ନୂଆଦିଲ୍ଲୀ ୨୧/୦୭ : ସୋସିଆଲ ମିଡିଆରେ ଆଜିକାଲି ଖୁବ ତୀବ୍ର ଗତିରେ ଭାଇରଲ ହେବାରେ ଲାଗିଛନ୍ତି ଆଜିର ଯୁବପିଢ଼ିମାନେ….
ଏକ ଅଭାବନୀୟ ଘଟଣା ଦେଖିବା ମିଳିଛି ରାଜସ୍ଥାନର ଟୋଙ୍କ ଜିଲ୍ଲାରେ ଇନଷ୍ଟାଗ୍ରାମରେ ରିଲ୍ସ କରୁଥିବା ଜଣେ ଯୁବତୀଙ୍କୁ ନାଗସାପ ଦଂଶନ କରିଦେବାରୁ ତାଙ୍କର ମୃତ୍ୟୁ ହୋଇଯାଇଥିବାର ଦୁଃଖଦ ଘଟଣା ସାମ୍ନାକୁ ଆସିଛି। ସୂଚନାଯୋଗ୍ୟ, ଘାଡ଼ କସୱେରେ ଦୀପା ସାହୁ ବସବାସ କରନ୍ତି। ଚାରିଜଣ ଭାଇଭଉଣୀଙ୍କ ମଧ୍ୟରେ ଦ୍ବିତୀୟ ନମ୍ବରରେ ଥିବା ଦୀପା ସାହୁ ସୋସିଆଲ ମିଡିଆରେ ଖୁବ ସକ୍ରିୟ। ସେ ପ୍ରାୟତଃ ରିଲକ୍ସ କରି ଇନଷ୍ଟାଗ୍ରାମରେ ପୋଷ୍ଟ କରିଥାଆନ୍ତି।
ନିକଟରେ ସେ ଘର ପାଖରେ ଥିବା ବଗିଚାକୁ ଗାଈ ପାଇଁ ଚାରା କାଟିବାକୁ ଯାଇଥିଲେ। ଏହି ସମୟରେ ଉକ୍ତ ଘାସବୁଦା ମୂଳେ ଶୋଇ ରହିଥିବା ନାଗସାପ ଦୀପାଙ୍କୁ ଦଂଶନ କରିଥିଲା। ସର୍ପ ଦଂଶନରେ ଦୀପା ଯନ୍ତ୍ରଣାରେ ଚିତ୍କାର କରିବା ପରେ ପାଖରେ ଥିବା ଲୋକେ ଘଟଣାସ୍ଥଳକୁ ଦୌଡ଼ି ଯାଇଥିଲେ।
ଦୀପାଙ୍କୁ ସାପ ଦଂଶନ କରିଥିବା ଜାଣିବା ପରେ ସେମାନେ ତୁରନ୍ତ ଝିଅକୁ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। ହେଲେ ସେଠାରେ ଡାକ୍ତର ଦୀପାଙ୍କୁ ମୃତ ଘୋଷଣା କରିଥିଲେ।
ଏହି ଘଟଣା ପରେ ଦୀପାଙ୍କ ଇନଷ୍ଟାଗ୍ରାମରେ ଥିବା ଫ୍ୟାନ୍ସମାନେ ଦୁଃଖୀ ହୋଇଯାଇଛନ୍ତି। ସେମାନେ ଦୀପାଙ୍କ ଆତ୍ମାର ଶାନ୍ତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି।
