ଜିଓ ସିନେମାରେ ପ୍ରସାରିତ ହେଉଥିବା ବିଗ୍ ବସ୍ ଓଟିଟି-୩ ଗତକାଲି ସମାପ୍ତ ହୋଇଛି। ଦୀର୍ଘ ୬ ସପ୍ତାହର ଅପେକ୍ଷା ପରେ ଲୋକପ୍ରିୟ ରିୟାଲିଟି ଶୋ’ ବିଗ୍ ବସ୍ ଓଟିଟି-୩ ପାଇଛି ତା’ର ବିଜେତା। ଏହି ସିଜିନ ରେ ଏଥର ବାଜି ମାରିନେଇଛନ୍ତି ଟେଲି ଅଭିନେତ୍ରୀ ସନା ମକବୁଲ। ସମସ୍ତ ଖେଳାଳିଙ୍କୁ ପଛରେ ପକାଇ ସେ ହାତେଇଛନ୍ତି ବିଗ୍ ବସ୍ ଓଟିଟି-୩ ର ଟ୍ରଫି। ଏଥିସହ ୨୫ ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ସେ ନିଜ ନାଁରେ କରିଛନ୍ତି। ଗ୍ରାଣ୍ଡ ଫିନାଲି ରେ ସନା ମକବୁଲଙ୍କ ସମେତ ୟୁଟ୍ୟୁବର ଅରମାନ ମଲିକଙ୍କ ଦ୍ୱିତୀୟ ପତ୍ନୀ କ୍ରିତିକା ମଲିକ, ଅଭିନେତା ରଣବୀର ସୋରି, ସାଇ କେତନ ରାଓ ଓ ରାପର୍ ନେଜି ଶ୍ରେଷ୍ଠ ୫ ପାଇନାଲିଷ୍ଟ ଭାବରେ ସ୍ଥାନ ପାଇଥିଲେ । କିନ୍ତୁ ସମସ୍ତଙ୍କୁ ପଛରେ ପକାଇ ବିଗ୍ ବସ୍ ଓଟିଟି-୩ର ଓ୍ୱିନର୍ ହୋଇଛନ୍ତି ସନା ମକବୁଲ। ଏହାଛଡା ରାପର୍ ନେଜି ପ୍ରଥମ ଏବଂ ରଣବୀର ସୋରି ଦ୍ୱିତୀୟ ରନର୍ ଅପ୍ ହୋଇଛନ୍ତି। ଟ୍ରଫି ଜିତିବା ପରେ ସନା ନିଜ ମନର କଥା ସେୟାର କରିଛନ୍ତି। ସେ କହିଛନ୍ତି, ଟ୍ରଫି ଜିତିବା ପରେ ମୁଁ ବହୁତ ଖୁସି। ଲୋକ ମେତେ ଗ୍ରହଣ କରିଥିବାରୁ ମୁଁ ସେମାନଙ୍କ ପାଖରେ କୃତଜ୍ଞ। ନେଜିଙ୍କ ସହ ଶୋ’ର ଶେଷ ପର୍ଯ୍ୟାୟରେ ପହଞ୍ଚିବା ନେଇ ମୁଁ ବେଶ୍ ମଧ୍ୟ ଖୁସି ଥିଲି। ମୋ ବଦଳରେ ନେଜି ଯଦି ଏହି ଟ୍ରଫି ଜିତି ଥାନ୍ତେ ସେତେବେଳେ ବି ମୁ ତାଙ୍କ ପାଇଁ ବେଶ୍ ଖୁସି ହୋଇଥାନ୍ତି ବୋଲି କହିଛନ୍ତି ସନା । ସନା ଫେମିନା ମିସ୍ ଇଣ୍ଡିଆ ୨୦୧୨ରେ ମଧ୍ୟ ଭାଗ ନେବା ସହ ସେଠାରେ ସେ ସୁନ୍ଦର ହସ ପାଇଁ ପୁରସ୍କାର ମଧ୍ୟ ପାଇଥିଲେ। ଏହା ବ୍ୟତୀତ ସେ ଜଣେ ଟେଲି ଅଭିନେତ୍ରୀ ସହ ଏକ ମଡେଲ ମଧ୍ୟ । ସେ ଓ୍ୱିସ୍, ଆଦତ ସେ ମଜବୁର, ରଙ୍ଗୁନ୍ ଓ ଇସ୍ ପ୍ୟାର୍ କୋ କ୍ୟା ନାମ ଦୁଁରେ କାମ କରି ଦର୍ଶକଙ୍କ ହୃଦୟରେ ନିଜପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ।
ଜିତିଲେ ସନା ମିଳିଲା ଏତିକି ଟଙ୍କା
