ଦୁନିଆରେ ସୂର୍ଯ୍ୟ ପାଇଁ ଦିନ ଓ ରାତି ମଧ୍ୟରେ ଫରକ୍ ଜଣାପଡୁଛି । ମଣିଷଙ୍କ ସମେତ ପଶୁପକ୍ଷୀ ଓ ଉଦ୍ଭିଦକୁ ଜୀବିତ ରଖିବା ପାଇଁ ଆଲୋକ ଦେଉଥିବା ସୂର୍ଯ୍ୟ । କିନ୍ତୁ ଆପଣ ଜାଣନ୍ତି କି, ଚୀନର ବୈଜ୍ଞାନିକମାନେ ଏକ କୃତ୍ରିମ ସୂର୍ଯ୍ୟ ନିର୍ମାଣ କରିଛନ୍ତି । ଏହି ସୂର୍ଯ୍ୟ ଅସଲି ସୂର୍ଯ୍ୟ ଭଳି ପ୍ରକାଶିତ ହେବ ।
ତେବେ ଚୀନ୍ ଯେଉଁ କୃତ୍ରିମ ସୂର୍ଯ୍ୟ ବିକଶିତ କରିଛି, ତାହା ପରମାଣୁ ଫ୍ୟୁଜନ ସାହାର୍ଯ୍ୟରେ 10 ଗୁଣା ଅଧିକ ସ୍ୱଚ୍ଛ ଆଲୋକ ଦେବାରେ ସକ୍ଷମ ରହିବ । ଏହି ସୂର୍ଯ୍ୟ 10ଟି ସୂର୍ଯ୍ୟର ଶକ୍ତି ସହ ସମାନ ହେବ ବୋଲି ବୈଜ୍ଞାନିକମାନେ ଦାବି କରିଛନ୍ତି ।
କୃତ୍ରିମ ସୂର୍ଯ୍ୟର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇଥିବା ବେଳେ 2020 ବେଳକୁ ଏହାର ସଞ୍ଚାଳନ ଆରମ୍ଭ ହୋଇପାରେ । ଏହି କୃତ୍ରିମ ସୂର୍ଯ୍ୟର ନାମ ଏଚଏଲ-2ଏମ ଥିବା ବେଳେ ସାଉଥ୍ ଇଣ୍ଟିଷ୍ଟ୍ୟୁଟ୍ ଅଫ୍ ଫିଜିକ୍ସ ସହ ମିଶି ଚୀନର ନେସନାଲ ନ୍ୟୁକ୍ଲିୟର କର୍ପୋରେସନ ଏହାକୁ ନିର୍ମାଣ କରିଛି ।
ବୈଜ୍ଞାନିକମାନେ ଦାବି କରିଛନ୍ତି ଯେ, କୃତ୍ରିମ ସୂର୍ଯ୍ୟ ସମ୍ପୂର୍ଣ୍ଣ ରୂପେ ସକ୍ରିୟ ହେବା ପରେ ଅସଲି ସୂର୍ଯ୍ୟଠାରୁ 13 ଗୁଣ ଅଧିକ ତାପମାନ ଦେବାରେ ସକ୍ଷମ ହେବ, ଯାହାକି ପାଖାପାଖି 200 ମିଲିୟନ ଡିଗ୍ରୀ ସେଲସିୟସରେ ପହଞ୍ଚିବ । ବର୍ତ୍ତମାନ ଅସଲି ସୂର୍ଯ୍ୟର ଅଧିକ ତାପମାତ୍ରା 15 ମିଲିୟନ ଡିଗ୍ରୀ ସେଲସିୟସ ରହିଛି ।
