ ପ୍ଲସ ୨୮/୧/୨୩(ବରଗଡ଼):ବନ୍ଦ ଘରୁ ଝୁଲନ୍ତା ଅବସ୍ଥାରେ ଦମ୍ପତିଙ୍କ ମୃତଦେହ ଉଦ୍ଧାର । ଏକ ମାତ୍ର ଝିଅର ହତ୍ୟା ପରେ ଉଜୁଡ଼ି ଯାଇଥିଲା ସୁନାର ସଂସାର। ଝିଅକୁ ସବୁବେଳେ…
ଶାହରୁଖଙ୍କ ପ୍ରେମରେ ଉର୍ଫି

ଶାହରୁଖଙ୍କ ପ୍ରେମରେ ଉର୍ଫି

ଫୋକସ ପ୍ଲସ ୨୮/୧/୨୩(ବ୍ୟୁରୋ): ନିଜର ଆଉଟ ଫିଟକୁ ନେଇ ସବୁବେଳେ ଚର୍ଚ୍ଚାରେ ଥାନ୍ତି ଉର୍ଫି ଯାଭେଦ । କାରଣ ସବୁବେଳେ ଭିନ୍ନ ଧରଣର ପୋଷାକ ପିନ୍ଧି ଲୋକଙ୍କ ସାମ୍ନାକୁ…

Leave a Reply

Your email address will not be published.