ଜଙ୍ଗଲୀ ହରିଣ

ଜଙ୍ଗଲୀ ହରିଣ

ଦୁଇଟି ହରିଣ ଛୁଆ ଥିଲେ l ସେମାନେ ଥିଲେ ଭାରି ବନ୍ଧୁ l ଏକାସାଙ୍ଗରେ ଡିଆଁଡେଇଁ କରୁଥିଲେ l କିନ୍ତୁ ଦିନେ ଜଣେ ଲୋକ ଗୋଟିଏ ଛୁଆ କୁ ସହର କୁ ନେଇଗଲା l
ଯେଉଁ ଛୁଆଟି ସହର କୁ ଗଲା ସେ ଖୁବ ଶୀଘ୍ର ବଣରେ ଜୀବନକୁ ଭୁଲିଗଲା l ଖାଇପିଇ ମୋଟା ହେଲା ,ଭାରି ଆଦର ପାଇ ରହିଲା l ତାର ପ୍ରକୃତି ବି ମଣିଷ ପରି କିଛିଟା ହୋଇଗଲା l ତାର ଚିକ୍କଣ ଓ ଡଉଲଡାଉଲ ଚେହେରା ଦେଖି ସମସ୍ତେ ତାକୁ ଗେଲ କରୁଥିଲେ l ତେଣୁ ସେ ଫୁଲି ଉଠୁଥିଲା l
ଥରେ ହଠାତ ସହରୀ ହରିଣ ର ମନେ ପଡିଗଲା ତାର ପିଲା ଦିନର ସାଥି କଥା l ସେ ମନେମନେ ଭାବିଲା -ସବୁ ଭାଗ୍ୟ ର କଥା l ମୁ କେତେ ଆଦର ପାଇ ଡଉଲଡାଉଲ ହୋଇ ବଢ଼ିଲି l ସେ କଣ କରୁଥିବ କେଜାଣି ? ଏମିତି ଭାବୁଭାବୁ ବି ତାର ଛାତି କୁଣ୍ଢେମୋଟ ହୋଇଗଲା l ସେ ସ୍ଥିର କଲା ତାର ପିଲାଦିନର ସାଥି ତାର ଚେହେରା ଦେଖେଇ ଆସିବ l
ଦିନେ ସୁଯୋଗ ଦେଖି ସେ ଘରୁ ବାହାରି ଜଙ୍ଗଲ କୁ ଚାଲିଗଲା l ଅନେକ ଦୂର ଭିତରକୁ ପଶିଲା ପରେ ସେ ତାର ସାଙ୍ଗ କୁ ବି ପାଇଲା l ଦୁହେଁ ଖୁସିରେ ବହେ ନାଚିଗଲେ l ତାପରେ ସହରୀ ହରିଣ ତା ସାଙ୍ଗଟିର ପତଳା ଦେହ ଓ କନକନ ଭାବ ଦେଖି ଭାରି ଦୁଃଖ କଲା ଓ କହିଲା -ଭାଇ ଭଲ ଜୀବନ କଣ ତାହା ତୁ ଜାଣିପାରିଲୁନାହିଁ l ଏମିତି ଡରି କନକନ ହୋଇ କେତେ ଜିଇବୁ ? ମୋତେ ଦେଖ l ମୁ କେମିତି ଆରାମରେ ଅଛି l
ଏଇ ସମୟରେ କିଛି ଶବ୍ଦ ଶୁଣି ସହରୀ ହରିଣ କହିଲା- ୟେ କାହା ଶବ୍ଦ? ଜଙ୍ଗଲୀ ତରକି ଯାଇ କହିଲା -ମାଙ୍କଡ କୁହାଟ l ସହରୀ ହସିହସି ଗଡିଯାଇ କହିଲା -ମାଙ୍କଡ କୁହାଟିକୁ ବି ଡରୁଚ ?
ସେ କଥା ନ ଶୁଣି ଜଙ୍ଗଲୀ ହରିଣ ଡିଆଁ ମାରି ପଳାଇ ଯାଉଯାଉ କହିଲା -ବାଘ ଦେଖିଲେ ଗଛ ଉପରୁ ମାଙ୍କଡ ଏମିତି ଡାକେ l ତୁ ଏବେ ପ୍ରାଣ ବଞ୍ଚେଇ ମୋ ପଛେ ପଛେ ଦୌଡ l ଏହା କହି ସେ ନିମିଷକେ ଭିତରେ ଜଙ୍ଗଲ ଭିତରେ ଅଦୃଶ୍ୟ ହୋଇଗଲା l ଡଉଲଡାଉଲ ହରିଣ କିଛି ଭାବିବା ଆଗରୁ ବାଘ ଆସିଯାଇଥିଲା l ସହରୀ ହରିଣ ଶେଷରେ ଭାବିଲା ,ହାୟ ,ଶତ୍ରୁ ଭିତରେ ରହି ସେ ଯାହା ଶିଖି ପାରିଲା , ବନ୍ଧୁ ମେଳଣରେ ରହି ମୁ ପାରିଲି ନାହିଁ l

Related post

ଅଙ୍ଗନବାଡ଼ି କର୍ମୀଙ୍କ ଛତୁଆ ଗାଡ଼ି ଅଟକାଇ ପ୍ରତିବାଦ ।

ଅଙ୍ଗନବାଡ଼ି କର୍ମୀଙ୍କ ଛତୁଆ ଗାଡ଼ି ଅଟକାଇ ପ୍ରତିବାଦ ।

ଫୋକସ ପ୍ଲସ ୨/୧୨/୨୦୨୨( ରାୟଗଡ଼ା ):-  ଅଙ୍ଗନବାଡ଼ି କର୍ମୀଙ୍କ ଛତୁଆ ଗାଡି ଅଟକାଇ ପ୍ରତିବାଦ କରିଥିବା ଦେଖିବାକୁ ମିଳିଛି l ବିଡ଼ିଓଙ୍କ ଆଦେଶ କ୍ରମେ ୨ ସୁପରଭାଇଜର ରୀନା…
ବିରଳ ପ୍ରଜାତିର ଶାଗୁଣା ଉଦ୍ଧାର

ବିରଳ ପ୍ରଜାତିର ଶାଗୁଣା ଉଦ୍ଧାର

ଫୋକସ ପ୍ଲସ 2/12/22 ( ରସୁଲପୁର): ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ମହାକାଳପଡ଼ା ପଞ୍ଚାୟତ ନୀଳାପଦା ଗ୍ରାମ ନିକଟସ୍ଥ ନଦୀ ପଠାରୁ ଆଜି ଏକ ବିରଳ ଶାଗୁଣା…
ବଣେଇକୁ ଜିଲ୍ଲା ଘୋଷଣା ଦାବିରେ 6 ଘଣ୍ଟିଆ ବନ୍ଦ ଡାକରା ।

ବଣେଇକୁ ଜିଲ୍ଲା ଘୋଷଣା ଦାବିରେ 6 ଘଣ୍ଟିଆ ବନ୍ଦ ଡାକରା ।

ଫୋକସ ପ୍ଲସ 2/12/22 (ବଣାଇ):ସୁନ୍ଦରଗଡ ଜିଲ୍ଲା ବଣାଇକୁ ଜିଲ୍ଲା ଦାବି ରେ କ୍ରିୟାନୁଷ୍ଠାନ କମିଟିର 6 ଘଣ୍ଟିଆ ବନ୍ଦ ଡାକରା। ଆଜି ବଣାଇ ଜିଲ୍ଲା ଦାବି ରେ ବନ୍ଦ…

Leave a Reply

Your email address will not be published.