ହରିୟାଣା : କୁସ୍ତି ମୈଦାନ ପରେ ଏବେ ନିର୍ବାଚନୀ ମୈଦାନରେ ନିଜ ନିଜର ଦମ୍ ଦେଖାଇବେ ଷ୍ଟାର୍ ରେସଲର୍। ନିର୍ବାଚନ ମୈଦନାରେ ନିଜର ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି ବଜରଙ୍ଗ ପୁନିଆ ଏବଂ ଭିନେଶ ଫୋଗାଟ୍। ଆଜି ଉଭୟ କଂଗ୍ରେସ ସାଂସଦ ରାହୁଲ ଗାନ୍ଧିଙ୍କୁ ଭେଟିବା ସହିତ ବିଧିବଦ୍ଧ ଭାବରେ କଂଗ୍ରେସରେ ମଧ୍ୟ ଯୋଗ ଦେଇଛନ୍ତି । କଂଗ୍ରେସରେ ଯୋଗ ଦେବାପରେ ଉଭୟ ନିର୍ବାଚନୀ ମୈଦାନକୁ ଓହ୍ଲାଇବା ନେଇ ଏକ ପ୍ରକାର ସ୍ପଷ୍ଟ ହୋଇଯାଇଛି। ଆସନ୍ତା ମାସରେ ହରିଆଣାରେ ବିଧାନସଭା ନିର୍ବାଚନ ହେବାକୁ ଯାଉଥିବା ବେଳେ ଉଭୟ ସେଠାରେ ପ୍ରତିଦ୍ୱନ୍ଦ୍ୱିତା କରିବେ ବୋଲି ଜଣା ପଡିଛି। କଂଗ୍ରେସ ଟିକେଟ୍ରେ ହରିଆଣାର ବାଦିଲ୍ରୁ ବଜରଙ୍ଗ ପୁନିଆ ନିର୍ବାଚନ ଲଢ଼ିବା ସହିତ ଭିନେଶ ଫୋଗାଟ ଜୁଲାନା ଆସନରୁ ପ୍ରତିଦ୍ୱନ୍ଦ୍ୱୀ କରିବେ ବୋଲି କୁହାଯାଉଛି।
