ଭୁବନେଶ୍ୱର : ବାହାସପଟ ମାରୁଥିଲେ ବବି ଦାସ | ପୁଣିଥରେ କ୍ଷମତାକୁ ଫେରିବାପାଇଁ କରୁଥିଲେ ଉଦ୍ୟମ | ବିଧାୟିକାଙ୍କୁ ହଟାଇ ଉପନିର୍ବାଚନ ମାଧ୍ୟମରେ ପୁଣିଥରେ ଯାଜପୁର ରାଜନୀତିରେ ବିସ୍ତାର କରିଥାନ୍ତେ ନିଜର ପତିଆରା | କିନ୍ତୁ ତାଙ୍କର ସବୁ ଦିବାସ୍ବପ୍ନ କୁ ଭାଙ୍ଗି ଦେଇଛନ୍ତି ବିଧାୟିକା ସୁଜାତା ସାହୁ | ବବିଙ୍କୁ ନେଇ କହିଛନ୍ତି ଏପରି କିଛି କଥା | ଗତକାଲି ବିଜେଡିର ଜନସମ୍ପର୍କ ପଦଯାତ୍ରାର ଶୁଭାରମ୍ଭ ଅବସରରେ ବବି ପୁଣିଥରେ ନିର୍ବାଚନ ଲଢିବାକୁ ପ୍ରସ୍ତୁତ ବୋଲି ଖୋଲା ମଞ୍ଚରେ ଘୋଷଣା କରିଥିଲେ। ବବିଙ୍କ ଏହି ଦମ୍ଭୋକ୍ତି ପରେ ପୁରା ରାଜ୍ୟ ରାଜ୍ୟନୀତିରେ କମ୍ପନ ସୃଷ୍ଟି ହୋଇଥିଲା। ବର୍ତ୍ତମାନ ତାଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ପୂର୍ବରୁ ଯାଜପୁର ବିଧାନସଭା ନିର୍ବାଚନରେ ଉପନିର୍ବାଚନ ହେବା ନେଇ ଚର୍ଚ୍ଚା ହେଉଥିଲା। ଯାହାକୁ ଖୋରାକ ଯୋଗାଇଥିଲା ବବିଙ୍କ ଏହି ମନ୍ତବ୍ୟ। ଯାଜପୁର ବିଧାନସଭାର ବିଧାୟିକା ସୁଜାତା ସାହୁ ଇସ୍ତଫା ଦେଲେ ସେହି ଆସନରୁ ବବି ପୁଣିଥରେ ନିର୍ବାଚନ ଲଢିପାରନ୍ତି ବୋଲି ଚର୍ଚ୍ଚା ହେଉଥିଲା। କିନ୍ତୁ ଆଜି ସେହି ଚର୍ଚ୍ଚାରେ ପୂର୍ଣ୍ଣଛେଦ ପଡିଛି । ବିଧାୟିକା ସୁଜାତା ସାହୁ ଇସ୍ତଫା ଦେବେ ନାହିଁ ବୋଲି ଆଜି ଘୋଷଣା କରିଛନ୍ତି | ମୁଁ ପଦରୁ ଇସ୍ତଫା ଦେବିନି କି ବବି ଦାସ ଉପନିର୍ବାଚନରେ ଲଢ଼ିବାର କୌଣସି ସତ୍ୟତା ନାହିଁ| ଏହି ଘୋଷଣା ପରେ ଏବେ ବବିଙ୍କୁ ଶକ୍ତ ଧକ୍କା ଲାଗିଛି | ମଉଳି ଯାଇଛି ପୁଣିଥରେ ବବିଙ୍କ ବିଧାୟକ ହେବାର ସ୍ବପ୍ନ |
